+7 (701) 759 90 19
22 °С : نۇر-سۇلتان
26 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ساكەن، ءىلياس، بەيىمبەت: الماتىدا قازاقتىڭ ءۇش بايتەرەگى تۋرالى كورمە وتەدى

6 جەلتوقسان 14:33
:ءبولىسۋ
ساكەن، ءىلياس، بەيىمبەت: الماتىدا قازاقتىڭ ءۇش بايتەرەگى تۋرالى كورمە وتەدى

الماتى. قازاقپارات - الماتىدا قازاق ادەبيەتىنىڭ ءۇش بايتەرەگى، رەپرەسسيا قۇرباندارى ساكەن سەيفۋللين، ءىلياس جانسۇگىروۆ، بەيىمبەت مايليننىڭ 125 جىلدىق مەرەيتويىنا وراي «قۇربان بولعان تۇلعالار» اتتى كورمە وتەدى.

بۇل تۋرالى باسپا ءسوز ءماسليحاتىندا ق ر مەملەكەتتىك ورتالىق مۋزەيىنىڭ وكىلدەرى ايتتى، دەپ حابارلايدى قازاقپارات ءتىلشىسى.

قازاقستان تاريحىن زەرتتەۋ ورتالىعىنىڭ عىلىمي قىزمەتكەرى گۇلسارا جاپاقوۆانىڭ ايتۋىنشا، 9- جەلتوقسان كۇنى مەملەكەتتىك ورتالىق مۋزەيدە قازاق حالىقىنىڭ ءۇش بايتەرەگى، ستاليندىك زوبالاڭنىڭ قۇرباندارى، ارتىنا وشپەس رۋحاني مۇرا قالدىرعان قازاقتىڭ جىر قۇلاگەرى، قوعام قايراتكەرى - ءىلياس جانسۇگىروۆ، جالىندى اقىن، جازۋشى، دراماتۋرگ ساكەن سەيفۋللين مەن اڭگىمە جانرىنىڭ حاس شەبەرى، جازۋشى بەيىمبەت مايليننىڭ 125 جىلدىق مەرەيتويىنا وراي «قۇربان بولعان تۇلعالار» اتتى كورمە اشىلادى.

«تاريحي دەرەكتەرگە سۇيەنسەك، 1930-1953-جىلدار ارالىعىندا 40 ميلليوننان استام كەڭەس ازاماتى رەپرەسسياعا ۇشىرادى. وسى كەزەڭدە قازاق حالقىنىڭ 40 پايىزى قازا تاپتى. اسىرەسە، بۇل زاڭسىز جازالاۋعا كەڭەس وداعى قۇرامىندا بولعان بارلىق حالىقتار مەن ۇلتتاردىڭ بەتكە ۇستار زيالى قاۋىم وكىلدەرى ۇشىرادى. بار ءومىرىن قازاق حالقىنىڭ رۋحانياتىنا ارناعان تۇلعالاردىڭ 125 جىلدىعىنا ارنالعان شارالار كوپتەپ ۇيىمداستىرىلۋدا»، - دەيدى ق ر مەملەكەتتىك ورتالىق مۋزەيىنىڭ وكىلى گۇلسارا جاپاقوۆا.

كورمەگە ورتالىق مۋزەي قورىنداعى ءىلياس جانسۇگىروۆ، ساكەن سەيفۋللين، بەيىمبەت مايليننىڭ جەكە زاتتارى قويىلادى. سونداي-اق، كەلۋشىلەر نازارىنا سول جىلدارداعى زيالى قاۋىمنىڭ جۇمىس كابينەتىنىڭ كورىنىسى مەن س. سەيفۋلليننىڭ جەكە ءمورى، التىن ساعاتى، پورتسيگارى، ساكۆوياجى جانە باسقا زاتتارى ۇسىنىلادى.

كورمەنى ق ر پرەزيدەنتىنىڭ ارحيۆى، ق ر ورتالىق مەملەكەتتىك مۇراعاتى جانە «عىلىم ورداسى» ورتالىق عىلىمي كىتاپحاناسى ۇيىمداستىرىپ وتىر.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات