+7 (701) 759 90 19
-2 °С : نۇر-سۇلتان
-5 °С : الماتى
USD 377.86 EUR 418.74
RUB 6.10 CNY 54.50
جاڭالىقتار

كۇزدە قانداي اۋرۋلار كوبەيەدى؟

5 جەلتوقسان 18:50
:ءبولىسۋ
كۇزدە قانداي اۋرۋلار كوبەيەدى؟

نۇر-سۇلتان. قازاقپارات - كۇز - جۇقپالى جانە ۆيرۋستىق اۋرۋلار ءورشىپ، سوزىلمالى سىرقاتتار اسقىنا تۇسەتىن كەزەڭ.

بۇل كەزدە يممۋنيتەت ءبىرشاما تومەن- دەيتىندىكتەن مازاسىزدانعان جاعدايدا تەزىرەك ەمدەلۋدى قولعا الماسا، ناۋقاستىڭ جازىلۋى دا ءبىرشاما ۋاقىتقا سوزىلىپ كەتۋى ابدەن مۇمكىن. اسىرەسە كۇزدە كوپ كەزدەسەتىن مىنا اۋرۋلاردى ەلەۋسىز قالدىرۋعا بولمايدى:

تۇماۋ

كۇزدىڭ ورتا تۇسىندا تۇماۋدىڭ ەڭ قاۋىپتى كەزەڭى باستالادى. ول ادامنىڭ دەنساۋلىعىن ناشارلاتىپ، جۇمىسقا دەگەن قۇلشىنىسىن تومەندە- ءتىپ، ىستىعىن كوتەرىپ، مازاسىن الادى. مۇرىننان سۋ اعۋ، تاماقتىڭ قارلىعۋى، جىبىرلاتا قىشۋى دا تۇماۋدىڭ باستى بەلگىلەرى بولىپ تابىلادى.

بارىمىزگە بەلگىلى، تۇماۋ تەز جۇعاتىن جانە باسقا دا اۋرۋلاردى قوزدىراتىن اسا جۇقپالى ۆيرۋس. تۇماۋمەن اۋىرعان ءبىر ادام اينالاسىنداعى 30-40 ادامعا ۆيرۋس جۇقتىرادى ەكەن. سوندىقتان تۇماۋدان ساقتانۋ ءۇشىن ادام كوپ جەردە جۇرمەۋ كەرەك. ال ۇيدەن شىعار الدىندا مۇرىن اينالاسىنا وكسوليندى ماز جاعىپ العان ارتىقتىق ەتپەيدى.

تۇماۋ ۆيرۋسى ورشىگەن كەزدە تازالىق ساقتاۋدىڭ ءمانى زور. بۇل ۋاقىتتا سىرتتان كەلگەن كەزدە مىندەتتى تۇردە قولىڭىزدى جۋىڭىز، ويتكەنى تۇماۋ اۆتوبۋستاعى ورىندىق ارقالىعىنان، ۇستاۋعا ارنالعان تەمىرلەرىنەن دە جۇعادى. ونىڭ الدىن- الۋ ءۇشىن يممۋنيتەتتى كوتەرەتىن تۇنبالار مەن دارىلەر ىشكەن دۇرىس. قالتاڭىزدا مىندەتتى تۇردە بەتورامال ءجۇرسىن. ال تۇماۋراتقان اداممەن سويلەسكەندە قاشىقتاۋ جەردە تۇرىڭىز.

لارينگيت

لارينگيت ادامنىڭ تاماعى قاتتى سۋىقتاعان كەزدە پايدا بولاتىن اۋرۋ. بۇل كەزدە ادامنىڭ تاماعى قىرىلداپ، داۋسى شىقپاي قالادى. مۇ- رىننىڭ ىشكى جاعى اشىپ اۋىرادى جانە باستى دا مەڭ- زەڭ ەتىپ جىبەرەدى. قۇلاق شىڭىلداپ، ىستىق كوتەرىلۋى دە مۇمكىن. مۇندايدا باس اينالىپ، تا- ماققا دەگەن تابەت بولمايدى. ال اۋىزدان ىستىق لەپ بىلىنەدى.

لارينگيت بالالاردا وتە اۋىر جاعدايدا ءوتۋى مۇمكىن. دۇرىس كۇتىنبەگەن جاعدايدا ول سوزىلمالى تۇرگە ۇلاسىپ كەتەدى. سوندىقتان كۇن سالقىنداعاننان دۇرىس تاماقتانىپ، گازدى جانە مۇزداي سۋسىنداردان اۋلاق بولعان دۇرىس. ال ودان ەمدەلۋ ءۇشىن مايلى ءحلوروفيلليپتتىڭ ەكى تامشىسىن كۇنىنە 3 رەت مۇرىنعا تامىزىپ وتىرۋ كەرەك.

