+7 (701) 759 90 19
-6 °С : نۇر-سۇلتان
-8 °С : الماتى
USD 376.51 EUR 418.91
RUB 6.13 CNY 54.90
جاڭالىقتار

اسحات ايماعامبەتوۆ ءبىلىم سالاسىنداعى كوشىرمەشىلىكپەن كۇرەسەتىن جۇيە تۋرالى ايتتى

6 جەلتوقسان 16:54
:ءبولىسۋ
اسحات ايماعامبەتوۆ ءبىلىم سالاسىنداعى كوشىرمەشىلىكپەن كۇرەسەتىن جۇيە تۋرالى ايتتى

نۇر- سۇلتان. قازاقپارات – ق ر ءبىلىم جانە عىلىم ءمينيسترى اسحات ايماعامبەتوۆ ءبىلىم سالاسىندا پلاگياتپەن كۇرەس شارالارى تۋرالى تۇسىنىك بەردى، دەپ حابارلايدى قازاقپارات ءتىلىشىسى.

«اكادەميالىق ادالدىق، پلاگيات ماسەلەسى كوتەرىلدى. بۇل ماسەلە بويىنشا دا مينيسترلىك ءتيىستى شەشىم قابىلداۋدا. Turnitin دەگەن ەڭ ۇزدىك 15 مىڭ ۋنيۆەرسيتەت قولداناتىن انتيپلاگياتتىق جۇيە بار. سول جۇيەگە ءبىز بيىل ۇلتتىق جازىلىپ، قولدانۋدامىز. ءبىز نورماتيۆتىك قۇجاتتارعا وگەرىستەر ەنگىزدىك. ەندى بارلىق كۋرستىق، ديپلومدىق جۇمىستار، ارينە ديسسەرتاتسيالار مىندەتتى تۇردە وسى جۇيەدەن وتەدى»، - دەپ توقتالدى مينيستر.

ونىڭ سوزىنە قاراعاندا، جازىلعان ەڭبەكتەر بۇل جۇيەدەن ءوتىپ قانا قويماي، سول جۇيەدە ساقتالادى. سوندىقتان، ءبىر رەت جازىلعان جۇمىستى ەكىنشى رەت قورعاپ شىعۋ مۇمكىندىگى بۇدان بىلاي بولمايدى.

سونىمەن قاتار ا. ايماعامبەتوۆ بۇرىنعى ءبىلىم جانە عىلىم ۆيتسە- ءمينيسترى فاتيما جاقىپوۆانىڭ ماسەلەسىنە قاتىستى پىكىر ءبىلدىردى.

«وسى ماسەلەدە ديسسەرتاتسيانى قايتادان قاراستىرۋ دەگەن سۇراق بولدى. ونى دا قاراپ شىقتىق. جالپى، 2009 -جىلى بۇل ديسسەرتاتسيا قورعالعان. ءال- فارابي اتىنداعى قازاق ۇلتتىق ۋنيۆەرسيتەتىندە قورعالدى. سول ۋاقىتتاعى تالاپتارعا ساي دەپ سانايمىز. سوندىقتان، بۇگىنگى كۇنى ول عىلىمي اتاقتى قايتىپ الۋعا زاڭناما اياسىندا ەشقانداي مۇمكىندىك بولماي تۇر. جالپى، بۇل كىسىنى وزدەرىڭىز بىلەسىزدەر، ءوزىنىڭ ءوتىنىشىن جازىپ، سونىڭ اياسىندا ءقازىر مينيسترىكتە جۇمىس ىستەمەيدى»، - دەدى ۆەدومستۆو باسشىسى.

ايتا كەتەيىك، بيىل قاراشا ايىندا ق ر ۇكىمەتىنىڭ قاۋلىسىمەن فاتيما نادىر قىزى جاقىپوۆا بەرگەن وتىنىشىنە سايكەس، قازاقستان رەسپۋبليكاسىنىڭ ءبىلىم جانە عىلىم ۆيتسە- ءمينيسترى قىزمەتىنەن بوساتىلدى .

سونىمەن قاتار فاتيما جاقىپوۆانىڭ عىلىمي دارەجە مەن اتاقتى زاڭسىز تاعايىنداۋ ماسەلەسى بويىنشا وزىنە قاتىستى ايىپتاۋعا جاۋاپ بەرىپ، ايىپتاۋشىلاردى سوتقا بەرگەندىگى تۋرالى حابارلاعان بولاتىنبىز.

اۆتور: رۋسلان عابباسوۆ


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات