+7 (701) 759 90 19
14 °С : نۇر-سۇلتان
17 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قاسىم- جومارت توقايەۆ انگەلا مەركەلمەن كەزدەستى

5 جەلتوقسان 17:53
:ءبولىسۋ
قاسىم- جومارت توقايەۆ انگەلا مەركەلمەن كەزدەستى

بەرلين. قازاقپارات - بەرليندە قازاقستان پرەزيدەنتى قاسىم- جومارت توقايەۆ پەن گەرمانيا كانتسلەرى انگەلا مەركەل اراسىندا كەلىسسوزدەر باستالدى، دەپ حابارلايدى «قازاقپارات» ح ا ا مەنشىكتى ءتىلشىسى.

قازاقستان مەن گەرمانيا باسشىلارىنىڭ سالتاناتتى كەزدەسۋى الەمدەگى ەڭ كورىكتى ءارى ەڭ ءىرى ۇكىمەت شتابتارىنىڭ ءبىرى سانالاتىن فەدەرالدىق كانسلەر ۆەدومستۆوسىنىڭ عيماراتى الدىندا ءوتتى.

قازاقستان، گەرمانيا جانە ەۋروپالىق وداقتىڭ جالاۋلارى كوتەرىلگەن كىرەبەرىستە انگەلا مەركەل قاسىم- جومارت توقايەۆتى ىلتيپاتپەن قارسى الدى.

وسىدان كەيىن بۋندەسۆەردىڭ باس وركەسترى قازاقستان مەن گەرمانيانىڭ ءانۇراندارىن ورىندادى. ارتىنشا فەدەرالدى كانتسلەر جانە قازاقستان پرەزيدەنتى ساپ تۇزەگەن قۇرمەتتى قاراۋىل روتاسى الدىندا ءجۇرىپ ءوتتى.

ا. مەركەل قازاقستان باسشىسىن نەمىستىڭ رەسمي وكىلدەرىمەن، ال ق. توقايەۆ ءوز كەزەگىندە قازاقستاندىق دەلەگاتسيا مۇشەلەرىمەن تانىستىردى.

ءراسىمنىڭ سوڭىندا قاسىم- جومارت توقايەۆ پەن انگەلا مەركەل كەزدەسۋ باستالعان فەدەرالدىق كانتسلەر كەڭسەسىنىڭ عيماراتىنا بەت الدى.

شامامەن ءبىر جارىم ساعاتقا سوزىلاتىن كەلىسسوزدەردىڭ سوڭىندا ەكى ەلدىڭ باسشىلارى ب ا ق الدىنا شىعادى.

ايتا كەتەرلىگى، بۇگىن قاسىم- جومارت توقايەۆ فرگ پرەزيدەنتى فرانك- ۆالتەر شتاينمايەرمەن، گەرمانيانىڭ ەكس- كانسلەرى گەرحارد شرەدەرمەن جانە نەمىس بيزنەسىنىڭ جەتەكشى وكىلدەرىمەن دە كەزدەسەدى.

ق ر مەملەكەت باسشىسىنىڭ ساپارىنىڭ العاشقى كۇن باعدارلاماسى گەرمانيانىڭ ىسكەر توپتارىمەن وتەتىن بىرلەسكەن كەشكى اسپەن اياقتالادى.

قازاقستان - گەرمانيانىڭ ورتالىق ازياداعى نەگىزگى سەرىكتەسى. ورتالىق ازيا ايماعىمەن جاسالعان ساۋدا وپەراتسيالارىنىڭ 85 پايىزى - ءبىزدىڭ ەلىمىزگە تيەسىلى. وسى جىلدىڭ توعىز ايىندا قوس مەملەكەت اراسىنداعى تاۋار اينالىمى 1,3 ميلليارد دوللاردى قۇرادى.

2005 -جىلدان باستاپ وسى جىلدىڭ ەكىنشى توقسانىنا دەيىن گەرمانيادان ەلىمىزگە تارتىلعان تىكەلەي ينۆەستيتسيا كولەمى 5,2 ميلليارد دوللاردى قۇرادى. نەمىس ينۆەستيتسياسىنىڭ قازاقستان ەكونوميكاسىنا ينۆەستيتسيالارىنىڭ 90 پايىزدان استامى شيكىزاتتىق ەمەس سەكتورعا تيەسىلى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات