شىعىس ايەلدەرىنىڭ قۇپياسى نەدە؟
ول قۇراما جاتتىقتىرۋشىسى رەتىندەگى ءمىنسىز مانسابىنان بولەك، ايەل بولمىسى، ەر مەن ايەل قاتىناسى سىندى تاقىرىپتار توڭىرەگىندە بەرگەن سۇحباتتارىمەن تانىمال. كابايەۆا، زاريپوۆا، كانايەۆا، ۋتياشيەۆا .. . سىندى حاس سۇلۋلاردىڭ «اناسى» قول استىنداعى قىرىق قىزدىڭ تاربيەسىنە ءوزىن جاۋاپتى سانايدى. ۇلتى يەۆرەي بولسا دا، سامارقاندتا تۋىپ- وسكەن ۆينەر- ۋسمانوۆا ولاردى كۇندەلىكتى ومىردە شىعىس پرينتسيپتەرىن ۇستانۋعا شاقىرادى.
► «شىعىس قىزدارى قۇپياعا تولى. ولاردىڭ جۇمباق بولمىسى مەن قانمەن بەرىلگەن نازىكتىگى كۇيەۋلەرىن ءومىر بويى قۇمار قىلىپ وتەدى. مەنىڭ ەڭ ۇزدىك گيمناست قىزدارىمنىڭ تەگى شىعىستان باستاۋ الادى».
► «جولداسى ەسىكتەن كىرگەندە، ايەل ادام ورنىنان تۇرۋى كەرەك. ۇيىندە سىيلى ەردى، تۇزدە دە سىيلايدى. سىرت كوز مۇنى بايقاعىش كەلەدى».
► «شىعىس حالىقتارى «قالىڭدىعىڭ باسقا بىرەۋگە كەتىپ قالسا، كىمنىڭ جولى بولعانىن ءالى قۇداي كورسەتەدى« دەيدى. ادەتتە گيمناست قىزدارىما ءتاڭىردىڭ بەرگەن بەلگىسىن قابىلداي ءبىلۋ كەرەك دەيمىن. دەمەك ول ساعان لايىق ادام ەمەس بولعان سوڭ، قۇداي ايداپ اكەتتى. ءبىر قىزىعى، مەنىڭ ايتقانىم ۇنەمى دۇرىس بولىپ شىعادى».
► «اكەم- كوكەم دەپ استى- ۇستىڭە تۇسكەندى ەمەس، سەنى قايراپ، پەدەستالعا شىعاراتىن ادامدى «جانىم« دە».
► «سەنىڭ جەتىستىگىڭ ۇيىڭە ىلەسىپ بارماق تۇگىلى، پەدەستالدان تۇسپەۋى كەرەك. اياعىڭ جەرگە تيگەننەن كەيىن سەن ەشكىم دە ەمەسسىڭ. ول جەڭىسىڭ سول بيىكتىكتە قالدى. ەندى ودان وزگە شىڭدى باعىندىرۋىڭ كەرەك. سۇيگەنىڭە مىقتىلىعىڭدى ايتىپ، بۇلداما. سەن مىقتى بولساڭ، دەمەك ەرىڭ سەنەن دە مىقتى دەگەن ءسوز. ولاي بولماسا، ول سەنىڭ ناشارلىعىڭ».
► «ەر بىلدىرمەسە دە، ايەلىنىڭ قولداۋىنا مۇقتاج بولادى. مەن الىشەرگە (وزبەك ميللياردەرى الىشەر ۋسمانوۆ) ۇنەمى ء»سىز - گەنييسىز« دەپ ايتىپ وتىرامىن. ونى گەني ەمەس دەپ ەشكىم دە ايتا المايدى».
Massaget.kz