+7 (701) 759 90 19
-4 °С : نۇر-سۇلتان
-5 °С : الماتى
USD 378.60 EUR 417.75
RUB 6.13 CNY 54.58
جاڭالىقتار

وزبەكستاننىڭ باس پروكۋراتۋراسى  بۇرىنعى پرەزيدەنتتىڭ قىزى گۇلنار كاريموۆاعا قارسى جاڭا ءىس قوزعادى

7 جەلتوقسان 11:06
:ءبولىسۋ
وزبەكستاننىڭ باس پروكۋراتۋراسى  بۇرىنعى پرەزيدەنتتىڭ قىزى گۇلنار كاريموۆاعا قارسى جاڭا ءىس قوزعادى

تاشكەنت. قازاقپارات - گۇلنار كاريموۆاعا قاتىستى جاڭا ءىس قوزعالدى، دەپ حابارلايدى «قازاقپارات» ح ا ا مەنشىكتى ءتىلشىسى وزبەكستان رەسپۋبليكاسىنىڭ باس پروكۋراتۋراسىنىڭ باسپا ءسوز قىزمەتىنە سىلتەمە جاساپ.

قاداعالاۋ ورگانىنىڭ باسپا ءسوز قىزمەتىندەگىلەر اتاپ وتكەندەي، وزبەكستاننىڭ باس پروكۋراتۋراسى مەن ادىلەت مينيسترلىگى ا ق ش، شۆەيساريا، فرانسيا، رەسەي فەدەراتسياسى جانە لاتۆيا سياقتى شەت مەملەكەتتەرمەن گ. كاريموۆانىڭ قىلمىستىق جولمەن الىنعان 1,3 ميلليارد ا ق ش دوللارى تابىسىن قايتارۋ ماسەلەسى بويىنشا بىرلەسىپ جۇمىس جۇرگىزىپ جاتىر، سونىمەن قاتار جەكەلەگەن ەلدەردە دە قىلمىستىق ىستەرى تەرگەلۋدە.

«وسى جۇمىس اياسىندا حالىقارالىق قۇرىلىمدار مەن ازاماتتاردان گ. كاريموۆانىڭ بۇرىنعى تەرگەۋلەردە قامتىلماعان جاڭا قىلمىستارى تۋرالى دەرەكتەر كەلىپ ءتۇستى. بۇل جاڭادان اشىلعان ءمان- جايلار جاڭا قىلمىستىق ءىس قوزعاۋعا نەگىز بولدى. تەرگەۋ بارىسىندا گ. كاريموۆا بىرنەشە ادامنان تۇراتىن كوپتەگەن ۇيىمداسقان قىلمىستىق توپ قۇرىپ، قىلمىستىق قاۋىمداستىقتى باسقارعان. گ. كاريموۆا جانە ونىڭ سىبايلاستارى ۇيىمداسقان توپتاردىڭ قۇرامىندا جاساعان قىلمىستارى ءۇشىن سوت تاعايىنداعان جازانى وتەپ جاتىر»، - دەلىنگەن حابارلامادا.

«قازىرگى ۋاقىتتا تەرگەۋ گ. كاريموۆانىڭ رەسپۋبليكانىڭ ونەركاسىپ كاسىپورىندارىندا جۇمىس ىستەيتىن تاعى ءبىر ۇيىمداسقان قىلمىستىق توبىنىڭ بار ەكەنىن انىقتادى، بۇل توپ وعان قىلمىستىق جولمەن الىنعان كىرىستەردىڭ ءبىر بولىگىن بەرىپ وتىرعان. سونىمەن قاتار، گ. كاريموۆا قىسىم كورسەتۋ جانە قورقىتۋ ارقىلى ازاماتتار مەن ءتۇرلى كومپانيالاردىڭ يەلەرىن وزدەرى باسقاراتىن كومپانيالارعا مۇلىكتەرىن قايتا تىركەۋگە ماجبۇرلەگەن. تەرگەۋدەگى قىلمىستىق ءىس اياسىندا كەلتىرىلگەن زالالدىڭ مولشەرى 165 ميلليون ا ق ش دوللارىنان استام جانە 85 ميللياردتى قۇراعان. وسىعان بايلانىستى، بوپسالاۋ، يەمدەنۋ جولىمەن توناۋ نەمەسە ۇرلاۋ، وزبەكستاننىڭ مۇددەلەرىنە قايشى مامىلە جاساسۋ جانە ەلدىڭ قىلمىستىق كودەكسىنىڭ ءتيىستى باپتارىندا قاراستىرىلعان قىلمىستىق قوعامداستىق قۇرۋمەن بايلانىستى جاساعان قىلمىستار ءۇشىن جاڭا ايىپ تاعىلدى» ، - دەپ اتاپ ءوتتى باس پروكۋراتۋرانىڭ باسپا ءسوز قىزمەتى.

«تاشكەنتتىڭ ياشناباد اۋداندىق قىلمىستىق سوتىنىڭ ۇكىمىمەن گ. كاريموۆاعا قاتىستى قاماۋعا الۋ تۇرىندەگى بۇلتارتپاۋ شاراسىن قولداندى. ءىستى تەرگەۋ بارىسىندا گ. كاريموۆانىڭ قۇقىقتارى مەن زاڭدى مۇددەلەرىن قورعاۋدى ءوزى جانە ونىڭ جاقىن تۋىستارى اكەلگەن 7 قورعاۋشىسى جۇزەگە اسىرادى. سونىمەن قاتار، بارلىق تەرگەۋ ارەكەتتەرىنە قورعاۋشىلاردىڭ قاتىسۋى جانە ونىمەن شەكتەۋسىز جەكە كەزدەسۋ مۇمكىندىگى قامتاماسىز ەتىلگەن»، - دەپ حابارلايدى وزبەكستان رەسپۋبليكاسى باس پروكۋراتۋراسىنىڭ باسپا ءسوز قىزمەتى

قازىرگى ۋاقىتتا ءىستى تەرگەۋ اياقتالدى، گ. كاريموۆا قورعاۋشىلاردىڭ قاتىسۋىمەن قىلمىستىق ءىستىڭ ماتەريالدارىمەن تانىسۋدا.

فوتو: BBC.com


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات