+7 (701) 759 90 19
-3 °С : نۇر-سۇلتان
6 °С : الماتى
USD 378.60 EUR 417.75
RUB 6.13 CNY 54.58
جاڭالىقتار

كۋبادا قازاق كۇرەسى سەكسياسى اشىلدى

5 جەلتوقسان 21:03
:ءبولىسۋ
كۋبادا قازاق كۇرەسى سەكسياسى اشىلدى

نۇر- سۇلتان.قازاقپارات - كۋبالىق اۋىر سالماقتاعى دزيۋدوشى، بەيجىڭ وليمپياداسىنىڭ قولا جۇلدەگەرى، «الەم بارىسى» رەنە برايسون ۆيدال كۋبادا قازاق كۇرەسى سەكتسياسىن اشىپ، جەلتوقساننىڭ 15-16 - كۇندەرى اقتوبەدە وتەتىن الەم چەمپيوناتىنا ءوز كومانداسىمەن كەلەدى.

كۋبالىق وسكار رەنەنىڭ ەسىمى قازاق كۇرەسىنىڭ جانكۇيەرلەرىنە جاقسى تانىس. بىرنەشە جىل بۇرىن ول «الەم بارىسىنا» قاتىسىپ، فينالدا ادەمى ادىسىمەن «چەمپيون» اتانعان ەدى.

بۇگىندە ول ءوز وتانىندا وسى سپورت ءتۇرىن بەلسەندى دامىتۋدا. ونىڭ ايتۋى بويىنشا، قازاق كۇرەسى - ەڭ تارتىمدى جانە بولاشاعى جارقىن سپورت.

ماعان قازاق كۇرەسى ۇنايدى. تەحنيكالارى دزيۋدوعا ۇقساس كەلەدى. مەنىڭ ويىمشا، قازاق كۇرەسىنىڭ الەۋەتى زور، - دەيدى وسكار رەنە برايسون ۆيدال.

بيىلدىڭ 15-16 - جەلتوقسان كۇندەرى اقتوبەدە دە وتەتىن Qazaq Kuresi الەم چەمپيوناتىنا سپورتشى كۋبا قۇراماسىنىڭ جاتتىقتىرۋشىسى رەتىندە كەلەدى.

سونىمەن قاتار، الەم چەمپيوناتىنا اراش ميرەسماەلي - يراندىق دزيۋدوشى، دزيۋدودان الەم چەمپيونى جانە لي ۆون حي دە ءوز كومانداسىمەن بىرگە Qazaq Kuresi حالىقارالىق فەدەراتسياسىنىڭ ارقاسىندا قازاق كۇرەسىنىڭ دامۋ گەوگرافياسى قارقىندى تۇردە كەڭەيۋدە. قازىرگى ۋاقىتتا فەدەراتسيانىڭ قۇرامىندا 29 ەل بار. ولاردىڭ قاتارىندا: موڭعوليا، ۋكراينا، لاتۆيا، گرۋزيا، پولشا، نورۆەگيا، ەستونيا، يرلانديا، گەرمانيا، پاكىستان، وزبەكستان، بولگاريا، يران، يسپانيا، قىرعىزستان، كيپر، يتاليا، سلوۆەنيا، ءۇندىستان، رەسەي جانە تاعى باسقالارى بار.

يران مەن گرۋزيا ەلدەرىندە بالالارعا ارنالعان كلۋبتار اشىلدى. قازاق كۇرەسى بۇگىندە دامۋ ۇستىندە: ارنايى كەڭەس قۇرىلدى، قازاق كۇرەسىنىڭ ەرەجەلەرىنە وزگەرىستەر ەنگىزىلدى، بالۋاندار بەلدەسەتىن كىلەم جاراقات جاعىنان قاۋىپسىز رولل ماتقا اۋىستىرىلدى. قولدانۋعا ىڭعايلى، ساپاسى جوعارى بۇل قالىڭ ماتەريالدىڭ ارقاسىندا كۇرەستىڭ ديناميكاسى ارتا تۇسپەك.

اقتوبە قالاسىندا وتەتىن الەم چەمپيوناتىنا 40 تان اسا ەلدىڭ سپورتشىلارى قاتىسادى. ولاردىڭ قاتارىندا: ۋكراينا، گرۋزيا، اۋستريا، نورۆەگيا، ەستونيا، فرانسيا، يرلانديا، گەرمانيا، پاكىستان، وزبەكستان، يران، ۇلى بريتانيا، قىرعىزستان، ءۇندىستان، ليتۆا، سلوۆەنيا، رەسەي جانە ت. ب. چەمپيوناتتا ۋكراينا، رەسەي، قىرعىزستان، تاجىكستان، گرۋزيا، ليتۆا جانە ارمەنيا مەملەكەتتەرىنەن كەلگەن 8 تورەشى جانە ءوز ەلىمىزدىڭ 12 تورەشىسى تورەلىك ەتەتىن بولادى.

BAQ. KZ


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات