+7 (701) 759 90 19
-5 °С : نۇر-سۇلتان
2 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

قازاقستان جازۋشىلار وداعىنىڭ ۇلتتىڭ شەجىرە- تاريحىن ساقتاۋدا ەڭبەگى زور

7 جەلتوقسان 14:08
:ءبولىسۋ
قازاقستان جازۋشىلار وداعىنىڭ ۇلتتىڭ شەجىرە- تاريحىن ساقتاۋدا ەڭبەگى زور

نۇر-سۇلتان. قازاقپارات - بيىل قازاقتىڭ رۋحاني ورداسى جازۋشىلار وداعىنىڭ قۇرىلعانىنا 85 جىل. قازاقستان جازۋشىلار وداعى ۇلتتىڭ شەجىرە- تاريحىن ساقتاۋدا سۇبەلى ەڭبەك اتقارىپ كەلەدى.

ال جازۋشىلارىمىزدىڭ قالامىنان تۋعان شىعارمالار الەمنىڭ 40 تان استام تىلىنە اۋدارىلىپ، الەم ادەبيەتىنىڭ باي مۇراسىن تولىقتىردى. تاياۋدا عانا «قازاق ادەبيەتىنىڭ انتولوگياسى» ارميان تىلىنە اۋدارىلىپ، كىتاپ بولىپ باسىلدى.

قازاقستان جازۋشىلار وداعى 1934 -جىلى قۇرىلىپ، العاشقى باسقارما ءتوراعاسى بولىپ ءىلياس جانسۇگىروۆ سايلانادى. عاسىرعا جۋىق كەزەڭدە وداقتى قازاقتىڭ كەمەڭگەر تۇلعالارى- ساكەن سەيفۋللين، ءسابيت مۇقانوۆ، ءابدىلدا تاجىبايەۆ، عابيت مۇسىرەپوۆ، جۇبان مولداعاليەۆ جانە باسقا دا بەلگىلى اقىن- جازۋشىلار باسقاردى. ولاردىڭ ءبىرازى ۇلتتىق قۇندىلىقتارمىزدى دارىپتەپ، جوعىن تۇگەندەپ، بارىن قاستەرلەۋدە تالاي قيىن- قىستاۋ كەزەڭدەردى باسىنان وتكىزدى.

ۇلت مۇددەسىن شىعارماسىنا ارقاۋ ەتكەن قانشاما زيالىلارىمىز قۋعىن- سۇرگىن قۇربانى بولدى. سوعان قاراماستان قازاق ادەبيەتى الەمگە تانىلدى. ماسەلەن، ءبىر مۇحتار اۋەزوۆتىڭ «اباي جولى» رومانى بىرنەشە تىلگە اۋدارىلدى.

ۇلىقبەك ەسداۋلەت، قازاقستان جازۋشىلار وداعىنىڭ ءتوراعاسى:

- ءبىزدىڭ باعىمىزعا وراي، «رۋحاني جاڭعىرۋ» باعدارلاماسى قابىلداندى. ۇلتتىڭ جەتى قىرى باعدارلاماسى قابىلداندى. سونىڭ ىشىندە ءبىز ەلگە، جۇرتقا كەرەكتى دۇنيەلەردى ءبىز ءوزىمىزدىڭ جوبامىزعا اينالدىردىق. بۇنىڭ بارلىعى ادەبيەتتىڭ يگىلىگى ءۇشىن جاسالىپ جاتقان شارۋا. جازۋشىلار وداعى جانىنان باسپا اشتىق. ول دا قاراجاتى تابىلىپ جاتسا كىتاپتار شىعارۋعا دايىن. وداقتىڭ ادەبيەت الەمىنە قادام باسقان جاس اقىن- جازۋشىلاردىڭ قاناتىن قاتايتىپ، شىعارماشىلىعىن شىڭداۋدا ورنى ەرەكشە. ولاردىڭ تىرناقالدى تۋىندىلارىنىڭ جارىققا شىعۋىنا ىقپال ەتتى.

قازىر بۇل ۇيىمنىڭ قۇرامىندا 800-گە جۋىق قالامگەر بار. بيىل وداقتىڭ تىكەلەي ۇيىتقى بولۋىمەن ازيا جازۋشىلارىنىڭ فورۋمى ءوتتى. وعان 40 قا جۋىق ەلدەن 300 قالامگەر قاتىستى. سونداي اق قازىر جازۋشىلار باسقارماسى وبلىستاردا تۇراتىن اقىن- جازۋشىلاردى الەۋمەتتىك قامتاماسىز ەتۋ جاعىنان گرانت تاعايىنداۋ ءىسىن قولعا العان.

ۇلىقبەك ەسداۋلەت، قازاقستان جازۋشىلار وداعىنىڭ ءتوراعاسى:

- قازىر ءبىز مادەنيەت مينيسترلىگىمەن مامىلەنىڭ ارقاسىندا جىل سايىن جازۋشىلار وداعىنا قالاماقى تولەۋ دەگەن ماسەلەنى قولعا الدىق. بىلتىر 25 جازۋشىنىڭ كىتابى ساتىپ الىنسا، بيىل 60-قا جۋىق جازۋشىنىڭ كىتابى الىنىپ جاتىر. سول سياقتى بۇل جىلدان جىلعا قالاماقى تولەيتىن كىتاپتاردىڭ سانى ارتا بەرەدى. بۇنىڭ بارلىعى ادەبيەتتىڭ يگىلىگى ءۇشىن جاسالىپ جاتقان شارۋا.

ال قازاقستان جازۋشىلار وداعىنىڭ 85 جىلدىق مەرەيتويىنا ارنالعان حالىقارالىق پلەنۋم 9 جەلتوقسان كۇنى الماتىداعى اباي اتىنداعى وپەرا جانە بالەت تەاترىندا وتكىزىلەدى.

www.24.kz


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات