+7 (701) 759 90 19
-8 °С : نۇر-سۇلتان
-1 °С : الماتى
USD 377.19 EUR 408.99
RUB 5.93 CNY 54.02
جاڭالىقتار

رەسەي مەن ۋكراينا شيەلەنىسى قازاقستانعا ءتيىمسىز - داۋرەن ابايەۆ

6 جەلتوقسان 08:15
:ءبولىسۋ
رەسەي مەن ۋكراينا شيەلەنىسى قازاقستانعا ءتيىمسىز - داۋرەن ابايەۆ

نۇر-سۇلتان. قازاقپارات – ق ر اقپارات جانە قوعامدىق دامۋ ءمينيسترى داۋرەن ابايەۆ مەملەكەت باسشىسى قاسىم-جومارت توقايەۆتىڭ «نەمەتسكايا ۆولنا» تەلەراديوكومپانياسىنا بەرگەن سۇحباتىنا پىكىر ءبىلدىردى، دەپ حابارلايدى قازاقپارات ءتىلشىسى.

«رەسەي مەن ۋكراينا شيەلەنىسى قازاقستانعا بارلىق جاعىنان ءتيىمسىز. ەكى حالىق تا بىزگە تەڭ دارەجەدە جاقىن. رەسەيلىكتەر مەن ۋكراينالىقتار دا ءوز اراسىندا باۋىرلاس، ونى وزدەرى دە بىلەدى. سوندىقتان، ءبىز شيەلەنىستەردىڭ تەزىرەك جانە بەيبىت شەشىلۋىنە مۇددەلىمىز»، - دەدى مينيستر «حابار» ارناسىنداعى «اشىق ديالوگ» باعدارلاماسىندا.

ونىڭ ايتۋىنشا، سوعىس مايداندا ەمەس، ادامداردىڭ وي-ساناسىندا ءجۇرىپ جاتىر.

«نە بىزبەن بىرگەسىڭ، نە جاۋسىڭ» دەگەن ۇستانىم بەلەڭ الدى. ال، كەلەشەك كەلىسسوزدەرگە زيان كەلتىرمەۋدى كوزدەيتىن كەز كەلگەن ۇستانىم بەرۋ ارەكەتى تەرىس قابىلدانۋدا. نەگىزىندە ءبىز ءسوز بەن ينتوناتسيالاردىڭ تۇتقىنىنا اينالدىق. ءبىزدىڭ پرەزيدەنت ناعىز ديپلومات رەتىندە اننەكسيانىڭ تىم اۋىر تۇجىرىمداما ەكەنىن ايتتى. ول ەشكىمدى ايىپتاعان جوق، ەشكىمدى قولداعان جوق. قاسىم-جومارت كەمەل ۇلى مۇنداي سوزدەردىڭ باعاسىن ءتۇسىنىپ، ءۇزىلدى- كەسىلدى ەشتەڭە ايتقان جوق»، - دەدى د. ابايەۆ.

سونىمەن بىرگە، د. ابايەۆ ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ قازاقستان اۋماعىندا رەسەي مەن ۋكراينا باسشىلارى اراسىندا كەلىسسوزدەر وتكىزۋدى ۇسىنعانىن ەسكە سالدى.

«اراداعى وسىنداي وقيعالاردان ءبىزدىڭ ەلىمىز كوتەرگەن بەيبىت باستامالار كولەڭكەدە قالىپ قويدى. ماسەلەن، جاقىندا عانا ءبىز رەسەي مەن ۋكراينا باسشىلارى ءۇشىن ءوز الاڭىمىزدى ۇسىنعان ەدىك. ءبىزدىڭ بۇل ماسەلە بويىنشا ارەكەتىمىز - وسى»، - دەدى داۋرەن ابايەۆ.

اۆتور: ايجان سەرىكجان قىزى


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات