+7 (701) 759 90 19
30 °С : نۇر-سۇلتان
33 °С : الماتى
USD 405.66 EUR 454.70
RUB 5.71 CNY 57.43
جاڭالىقتار

مەملەكەتتىك قىزمەت تۋرالى زاڭعا قانداي وزگەرىستەر ەنگىزىلدى

5 جەلتوقسان 20:15
:ءبولىسۋ
مەملەكەتتىك قىزمەت تۋرالى زاڭعا قانداي وزگەرىستەر ەنگىزىلدى

نۇر-سۇلتان. قازاقپارات - بۇگىن ق ر مەملەكەتتىك قىزمەت ىستەرى اگەنتتىگى نۇر-سۇلتان قالاسى بويىنشا دەپارتامەنتىنىڭ باسشىسى سارسەن جاندوس وسى جىلدىڭ 26 -قاراشاسىندا «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭعا ەنگىزىلگەن وزگەرىستەردى ءتۇسىندىرىپ بەردى، دەپ حابارلايدى قازاقپارات ءتىلشىسى.

«وسى جىلدىڭ 26 -قاراشاسىندا «مەملەكەتتىك قىزمەت تۋرالى» زاڭعا قۇقىق قولدانۋ تاجىريبەسى بارىسىندا انىقتالعان كەيبىر ولقىلىقتار مەن قاقتىعىستاردى جويۋ ءۇشىن وزگەرتۋلەر ەنگىزىلگەنى بەلگىلى. ءبىرىنشى: اكىمشىلىك لاۋازىمدارعا كونكۋرستان تىس تاعايىنداۋعا قۇقىعى بار ادامداردىڭ سانى كەڭەيتىلدى، وعان جەتەكشى شەتەلدىك ۋنيۆەرسيتەتتەردىڭ PhD دوكتورلارىن جانە حالىقارالىق، شەتەلدىك جانە ترانسۇلتتىق ۇيىمداردا سوڭعى بەس جىلدان كەم ەمەس جۇمىس تاجىريبەسى بار ماماندار جانە كۆازيمەملەكەتتىك سەكتور سۋبەكتىسىندە باسشى نەمەسە باسشىنىڭ ورىنباسارى لاۋازىمىن اتقاراتىن ادامدار كىرەدى.

سونىمەن بىرگە، ەنگىزىلگەن تۇزەتۋ اكىمشىلىك مەملەكەتتىك قىزمەتكە كونكۋرس ارقىلى ءتۇسۋدىڭ قازىرگى ءتارتىبىن جويمايدى. اتالعان ادامدار بەلگىلەنگەن بىلىكتىلىك تالاپتارىنا سايكەس كەلگەن كەزدە ۋاكىلەتتى كوميسسيانىڭ شەشىمىمەن ورنالاسا الادى. شەتەلدىك وقۋ ورىندارىنىڭ ءتىزىمىن مەملەكەتتىك حاتشىنىڭ باسشىلىعىمەن شەتەلدە كادرلار دايارلاۋ جونىندەگى رەسپۋبليكالىق كوميسسيا، ال حالىقارالىق ۇيىمداردىڭ ءتىزىمىن ۋاكىلەتتى كوميسسيا انىقتايدى»، - دەدى ول.

ونىڭ اتاپ وتۋىنشە، ەكىنشىدەن زاڭعا ەنگىزىلگەن ءبىرقاتار وزگەرتۋلەر مەملەكەتتىك قىزمەتشىلەردىڭ جاۋاپكەرشىلىگىن جوعارىلاتۋدى كوزدەيدى.

اتاپ ايتقاندا مەملەكەتتىك قىزمەتشىلەردىڭ كاسىبي جانە باسشىلىق تاجىريبەسىن ءتيىمدى قولدانۋ ماقساتىندا، ساياسي قىزمەتشىلەر روتاتسياسى ەنگىزىلدى. مەملەكەتتىك قىزمەتشىلەردىڭ ادەپ نورمالارىن بۇزعانى ءۇشىن جاۋاپكەرشىلىگىن ارتتىرۋ ماقساتىندا، ادەپ نورمالارى مەن مەملەكەتكە كىر كەلتىرەتىن قىزمەتتىك ادەپتى بۇزعانى ءۇشىن الىنباعان جازاسى بولسا، مەملەكەتتىك قىزمەتشى اۋىسۋ نەمەسە كونكۋرس قورىتىندىسى بويىنشا مەملەكەتتىك لاۋازىمدارعا تىيىم سالىنادى.

«ءۇشىنشى: قابىلدانعان زاڭعا سايكەس، دامىعان ەلدەردە قولدانىلاتىن جاڭاشىلدىقتار ەنگىزىلەتىن بولادى. وسىلايشا، حالىقارالىق تاجىريبەگە سايكەس، مەملەكەتتىك قىزمەتشىلەردىڭ كوپشىلىگىنىڭ قىزمەتتىك كۋالىكتەرى سايكەستەندىرۋ كارتالارىنا اۋىستىرىلاتىن بولادى. ءتورتىنشى: مەملەكەتتىك قىزمەتشىلەردى قايتا دايارلاۋ جانە ولاردىڭ بىلىكتىلىگىن ارتتىرۋ جونىندەگى كورسەتىلەتىن قىزمەتتەردى ساتىپ الۋ ق ر پرەزيدەنتى جانىنداعى ءبىلىم بەرۋ ۇيىمدارىندا جانە ولاردىڭ فيليالدارىندا، سونداي-اق دەربەس ءبىلىم بەرۋ ۇيىمدارىندا جۇزەگە اسىرىلاتىن بولادى. مەملەكەتتىك قىزمەتشىلەردىڭ بىلىكتىلىگىن ارتتىرۋ مەملەكەتتىك ورگان قىزمەتىنىڭ بەيىنى بويىنشا وزگە دە ءبىلىم بەرۋ ۇيىمدارىندا جۇزەگە اسىرىلۋى مۇمكىندىگى قاراستىرىلىپ وتىر»، - دەدى.

سونىمەن قاتار بوس باسشىلىق لاۋازىمداردى جەدەل تولتىرۋ ءۇشىن باسشىلىق لاۋازىمداردىڭ مىندەتتەرىن ۋاقىتشا تاعايىنداۋ مەرزىمى 3 ايمەن شەكتەلىپ، مەملەكەتتىك ورگانداردىڭ ءبىرىنشى باسشىلارىنىڭ كومەكشىلەرى مەن كەڭەسشىلەرىنە باسشىلىق لاۋازىمداردىڭ مىندەتتەرىن ۋاقىتشا تاعايىنداۋعا تىيىم سالىندى. قىزمەتىن باعالاۋدىڭ، سىناق مەرزىمىنىڭ، اتتەستاتتاۋ قورىتىندىسىنىڭ ناتيجەلەرى بويىنشا نە تەرىس سەبەپتەر بويىنشا بۇرىن مەملەكەتتىك لاۋازىمنان شىعارىلعان جانە مەملەكەتتىك اكىمشىلىك قىزمەتكە قايتادان كىرەتىن ازاماتتارعا سىناق مەرزىمى مىندەتتى تۇردە بەلگىلەنەتىن بولادى. قۇقىق قورعاۋ ورگاندارىنىڭ كونكۋرستىق نەگىزدە ورنالاساتىن لاۋازىمدارىنىڭ تىزبەسىن، كونكۋرس جانە تاعىلىمداما وتكىزۋدىڭ شارتتارى مەن ءتارتىبىن مەملەكەتتىك قىزمەت ىستەرى جونىندەگى ۋاكىلەتتى ورگانمەن كەلىسۋ بويىنشا قۇقىق قورعاۋ ورگانىنىڭ باسشىسى بەكىتەدى.

«كونكۋرسقا قاتىساتىن مەملەكەتتىك قىزمەتشىلەر تەستىلەۋدەن وتپەيدى. سونىمەن قاتار، كونكۋرسقا قاتىساتىن مەملەكەتتىك قىزمەتشىلەر مەن مەملەكەتتىك قىزمەتتەن شىعارىلعان كۇننەن باستاپ كۇنتىزبەلىك وتىز كۇن ىشىندە كونكۋرسقا قاتىسقان ادام ۋاكىلەتتى ورگان ايقىندايتىن جاعدايلاردا جەكە قاسيەتتەرىن باعالاۋدان وتەدى. مەملەكەتتىك لاۋازىمىن تومەندەتۋ تۇرىندەگى تارتىپتىك جازا ۋاقىتشا بوس لاۋازىمعا تومەندەتۋ تۇرىندەگى شەكتەۋ ەنگىزىلدى»، - دەدى دەپارتامەنت باسشىسى.

اۆتور: مارلان جيەمباي


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات