كاليفورنيا ۋنيۆەرسيتەتى قازاقستان تاريحى ءپانى مۇعالىمىن ىزدەيدى

نۇر-سۇلتان. قازاقپارات - ا ق ش- تىڭ لوس- اندجەلەس قالاسىنداعى كاليفورنيا ۋنيۆەرسيتەتى  قازاقستان تاريحى، ءتىلى مەن مادەنيەتى ءپانى مۇعالىمى لاۋازىمىنا كونكۋرس جاريالادى.

(University of California at Los Angeles)

وتىنىشتەر 18 - قاراشادان 9 - جەلتوقسانعا دەيىن قابىلدانادى، دەپ حابارلايدى ەلوردا ينفو.

 وقىتۋشى ىزدەۋ تۋرالى حابارلاندىرۋ UCLA سايتىندا جاريالاندى. ۋنيۆەرسيتەتتىڭ سلاۆيان، شىعىس ەۋروپالىق جانە ەۋرازيالىق تىلدەر مەن مادەنيەتتەر كافەدراسى 2020 - جىلدىڭ كوكتەمگى سەمەسترىنە قازاقستان تاريحى، ءتىلى جانە مادەنيەتى بويىنشا جوعارى ءبىلىمنىڭ كىرىسپە كۋرسىن قۇرۋعا جانە وتكىزۋگە تولىق ەمەس جۇمىس كۇنىنە وقىتۋشى ىزدەۋدە.

ۇمىتكەرگە قويىلاتىن ءتيىستى تالاپتار: ورتالىق ازيا ايماعىنا قاتىستى ماگيستر دارەجەسى نەمەسە ودان جوعارى دەڭگەيدىڭ بولۋى، قازاق تاريحى مەن مادەنيەتىمەن جالپى تانىس بولۋ جانە باستاۋىش قازاق تىلىندەگى وقۋ ساباقتارىن باقىلاۋ ءۇشىن قازاق ءتىلىن جەتكىلىكتى تۇردە ءبىلۋ. سونداي- اق وقۋتۋشىلار وتىنىمىندە تۇيىندەمە، ىلەسپە حات، زەرتتەۋ تۋرالى ءوتىنىش، ساباق بەرۋ تۋرالى ءوتىنىش، 3 ۇسىنىس حات قوسا تىركەۋ قاجەت. ۇمىتكەرلەر تولىق اقپاراتپەن ۋنيۆەرسيتەت سايتىنان تانىسا الادى.

www.24.kz