+7 (701) 759 90 19
-4 °С : نۇر-سۇلتان
-13 °С : الماتى
USD 376.51 EUR 418.91
RUB 6.13 CNY 54.90
جاڭالىقتار

تابىسى از وتباسى بالالارىنا بەرىلەتىن كومەككە نە كىرەدى؟

6 جەلتوقسان 13:42
:ءبولىسۋ
تابىسى از وتباسى بالالارىنا بەرىلەتىن كومەككە نە كىرەدى؟

نۇر-سۇلتان. قازاقپارات - تابىسى از وتباسىلاردىڭ بالالارىنا ارنالعان كەپىلدەندىرىلگەن الەۋمەتتىك توپتامادا نە بار؟ ق ر ەڭبەك جانە حالىقتى الەۋمەتتىك قورعاۋ مينيسترلىگى ءتۇسىندىرىپ بەردى، دەپ حابارلايدى قازاقپارات.

ق ر ەڭبەك جانە حالىقتى الەۋمەتتىك قورعاۋ مينيسترلىگى ق ر دەنساۋلىق ساقتاۋ مينيسترلىگى مەن ق ر ءبىلىم جانە عىلىم مينيسترلىگىنىڭ ۇسىنىمدارى نەگىزىندە اتاۋلى الەۋمەتتىك كومەك الاتىن تابىسى از وتباسىلاردىڭ بالالارىنا ارنالعان 2020-جىلعى 1- قاڭتاردان بەرىلە باستايتىن كەپىلدەندىرىلگەن الەۋمەتتىك توپتامانى تانىستىردى.

«كەپىلدەندىرىلگەن الەۋمەتتىك توپتاما 1 جاستان 6 جاسقا دەيىن جانە 6 جاستان 18 جاسقا دەيىنگى بالالارعا بەرىلەدى. 1 جاستان 6 جاسقا دەيىنگى بالالارعا ازىق-تۇلىك جانە تۇرمىستىق حيميا تاۋارلارىنىڭ جيىنتىقتارى قوسىلادى دەپ جوسپارلانۋدا. ءوز كەزەگىندە ازىق-تۇلىك جيىنتىعى: 1 دەن 3 جاسقا دەيىن جانە 3 تەن 6 جاسقا دەيىن بالالاردىڭ جاس ساناتىنا بايلانىستى ءار ءتۇرلى بولادى. ق ر د س م ۇسىنىمدارىنا سايكەس ازىق-تۇلىك جيىنتىقتارى فيزيولوگيالىق ەرەكشەلىكتەردى، ازىق-تۇلىكتىڭ تاعامدىق جانە ەنەرگەتيكالىق قۇندىلىعىنىڭ اراقاتىناسى مەن بالانىڭ جاسىنا سايكەس ولاردى پايدالانۋ نورمالارىن ەسكەرە وتىرىپ قالىپتاستىرىلعان جانە بۇل جيىنتىق ا ا ك تاعايىنداۋ كەزەڭىندە ايىنا ءبىر رەت بەرىلەدى» دەلىنگەن حابارلامادا.

1 جاستان 3 جاسقا دەيىنگى بالالارعا ارنالعان تاماق ونىمدەرىنىڭ جيىنتىعىنا: ۋلترا پاستەرلەنگەن ءسۇت %2,5، 1,95 ل؛ بالالار پەچەنەسى (5 ايدان باستاپ بالالارعا ارنالعان)، 180 گ ر؛ ولشەپ ورالعان ۇنتاق جارماسى، 700 گ ر؛ بالالارعا ارنالعان گيپواللەرگەندى بوتقالار اسسورتيمەنتى (5 ايدان اسقان بالالارعا ارنالعان)، 320 گ ر؛ بالالار پيۋرەسىنىڭ گيپواللەرگەندى اسسورتيمەنتى، 1150 گ ر؛ جۇگەرى جارماسى، 400 گ ر؛ بۋىپ-تۇيىلگەن سۇلى ۇلپەكتەرى، 800 گ ر كىرەدى.

3 جاستان 6 جاسقا دەيىنگى بالالارعا ارنالعان ازىق-تۇلىك جيىنتىعىنا: %2,5، 1,95 ل ۋلترا پاستەرلەنگەن ءسۇت؛ ءبيدايدىڭ قاتتى سورتتارىنان جاسالعان ماكاروندار، 800 گ ر؛ بۋىپ-تۇيىلگەن سۇلى ۇلپەكتەرى، 800 گ ر؛ كۇنباعىس مايى، 0,8 ل؛ كلاسسيكالىق گەماتوگەن، 240 گ ر؛ قۇرامىندا ۇنتاقتالماعان داندەرى بار تاڭعى اسقا ارنالعان ءسۇت ۇلپەكتەرى، 250 گ ر؛ تەمىرگە، س جانە ۆ دارۋمەندەرگە باي بالالار پەچەنەسى (5 ايدان باستاپ بالالارعا ارنالعان)، 360 گ ر؛ ولشەپ ورالعان ارپا جارماسى، 1 ك گ؛ ولشەپ ورالعان قاراقۇمىق جارماسى، 1600 گ ر؛ جارىلعان بۇرشاق، 800 گ ر؛ ولشەپ ورالعان ۇنتاق جارماسى، 700 گ ر؛ تابيعي بال، 200 گ ر كىرەدى.

بۇل جيناقتار بالانىڭ كۇندىزگى تاماقتانۋ راتسيونىن قامتاماسىز ەتۋگە ارنالماعانىن، ولاردىڭ ماقساتى - ءوسىپ كەلە جاتقان اعزاداعى ۆيتاميندەردىڭ جەتىسپەۋشىلىگىن وتەۋ ەكەندىگىن اتاپ وتكەن ءجون.

1 جاستان 6 جاسقا دەيىنگى بالالارعا ارنالعان تۇرمىستىق حيميا تاۋارلارىنىڭ جيىنتىعىنىڭ قۇرامىن دا ق ر د س م انىقتادى. وعان جەكە گيگيەنا زاتتارى (ءبىرىنشى قاجەتتىلىك): بالالار كرەمى، كرەم-سابىن، كىر سابىن، ءتىس پاستاسى، بالالار سۋسابىنى، ءتىس شەتكاسى، كىر جۋاتىن ۇنتاق كىردى. مۇنداي جيىنتىقپەن تابىسى از وتباسىلاردان شىققان بالالار ا ا ك تاعايىنداۋ كەزەڭىندە توقسانىنا ءبىر رەت قامتاماسىز ەتىلەدى.

6 جاستان 18 جاسقا دەيىنگى بالالارعا ارنالعان كەپىلدى پاكەت 4 بولىكتەن تۇرادى. وعان: وقۋ ورنى بويىنشا ءبىر رەتتىك مەكتەپتە تاماقتانۋ، مەكتەپ فورماسىمەن قامتاماسىز ەتۋ، مەكتەپ جابدىقتارىمەن قامتاماسىز ەتۋ، قالالىق كولىكتە جول ءجۇرۋدىڭ %50 وتەۋ كىرەدى.

مەكتەپ فورماسىنىڭ، سونداي-اق مەكتەپ كەرەك-جاراقتارىنىڭ جيىنتىقتارىمەن بالالار جىلىنا ءبىر رەت قامتاماسىز ەتىلەدى. ولاردى ساتىپ الۋعا ارنالعان سەرتيفيكاتتار وقۋ جىلى باستالار الدىندا، تامىز ايىندا بەرىلەدى دەپ جوسپارلانىپ وتىر.

ۇلدارعا ارنالعان مەكتەپ فورماسىنىڭ جيىنتىعىنا كەلەسى اتاۋلار كىرەدى: پيدجاك، جيلەت، شالبار، مەرەكەلىك كويلەك، كۇندەلىكتى كويلەك، قىسقى ۋاقىتتا - تريكوتاج كەۋدەشەسى.

قىزدار ءۇشىن: پيدجاك، جيلەت، يۋبكا، كلاسسيكالىق جەيدە. قىسقى ۋاقىتتا-تريكوتاج كەۋدەشە مەن سارافان.

باستاۋىش، ورتا جانە جوعارى سىنىپ بالالارىنا ارنالعان مەكتەپ كەرەك-جاراقتارىنىڭ جيىنتىعى ءوز قۇرامى بويىنشا ەرەكشەلەنەتىن بولادى دەپ بولجانۋدا.

باستاۋىش مەكتەپ وقۋشىلارىنا ارنالعان كومپلەكتكە: ريۋكزاك، كۇندەلىك، 20 دانا جۇقا داپتەر، قالامساۋىت، سۋرەت البومى، شاريكتى قالامدار - 5 دانا، جاي قارىنداشتار - 10 دانا، مۇقابالار - 15 دانا، پلاستيلين، اكۆارەلدى بوياۋلار، سىزعىش جانە وشىرگىش كىرەدى.

ورتا مەكتەپ وقۋشىلارى ءۇشىن جيىنتىقتا: ريۋكزاك، كۇندەلىك، 20 دانا جۇقا داپتەر، جالپى داپتەرلەر - 10 دانا، پەنال، سۋرەت سالۋ البومى، شاريكتى قالامدار - 5 دانا، جاي قارىنداشتار - 10 دانا، مۇقابالار - 15 دانا، سىزعىش جانە وشىرگىش بولادى.

جوعارى مەكتەپ وقۋشىلارىنا ارنالعان كومپلەكتكە: ريۋكزاك، كۇندەلىك، جۇقا داپتەرلەر - 20 دانا، جالپى داپتەرلەر - 10 دانا، قالامساۋىت، شاريكتى قالامدار - 5 دانا، قاراپايىم قارىنداشتار-10 دانا كىرەدى.

وقۋ ورنى بويىنشا كۇندەلىكتى مەكتەپتە تاماقتانۋ بەلگىلەنگەن نورمالار بويىنشا جۇزەگە اسىرىلادى.

جەڭىلدەتىلگەن جول جۇرۋگە كەلەتىن بولساق، «قازاقستان رەسپۋبليكاسىنداعى كولىك تۋرالى» زاڭنىڭ 13-بابى 7 دەن 15 جاسقا دەيىنگى بالالارعا قوعامدىق كولىكتە بيلەت باعاسىنان %50 جەڭىلدىك تۇرىندەگى جول جۇرۋگە كەپىلدىك بەرەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات