قىزىلوردادا جۇرەك وپەراتسياسىنا بۇزاۋ ءتىنى پايدالانىلدى

None
None
نۇر-سۇلتان. قازاقپارات -   قىزىلوردادا جۇرەكشە ىرعاعى بۇزىلىپ، قارىنشالىق تۇيىندە وتكىزگىشتىك تەجەلگەن ناۋقاسقا حيرۋرگتەر بۇزاۋ ءتىنىن قولدانۋ ارقىلى وپەراتسيا جاسادى، دەپ حابارلايدى «حابار 24».

 بۇعان دەيىن مۇنداي وپەراتسيالاردا شوشقا ءتىنى پايدالانىلىپ كەلگەن ەكەن. اياعى اۋىر ايەلدىڭ ومىرىنە قاۋىپ تونگەسىن ونىڭ جۇكتىلىگىن توقتاتۋعا تۋرا كەلدى. «دەگەنمەن 4 ساعاتقا سوزىلعان وپەراتسيا ءساتتى شىقتى»، -  دەيدى الماتىلىق ماماندار.

 وبلىستىق كارديولوگيالىق ورتالىقتىڭ 10 جىلدىعىنا الماتىدان كەلگەن دارىگەرلەر سىرقاتى اۋىر 4 ادامعا ەم- شارا جۇرگىزدى. جالپى سىر وڭىرىندە 2009 - جىلى اشىلعان كارديو ورتالىقتا 4 مىڭداي ناۋقاسقا ستەند، 12 مىڭ ادامعا كوروناگرافيا قويىلىپ، مىڭ جارىمعا جۋىق كۇردەلى وپەراتسيا جاسالدى.

نۇرسان سۇراشوۆ، الماتى قالالىق كارديولوگيا ورتالىعىنىڭ بولىمشە مەڭگەرۋشىسى:

 -  وپەراتسيانى جۇرەك پەن وكپەنىڭ جۇمىسىن توقتاتىپ جاسايدى. ودان كەيىن 1 كۇن رەانيماتسيادا، 7 كۇن ستاتسيوناردا بولادى دا ۇيىنە شىعارىلادى. جۇرەك- تامىر اۋرۋى جاسى كەلگەن ادامداردا ءجيى بايقالادى. قازىرگى كەزدە 75-80-نەن اسقانداردىڭ 80 پايىزى ءبىزدىڭ ناۋقاستار.

www.24.kz

سوڭعى جاڭالىقتار