مەن گەرمانياعا ەكى ەل اراسىنداعى بايلانىستارعا دانەكەر بولۋ ءۇشىن كەلدىم- پرەزيدەنت

None
None
بەرلين. قازاقپارات - قازاقستان پرەزيدەنتى گەرمانيا قاسىم- جومارت توقايەۆ بيزنەسىنىڭ وكىلدەرىمەن كەزدەسۋلەر وتكىزدى، دەپ حابارلايدى اقوردا.

قاسىم- جومارت توقايەۆ ءوزىنىڭ گەرمانياعا جاساعان رەسمي ساپارىنىڭ ەكىنشى كۇنگى باعدارلاماسىنىڭ اياسىندا نەمىس كومپانيالارىنىڭ باسشىلارىمەن بىرنەشە كەزدەسۋ وتكىزدى.

«Baumann Gmbh»  كومپانياسىنىڭ باس ديرەكتورى روبەرت باۋماننمەن كەزدەسۋدە الماتى وبلىسىنداعى اگروونەركاسىپ كەشەنى سالاسىنداعى ينۆەستيتسيالىق جوبالاردىڭ جۇزەگە اسىرىلۋ ماسەلەلەرى تالقىلاندى. كاسىپكەر قازاقستاندا قوي ەتىن ءوندىرۋ جۇمىستارىن قالاي جولعا قويعانىن ايتىپ، ءوز بيزنەسىن ودان ءارى دامىتۋ جونىندەگى جوسپارىن ورتاعا سالدى.

قازاقستان پرەزيدەنتى بۇل جوباعا وڭ باعاسىن بەرىپ، مەملەكەتتىك قۇرىلىمداردىڭ جان- جاقتى قولداۋ كورسەتەتىنىن اتاپ ءوتتى.

«قوي سانىن جىلىنا 750 مىڭعا جەتكىزەمىز دەگەن بيىك ماقسات قويىپ وتىرسىزدار. مەملەكەت باسشىسى رەتىندە ءسىزدىڭ قازاقستانداعى جوباڭىزعا وڭ باعا بەرەمىن. سىزدەردى ودان ءارى وركەندەي بەرۋگە شاقىرامىن. تۋىنداۋى مۇمكىن ماسەلەلەردى شەشۋ ءۇشىن نەمىس بيزنەسىمەن ىنتىماقتاستىق ورناتۋ جونىندە جۇمىس توبى قۇرىلدى. ونى پرەمەر- ءمينيستردىڭ ورىنباسارى باسقارادى»، - دەدى قاسىم- جومارت توقايەۆ.

مەملەكەت باسشىسى حالىقارالىق بيزنەستى دامىتۋ جونىندەگى «Deutsche Bahn AG»  كومپانياسىنىڭ ديرەكتورى نيكو ۆاربانوففپەن جانە ينفراقۇرىلىم جونىندەگى باسقارما مۇشەسى رونالد پوفاللمەن اڭگىمەلەسۋ بارىسىندا كولىك سالاسىندا ىنتىماقتاستىق ورناتۋ ماسەلەسىن تالقىلادى. اتاپ ايتقاندا، قازاقستانداعى تەمىرجول جولاۋشىلار تاسىمالىنىڭ ساپاسىن ءتيىستى دەڭگەيگە كوتەرۋ، ينجينيرينگتىك جانە كونسالتينگتىك قىزمەتتەر كورسەتۋ ماسەلەلەرى قاراستىرىلدى.

سونىمەن قاتار قاسىم- جومارت توقايەۆ «Volksvagen AG»  كومپانياسىنىڭ سىرتقى بايلانىستار جونىندەگى باس ديرەكتورى يەنس حانەفەلدپەن كەزدەسىپ، ينۆەستيتسيالىق ىنتىماقتاستىق ماسەلەسىن تالقىلادى.

«مەن گەرمانياعا ەكى ەل اراسىنداعى بايلانىستارعا دانەكەر بولۋ ءۇشىن كەلدىم. بىزگە سىزدەردىڭ ينۆەستيتسيالارىڭىز بەن بيزنەسكە قاتىسۋلارىڭىز قاجەت. كەشە گەرمانيا باسشىلىعىنا ءبىزدىڭ ەكونوميكامىزداعى نەمىس ينۆەستورلارىنىڭ سانىن ارتتىرعىمىز كەلەتىنىن اشىق ايتتىم»، - قازاقستان پرەزيدەنتى.

سوڭعى جاڭالىقتار