+7 (701) 759 90 19
26 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

نۇر- سۇلتاندا «ابىز ءابىش» كىتابى تانىستىرىلدى

5 جەلتوقسان 18:30
:ءبولىسۋ
نۇر- سۇلتاندا «ابىز ءابىش» كىتابى تانىستىرىلدى

نۇر- سۇلتان. قازاقپارات - قازاقستاننىڭ ەڭبەك ەرى، حالىق جازۋشىسى ءابىش كەكىلباي ۇلى تۋرالى «ابىز ءابىش» كىتابى جارىق كوردى، دەپ حابارلايدى قازاقپارات ءتىلشىسى.

ءابىش كەكىلباي ۇلى تۋرالى تولعانىستاردى ق ر پارلامەنتى ءماجىلىسىنىڭ دەپۋتاتى، فيلولوگيا عىلىمدارىنىڭ دوكتورى، پروفەسسور ساۋىتبەك ءابدىراحمانوۆ جازعان. وندا قالامگەردىڭ الەمدىك اۋقىمداعى اسقان ويشىلدىعى، مادەنيەت، ونەر، ساياسات، تاريح، ادەبيەتتەگى شەبەرلىگى جان- جاقتى كورسەتىلگەن.

«قاي حالىقتا دا ماقتان تۇتاتىن تۇلعالار بولادى. ۇلتتىڭ ءوز ىشىندە ارداق تۇتاتىن ادامدار از ەمەس. ءبىراق، حالىقتىڭ وزگە دۇنيەگە، الەمگە ماڭداي ەتىپ ۇستايتىن تۇلعالارى كوپ بولمايدى. ولار از بولادى. سول قازاق ءۇشىن ازدىڭ بىرەۋى - ءابىش. قازىردىڭ وزىندە اۋليە ءابىش، اڭىز ءابىش دەپ اتالىپ وتىرعان، كوزى تىرىسىندە- اق اڭىزعا اينالعان ادام شىن مانىندە الەمدىك بارلىق ولشەمدەر بويىنشا ۇلى ويشىلدار قاتارىندا. جاسى وتىزدان جاڭا اسقان كەزدە- اق ەۋروپانىڭ باسپالارى ⅩⅩعاسىرداعى الەمنىڭ 100 تاڭداۋلى جازۋشىسى قاتارىنا قوسقان تۇلعا بولاتىن. ءابىش اعانىڭ شەشەندىگى، كوسەمدىگى، ادىلدىگى، تاۋسىلمايتىن ءبىلىمى، ەرەكشە جادى بولاشاق ۇرپاققا تاڭعالارلىق فەنومەن، ۇيرەنەتىن ۇزدىك ۇلگى بولىپ قالا بەرەدى» ، - دەدى ساۋىتبەك ابدراحمانوۆ.

كىتاپتىڭ العى ءسوزىن قازاقستان رەسپۋبليكاسىنىڭ پرەزيدەنتى قاسىم- جومارت توقايەۆ جازعان.

ايتا كەتەيىك، ءابىش كەكىلباي ۇلىنىڭ 80 جىلدىق مەرەيتويى كەڭ اۋقىمدا اتالىپ وتۋدە. الماتىدا جازۋشى اتىنا كوشە بەرىلىپ، ءوزى تۇرعان ۇيگە مەموريالدىق تاقتا قويىلدى. تۋعان اۋىلىنداعى مەكتەپتە مۋزەي اشىلىپ، جازۋشىنىڭ ءبيۋستى ورناتىلدى. ماڭعىستاۋ وبلىستىق ولكەتانۋ مۋزەيىنە ءابىش كەكىلباي ۇلىنىڭ اتى بەرىلدى.

نۇر- سۇلتاندا وتكەن «ءابىش كەكىلباي ۇلى جانە ۇلى دالا رۋحانياتى» اتتى حالىقارالىق عىلىمي- تەوريالىق كونفەرەنسيادا جازۋشى شىعارمالارىن ب ۇ ۇ تىلدەرىنە اۋدارىپ، كەڭىنەن ناسيحاتتاۋ ءۇشىن ۇلتتىق اۋدارما بيۋروسىنا ۇسىنىس جاساۋ، ە ۇ ۋ- دەگى «ءابىش كەكىباي ۇلى ءدارىسحاناسىن» تىڭ ماتەريالدارمەن تولىقتىرىپ، قايتا جابدىقتاۋ جانە ءا. كەكىلباي ۇلىنىڭ قايراتكەرلىگىنە بايلانىستى قۇجاتتاردى كوپ تومدىق جيناق ەتىپ دايارلاۋ جونىندە قارار قابىلداندى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات