+7 (701) 759 90 19
-4 °С : نۇر-سۇلتان
-13 °С : الماتى
USD 376.51 EUR 418.91
RUB 6.13 CNY 54.90
جاڭالىقتار

سەنات ءتوراعاسى: رەسپۋبليكا دەڭگەيىندە شەشىم قابىلداعاندا ءماسليحاتتاردىڭ پىكىرىنە نازار اۋدارۋ قاجەت

6 جەلتوقسان 12:58
:ءبولىسۋ
سەنات ءتوراعاسى: رەسپۋبليكا دەڭگەيىندە شەشىم قابىلداعاندا ءماسليحاتتاردىڭ پىكىرىنە نازار اۋدارۋ قاجەت

نۇر-سۇلتان. قازاقپارات - رەسپۋبليكالىق دەڭگەيدە شەشىم قابىلداعان كەزدە ءماسليحات دەپۋتاتتارىنىڭ ۇستانىمدارى مەن پىكىرلەرىنە كوبىرەك نازار اۋدارۋ قاجەت.

بۇل تۋرالى بۇگىن قازاقستان ءماسليحاتتارىنىڭ 25 جىلدىعىنا ارنالعان رەسپۋبليكالىق كونفەرەنسيادا ق ر پارلامەنتى سەناتىنىڭ ءتوراعاسى داريعا نازاربايەۆا ايتتى، دەپ حابارلايدى قازاقپارات ءتىلشىسى.

«شيرەك عاسىر بۇرىن ەلىمىزدە ءماسليحاتتارعا العاشقى سايلاۋ ءوتتى. ق ر تۇڭعىش پرەزيدەنتى - ەلباسىمىز نۇرسۇلتان ءابىش ۇلى نازاربايەۆتىڭ باستاماسىمەن وسى كەزدەن باستاپ جەرگىلىكتى وكىلدى ورگانداردىڭ تاريحى باستالدى. بۇگىنگى كونفەرەنسيا - اتقارىلعان جۇمىستاردىڭ قورىتىندىسىن شىعارۋعا، ءماسليحات قىزمەتىنىڭ پەرسپەكتيۆالارى مەن پروبلەمالارى تۋرالى ايتۋعا جاقسى سەبەپ. بىزگە جۇمىسىمىز تۋرالى، حالىقتىڭ جاعدايىن جاقسارتۋ ءۇشىن جاسالاتىن وڭ قادامدار تۋرالى بايسالدى، ىسكەرلىك اڭگىمە قاجەت. بۇل - ۋاقىت تالابى»، - دەدى داريعا نازاربايەۆا.

سەنات سپيكەرى مەملەكەت باسشىسى قاسىم-جومارت توقايەۆ ءوزىنىڭ سايلاۋالدى تۇعىرناماسىندا «ازاماتتاردىڭ شەشىمدەر قابىلداۋ پروتسەسىنە قاتىسۋ جانە ولاردىڭ ىسكە اسىرىلۋىن باقىلاۋ تەتىكتەرىن كوزدەيتىن جەرگىلىكتى ءوزىن-ءوزى باسقارۋ ورگاندارىن ودان ءارى دامىتۋدى قولداۋ» قاجەتتىگىن اتاپ وتكەنىن ەسكە سالدى.

«ەندى وسى باعىتتا ناقتى قادامدار جاسايتىن كەز كەلدى. جەرگىلىكتى باسقارۋ - بۇل باسقارۋدىڭ ماڭىزدى دەڭگەيى. اكىمشىلىك رەفورما وعان ايتارلىقتاي وكىلەتتىك بەردى. ءدال وسى جەرگىلىكتى مەملەكەتتىك جانە ءوزىن-ءوزى باسقارۋ ورگاندارى حالىققا بارىنشا جاقىن، ولار ەلدىڭ ۋايىمى مەن ءۇمىتىن جاقسى بىلەدى. مەنىڭ ايماقتارعا ءىس-ساپارلارىم، دەپۋتاتتارمەن قارىم-قاتىناس بارىسى رەسپۋبليكالىق بيۋجەت، زاڭنامالىق جۇمىستار بويىنشا سىزدەردە ۇلكەن پوتەنتسيال بار ەكەنىن كورسەتتى»، - دەدى ول.

داريعا نۇرسۇلتان قىزى ءماسليحاتتىقتار بيۋجەتتى جوسپارلاۋ پروتسەدۋرالارىن وزگەرتۋ، وعان دەپۋتاتتاردىڭ بەلسەندى قاتىسۋى، ايماقتىق تەكسەرۋ كوميسسيالارىن بيۋجەت جۇمىسىنا تارتۋ ماسەلەلەرىن نەگىزدى تۇردە كوتەرىپ كەلە جاتقانىن ايتتى.

«بۇل وسى ماسەلەلەرگە قاتىستى ءبىزدىڭ كوزقاراسىمىز ءبىر ەكەنىن بىلدىرەدى جانە ارى قاراي قاي باعىتتا جۇرەتىنىمىزدى وسىدان تۇسىنۋگە بولادى. رەسپۋبليكالىق دەڭگەيدە شەشىم قابىلداعان كەزدە دە ايماقتاردىڭ، ەڭ الدىمەن ءماسليحات دەپۋتاتتارىنىڭ ۇستانىمدارى مەن پىكىرلەرىنە كوبىرەك نازار اۋدارۋ قاجەت دەپ ويلايمىن»، - دەدى سەنات ءتوراعاسى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات