+7 (701) 759 90 19
17 °С : نۇر-سۇلتان
15 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

قاسىم-جومارت توقايەۆ گەرمانيانىڭ بيزنەس وكىلدەرىمەن كەزدەستى

6 جەلتوقسان 08:32
:ءبولىسۋ
قاسىم-جومارت توقايەۆ گەرمانيانىڭ بيزنەس وكىلدەرىمەن كەزدەستى

بەرلين. قازاقپارات - مەملەكەت باسشىسى بەرلينگە ساپارى بارىسىندا نەمىس بيزنەسىنىڭ ءبىرقاتار وكىلدەرىمەن كەزدەستى، دەپ حابارلايدى قازاقپارات اقورداعا سىلتەمە جاساپ.

«CLAAS Group» كومپانياسى باقىلاۋ كەڭەسىنىڭ ءتوراعاسى كاترينا كلااس-ميۋلحويزەرمەن كەزدەسۋ بارىسىندا بىرلەسكەن ينۆەستيتسيالىق جوبالاردى جۇزەگە اسىرۋ ماسەلەلەرى تالقىلاندى. «CLAAS Group» كومپانياسى ءبىزدىڭ ەلىمىزگە «CT Agro» ديستريبيۋتورلىق جەلىسى ارقىلى اۋىل شارۋاشىلىعى تەحنيكالارىن اكەلىپ، سەرۆيستىك قىزمەت كورسەتۋمەن اينالىسادى.

- ءبىزدىڭ نەگىزگى ستراتەگيامىز - ەلىمىزگە تارتىلاتىن ينۆەستيتسيالاردى ءارتاراپتاندىرۋ. ينۆەستيتسيا تۇرعىسىنان گەرمانيانىڭ نەگىزگى ستراتەگيالىق سەرىكتەسى بولعىمىز كەلەدى، - دەدى قاسىم-جومارت توقايەۆ.

كاترينا كلااس-ميۋلحويزەر قازاقستاننىڭ ءىرى كومپانيالارمەن عانا ەمەس، سونداي-اق، ورتا دەڭگەيدەگى كومپانيالارمەن دە ىنتىماقتاستىق ورناتۋعا نيەتتى ەكەنىنە ريزاشىلىق ءبىلدىردى.

«Linde AG» كومپانياسىنىڭ اتقارۋشى ۆيتسە-پرەزيدەنتى كريستيان برۋحپەن كەزدەسۋ بارىسىندا كاسىپورىننىڭ قازاقستاندا جۇزەگە اسىرىپ جاتقان ينۆەستيتسيالىق جوبالارى مەن الداعى جوسپارلارى تۋرالى ءسوز بولدى.

- كانتسلەر انگەلا مەركەلمەن جانە پرەزيدەنت فرانك-ۆالتەر شتاينمايەرمەن جۇرگىزىلگەن بۇگىنگى كەلىسسوزدەر جوعارى دەڭگەيدە ءوتتى. وسى كەلىسسوزدەر ەكىجاقتى ىنتىماقتاستىقتى دامىتۋعا تىڭ سەرپىن بەرەتىنىنە سەنىمدىمىن»، - دەدى مەملەكەت باسشىسى.

كريستيان برۋح ءوز كومپانياسىنىڭ 2013-جىلى «ارسەلور ميتتال تەمىرتاۋ» ا ق بازاسىندا تەحنيكالىق گاز ءوندىرۋ جوباسىن ىسكە اسىرعانىن اتاپ ءوتىپ، وعان 95 ميلليون ەۋرو كولەمىندە ينۆەستيتسيا سالعانىنا توقتالدى.

«گەرمانيانىڭ ءىرى كومپانيالارىنىڭ باسشىلارىمەن كەزدەستىم. ولاردى قازاقستانداعى جوبالارعا بەلسەنە قاتىسۋعا شاقىردىم. بۇل ەل ەكونوميكاسىن ءارتاراپتاندىرىپ، ءوندىرىس ورىندارىن اشۋعا جانە وزىق نەمىس تەحنولوگياسىن ەنگىزۋگە زور مۇمكىندىك بەرمەك»، - دەپ جازدى ق ر پرەزيدەنتى قاسىم-جومارت توقايەۆ Twitter- دەگى پاراقشاسىندا.

- بۇگىندە «Linde AG» كومپانياسى جوبانىڭ ەكىنشى كەزەڭىن قولعا الدى. جاڭا جوباعا شامامەن 80 ميلليون ەۋرو ينۆەستيتسيا سالۋعا نيەتتىمىز، - دەدى كريستيان برۋح.

سونىمەن قاتار گەرمانيالىق كومپانيا «قازمۇناي گاز» ۇ ك» ا ق ماڭعىستاۋ وبلىسىنىڭ جاڭاوزەن قالاسىندا گاز وڭدەۋ زاۋىتىن سالۋ جونىندە كەلىسسوزدەر جۇرگىزىپ جاتقانىن ايتتى.

قازاقستان پرەزيدەنتى «Schaeffler Group» كومپانياسىنىڭ باس ديرەكتورى كلاۋس روزەنفەلدپەن كەزدەسۋ كەزىندە ءوزارا ىنتىماقتاستىقتىڭ پەرسپەكتيۆالارىن تالقىلادى. اۆتوموبيل جاساۋ، ونەركاسىپ جانە عارىش سالالارى بويىنشا قوسالقى بولشەكتەر شىعاراتىن كاسىپورىن باسشىسى كلاۋس روزەنفەلد قاسىم-جومارت توقايەۆقا وندىرىستىك جانە ينۆەستيتسيالىق مۇمكىندىكتەرى تۋرالى مالىمەت بەردى.

«Siemens Healthineers» كومپانياسىنىڭ باس ديرەكتورى بەرند مونتاگ مەملەكەت باسشىسىنا مەملەكەتتىك-جەكەمەنشىك ارىپتەستىك نەگىزىندە سالىناتىن ونكولوگيالىق ورتالىقتىڭ جوباسىن ۇسىندى. كاسىپورىن باسشىسى ەلىمىزدىڭ وندىرىستىك الەۋەتىن ارتتىرۋعا سەپتىگىن تيگىزەتىن ۇزاق مەرزىمدى ىنتىماقتاستىق ورناتۋعا نيەتتى ەكەنىن ايتتى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات