+7 (701) 759 90 19
-10 °С : نۇر-سۇلتان
-1 °С : الماتى
USD 376.51 EUR 418.91
RUB 6.13 CNY 54.90
جاڭالىقتار

ءبىزدىڭ اۋىل بۇكىل ءيتىن اتىپ ءجۇرىپ، «قۇلدىقتان» ازەر قۇتىلعان

6 جەلتوقسان 16:42
:ءبولىسۋ
ءبىزدىڭ اۋىل بۇكىل ءيتىن اتىپ ءجۇرىپ، «قۇلدىقتان» ازەر قۇتىلعان

نۇر-سۇلتان. قازاقپارات - سول جىلى ءبىزدىڭ اۋىل كۇرەڭتى باسىن جايلاپ وتىرعان. ىرگەلەس قوڭسى قونعان جەزدەمىزدىڭ الاموينىق دەيتىن ءنان توبەتى بولدى. ارس- ارس ەتكەندە اتتى كىسىنى قورقىتادى.

ءبىراق وسى تاۋداي توبەت ۇيدەن ۇزاپ شىقپايدى، كيىز ءۇيدىڭ كۇن قۋعان كولەڭكەسىن ساعالاپ ميلىعىپ جاتادى.

ءبىر كۇنى اۋىلعا ءيت اتاتىن ادامدار كەلدى. جەزدەي الگىلەردى شاقىرىپ الدى دا، «مىنا تاۋداي توبەتتى اتىپ الىپ كەتتىڭدەر!» دەپ ۇكىم شىعاردى. ونىمەن قويماي، الامويناققا قاراپ، «ارامتاماق، ساتقان.. « دەپ، ءبىرتۇرلى كىجىنىپ قويدى. ۇلكەن اكەي، «قول اسىراعان كۇشىگىڭ ەمەس پە، اتقىزباي- اق قوي» دەپ ەدى، جەزدەي: «كۇشىگىندە تالانعان بۇل ءيت بولمايدى» دەپ اينالىپ جۇرە بەردى. الگى ءسوزدى ەستىگەن اكەيدە، «ە، باسە، ءبىلىپ ەم» دەپ، ءيت اتقىشتارعا قاراپ، يە قاقتى. ءسويتىپ ادام بالاسى قورقاتىن الىپ توبەت الامويناق اتىلىپ كەتتى.

الامويناقتىڭ اتىلعان سەبەبى بىرەۋ: ول كۇشىگىندە تالانعان. وقيعا بىلاي بوپتى. الاموينىق كۇشىك كەزىندە، قورالى قويعا قاسقىر شاپقان. سىرالعى ۇلكەن يتتەر جۇپ جازباي، سىرعاقتاي ءۇرىپ، ساقسىنا ۇمتىلىپ، «بورىشىن» ادال اتقارىپ جاتقاندا، الامويناق كۇشىك شاۋىلدەي جۇگىرىپ قاسقىردىڭ الدىنا جەتىپ بارعان. كوكجال قاسقىر كىشكەنتاي كۇشىكتى كوك جەلكەدەن العاندا، ەكى سىلكىپ، ەسىنەن تاندىرىپ، ۇستىنە سارىپ تاستاعان.

ارا دا قانشا جىلدار وتسە دە، الىپ توبەت الامويناق قاسقىردىڭ ءيىسىن سەزسە بولدى، ەسىنەن تانىپ، قۇلاپ قالادى ەكەن. بىردە جەزدەي ءداۋ توبەتىن جىلقى باعۋعا ەرتىپ شىققان ەكەن، قاسقىر سارىعان الگى بەيباق جىلقىنى قايتا قاسقىرعا قايىرىپ بەرىپ، ماسقارا بوپتى.

ەندى مىنا قىزىققا قاراڭىز: كەلەر جىلى جازدا جايلاۋعا كەلسەم، اكەي اۋىلدىڭ بارلىق ءيتىن اتتىرىپ تاستاپتى. «نەگە بۇلاي بولدى؟» دەپ سۇراعانىمدا، اكەي، «تەكسىزدەن تەكسىز تۋادى دەگەن شىن ەكەن» دەپ، اۋىر كۇرسىندى. ارينە، قول اسىراعان كۇشىكتەرىن قيماي وتىر. قىسقاسى، الامويناق تاپتىرعان كۇللى اۋىلدىڭ كۇشىگى «قاسقىر كورسە قاشاتىن» دەرتكە شالدىققان. الامويناقتىڭ ىشىنە كىرىپ كەتكەن «قاسقىر» ۇرەي، قانىمەن جۇيتكىپ، تۇقىمىنا دەيىن دارىعان. ءسويتىپ، ءبىزدىڭ اۋىل بۇكىل ءيتىن اتىپ ءجۇرىپ، «قۇلدىقتان» ازەر قۇتىلعانى بار. قانعا ءسىڭىپ كەتكەن «ۇرەي» قيىن ەكەن.

بەكەن قايرات ۇلى


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات