+7 (701) 759 90 19
-4 °С : نۇر-سۇلتان
-13 °С : الماتى
USD 376.51 EUR 418.91
RUB 6.13 CNY 54.90
جاڭالىقتار

فەرمەرلەردىڭ نارازىلىعىن كورسەتكەن ب ا ق ماسەلەنىڭ شەشىلگەنىن ايتپادى - ابايەۆ

6 جەلتوقسان 09:16
:ءبولىسۋ
فەرمەرلەردىڭ نارازىلىعىن كورسەتكەن ب ا ق ماسەلەنىڭ شەشىلگەنىن ايتپادى - ابايەۆ

نۇر-سۇلتان. قازاقپارات – ق ر اقپارات جانە قوعامدىق دامۋ ءمينيسترى داۋرەن ابايەۆ فەرمەرلەر ماسەلەسىنىڭ قالاي شەشىلگەنىن ايتىپ بەردى، دەپ حابارلايدى قازاقپارات.

«ازىرگە بۇل ماسەلە شەشىلدى، مەملەكەت فەرمەرلەر الدىنداعى بارلىق مىندەتتەمەلەرىن ورىندايدى. جاقىندا ۇكىمەت شارۋالارعا شامامەن 50 ميلليارد تەڭگە سۋبسيديا تولەۋدى ءبىراۋىزدان ماقۇلدادى. ب ا ق وكىلدەرىنىڭ بۇل اقپاراتتى بايقاماعانى قىزىق. سەبەبى، مۇنىڭ ارتىندا ون مىڭداعان وتباسى تۇر، نەسيەلەر جابىلادى، ەڭبەكاقىلار تولەنەدى، ءتۇپتىڭ تۇبىندە دۇكەن سورەلەرىنە ازىق-تۇلىك بارادى. ولاردىڭ باعاسى تۇراقتالادى. ياعني، بۇل سۋبسيديا تۇتاس قازاقستان حالقىنا اسەر ەتەدى. شارۋالار نارازىلىق كورسەتكەنىن ءبارى حابارلادى. ال ۇكىمەتتىڭ بۇل ماسەلەنى شەشكەنىن ەشكىم بايقامادى»، - دەدى مينيستر «حابار» ارناسىنداعى «اشىق ديالوگ» باعدارلاماسىندا.

ونىڭ ايتۋىنشا، 2020 -جىلدان باستاپ، شارۋالاردى سۋبسيديالاۋ ءتارتىبى وزگەرەدى. بۇل وزگەرتۋلەر فەرمەرلەردى قولداۋعا عانا ەمەس، اۋىل شارۋاشىلىعى ينفراقۇرىلىمىن، عىلىمي-زەرتتەۋ جۇمىستارىن جاڭعىرتۋعا باعىتتالعان.

«ماسەلەن، بۇرىن مال ساتىپ الۋعا اقشا بولىنسە، ەندى جاڭا، اناعۇرلىم بەيىمدەلگەن تۇقىمداردى وسىرۋگە قولداۋ كورسەتىلمەك. ەگەر بۇرىن ەليەۆاتور ساتىپ الۋعا سۋبسيديا بەرىلسە، قازىر ونى جاڭعىرتۋعا، جاڭاشا جابدىقتاۋعا ءمان بەرىلەدى. بۇل ۇلكەن جۋرناليستىك جۇمىسقا ارقاۋ بولاتىن تاقىرىپ»، - دەدى د. ابايەۆ.

اۆتور: ايجان سەرىكجان قىزى


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات