قاسىم- جومارت توقايەۆ نەمىس بيزنەسمەندەرىنە ەكسكليۋزيۆتى شارتتار جاريالادى
AXICA بەرلين كونگرەسس- ورتالىعىندا وتكەن شاراعا گ ف ر ۇكىمەتىنىڭ جوعارى لاۋازىمدى قىزمەتكەرلەرى، ساراپشىلار، جۋرناليستەر مەن گەرمان بيزنەسىنىڭ 250 دەن استام وكىلى قاتىستى.
«سوڭعى 3 جىلدا الەمدەگى گەوساياسي، گەوەكونوميكالىق ساياسات ايتارلىقتاي وزگەرىسكە ۇشىرادى. سانكسيالار مەن ساۋداداعى شەكتەۋلەر ديپلوماتيانىڭ ءداستۇرلى قۇرالدارىن ءجيى الماستىرا باستادى. ساۋدا كەدەرگىلەرى كۇن سايىن پايدا بولۋدا» ، - دەدى مەملەكەت باسشىسى.
وسى ورايدا قازاقستان پرەزيدەنتى جەتكىزىلىمدەردىڭ ءداستۇرلى تىزبەسىندە ايتارلىقتاي وزگەرىستەردىڭ ورىن الىپ، پروتەكتسيونيستىك ساياساتتىڭ كۇشەيە تۇسكەندىگىن اتاپ ءوتتى.
«وسىناۋ كۇردەلى جاعدايدا ءبىزدىڭ ەلىمىزدىڭ سىرتقى ەكونوميكالىق جانە ساۋدا ساياساتى اشىق، سىندارلى ءارى قاراپايىم. قازاقستان ءالى دە بولسا كاسىپوداقتارمەن، ەلدەرمەن جانە كومپانيالارمەن ءوزارا ءتيىمدى ىنتىماقتاستىق ءۇشىن اشىق» ، - دەپ اتاپ ءوتتى قاسىم- جومارت توقايەۆ.
مەملەكەت باسشىسىنىڭ اتاپ وتۋىنشە، قازاقستان ەۋروپالىق ەلوردالارمەن تۇراقتى كونسترۋكتيۆتى ديالوگتى قولداپ، ەۋروپالىق قايتا قۇرۋ جانە دامۋ بانكى، دۇنيەجۇزىلىك بانك، حالىقارالىق ۆاليۋتا قورى، ازيا دامۋ بانكى سىندى حالىقارالىق ۇيىمدارمەن تىعىز ىنتىماقتاستىقتى جولعا قويىپ وتىر.