جول بويىنداعى اجەتحانالار قالاي وزگەرەدى
ۇلتتىق وپەراتور - «قاز اۆتو جول» كومپانياسى اۆتوموبيل جولدارى كوميتەتىمەن بىرىگە وتىرىپ، 2022 -جىلعا دەيىن دەمالىس ورىندارىندا 304 سانيتارلىق توراپتى ورناتۋ بويىنشا باعدارلاما جاسادى. بۇل باعدارلامانى ق ر يندۋستريا جانە ينفراقۇرىلىمدىق دامۋ مينيسترلىگى بەكىتتى.
«قايتا جوندەۋدەن ءوتىپ جاتقان جولداردىڭ بويىندا – 110، پايدالانۋعا بەرىلگەن جول بولىكتەرىندە – 121، اقىلى جول بويىندا - 73 دارەتحانا جاسالادى»، - دەدى كومپانيادان.
قايتا جوندەۋدەن ءوتىپ جاتقان جولداردىڭ بويىندا قازىر 14 توراپ ورناتىلىپ جاتىر.
ونىڭ ءبىرى شۋچينسك - زەرەندى ۋچاسكەسىندە ورناتىلدى. «نۇر- سۇلتان - پاۆلودار»، «جەتىباي - جاڭاوزەن»، قاراعاندى اينالما جولىندا 11 توراپ قويىلىپ جاتىر. «شىمكەنت - تاراز» تاس جولىندا 2 توراپ ورناتۋ ءۇشىن كەلىسىمگە قول قويىلدى.
وسى باعدارلامانى جۇزەگە اسىرۋ ماقساتىندا 2019 -جىلدىڭ 21 - قازانىندا 40 اجەتحانا ورناتۋ جانە قىزمەت كورسەتۋ بويىنشا ينۆەستيتسيالىق بايقاۋ جاريالانعان بولاتىن.
قازىر دەمالىس الاڭدارىن قالپىنا كەلتىرۋ، ەلەكتر جەلىسىن تارتۋ، ۇڭعىما قازۋ جۇمىستارى اتقارىلىپ جاتىر. ەلەكتر جەلىسى تارتىلماعان جەرلەرگە بالاما ەلەكتر ەنەرگياسى كوزىن ورناتۋ كوزدەلگەن.
بۇل بايقاۋعا قاتىسۋعا كوپتەگەن كومپانيالاردان ءوتىنىش ءتۇستى. بايقاۋدىڭ العاشقى كەزەڭى بويىنشا «Qazaqtech» ج ش س ينۆەستور اتاندى.
«بۇل كومپانيا اجەتحانالارعا جاسىل تەحنولوگيا قاعيداتى بويىنشا ۆاككۋمدى اعىزۋ جۇيەسى، كۇن ەنەرگياسى جۇيەسىن ورناتۋمەن اينالىسادى. بۇل توراپتاردى ورناتۋ ينۆەستور قارجىسىنىڭ ەسەبىنەن بولادى»، - دەدى «قازاۆتوجول» كومپانياسىنان.
ەسكە سالا كەتەيىك، 14 - قاراشادا ق ر پرەزيدەنتى قاسىم- جومارت توقايەۆ تۋريزم سالاسىن دامىتۋداعى كەدەرگىلەردى ايتقان بولاتىن. مەملەكەت باسشىسى اقمولا وبلىسىنىڭ تۋريستىك مۇمكىندىگىنە شەكتەۋ قويىپ وتىرعان ءبىر فاكتور رەتىندە اجەتحانالاردى تىلگە تيەك ەتتى .
«ەڭ قاجەتتى دەگەن جول بويىنداعى دارەتحانالاردى تارتىپكە كەلتىرە الماي وتىرىپ، سەرۆيس جايىندا قالاي ايتامىز؟!»، - دەگەن بولاتىن پرەزيدەنت.
اۆتور: گۇلميرا عوسمانالي