جۇيكە جۇقارۋى

كۇزدە كۇن ۇزاقتىعىنىڭ قىسقارۋى، اۋانىڭ سالقىنداۋى مەن كۇن ساۋلەسىندەگى ۋلتروفيولەتتىڭ ازايۋى ادام اعزاسىنا تىكەلەي اسەر ەتەدى. بۇل كەزدە ادامنىڭ كوڭىل كۇيى بولماي، تەز اشۋلانعىش بولىپ كەلەدى. ناق وسى مەزگىلدە ادامداردىڭ ەسىنەن اۋىسۋى كوبىرەك كەزدەسەدى ەكەن. سونداي-اق جۇيكەسى سىر بەرگەندەردىڭ وسى كەزدە مازاسى كەتە باستايدى.

ءتىپتى كريميناليستەر ءتۇننىڭ ۇزارىپ، كۇننىڭ قىسقارعان كەزىندە جول اپاتى مەن بىرەۋگە زاقىم كەلتىرۋ، جاراقاتتاۋ سىندى وقيعالاردىڭ كوپ بولاتىنىن انىقتاعان. ال پسيحولوگتار «مۇنىڭ ءبارى ادام پسيحولوگياسىنىڭ السىزدىگىن كورسەتەدى» دەيدى.

ەگەر شىدامسىز، سەبەپسىز- اق تەز اشۋلانشاق بولىپ بارا جاتقانىڭىزدى بايقاساڭىز دەرەۋ دارىگەرگە كورىنىپ، جۇيكەنى تىنىشتاندىراتىن تۇنبا قابىلداعان دۇرىس. مۇمكىندىگىنشە تەك جاقسى نارسەلەر ويلاپ، كوڭىل- كۇيىڭىزدى باقىلاپ وتىرىڭىز. مۇنىڭ ءبارى دە جۇيكەنىڭ سىر بەرمەۋىنە كەرەك كومەك. اينالاداعى ادامدارعا جاقسى كوزقاراسپەن قاراعان ابزال. ۇرىس- كەرىستەن اۋلاق جۇرگەيسىز.

پيەلونەفريت

پيەلونەفريت تە كۇز مەزگىلىندە باستاۋ الاتىن قۋىق اۋرۋلارىنىڭ ءبىر ءتۇرى. ول كوبىنە گيگيەنالىق تازالىقتى ساقتاماعاندىقتان پايدا بولادى. ال ۋاقىتىندا ەمدەمەسە اسقىنىپ، بۇيرەككە اسەر ەتە باستايدى. ويتكەنى بۇيرەك تە سۋىققا تەز شالدىعاتىن نازىك ورگان. پيەلونەفريت بۇيرەك اۋ- رۋىن قوزدىرعان كەزدە ادامنىڭ ىستىعى كوتەرىلىپ، جۇرەگى اينىپ، باسى اۋىرادى. كەيدە بۇل اۋرۋ ومىرتقانىڭ سەگىزكوزىن قاقساتىپ اۋىرتۋى دا مۇمكىن.

بۇل اۋرۋدىڭ الدىن الۋ ءۇشىن اسىرەسە كۇزگى جاڭبىردا سۋ بولىپ قالماۋدى قاراستىرۋ كەرەك. اياقتان سىز بەن سۋىق وتپەۋى دە باستى ماسەلە. تاڭعى جانە كەشكى سالقىندا جاۋراماۋ دا نازاردا بولعانى دۇرىس.

سيستيت

بۇگىندە جاستار اراسىندا مەزگىلگە ساي كەلمەيتىن جەڭىل كيىمدەر كيۋ سانگە اينالعان. ماسەلەن، تىم قىسقا يۋبكا، بوكسەدەن تومەن شالبار، كەۋدە مەن كىندىكتى اشىق قالدىراتىن كوفتا كيەتىن قىزدار، سول سياقتى جىگىتتەر اراسىندا كەۋدەنى اشىپ تاستاپ كيەتىن جەمپىر، قولتىعى سۋىق كىرۋگە ارنالعانداي تىم كەڭ جەيدەلەر شىعىپ جاتىر.

سىرت كوزگە، بالكىم، سۇلۋ كورىنەر، دەگەنمەن مۇنداي اشىق- شاشىق كيىنۋ ادامدى سيستيت اۋرۋىنا شالدىقتىرادى. ادامنىڭ جاۋراپ ءجۇرۋى اعزاداعى پاتولوگيالىق فلورانىڭ ءوسىمىن ارتتىرىپ جىبەرەدى. مۇنىڭ سوڭى الۋان ءتۇرلى ىسىك اۋرۋلارىمەن اياقتالۋى مۇمكىن. ال سيستيت كەزىندە ەڭ ءبىرىنشى قۋىق زاقىمدانادى. بۇل كەزدە ادامنىڭ كىشى دارەتكە وتىرۋى قيىندايدى. تەز ەمدەلمەسە اۋرۋ بۇيرەكتى، ودان ءارى بۇكىل اعزانى زاقىمدايدى.

سيستيتتەن ساقتانۋ ءۇشىن سالقىن سۋدان، جاۋراۋ مەن سۋىقتاۋدان ساقتانۋ كەرەك. ءبىر ورىندا وتىرا بەرۋگە دە بولمايدى. كەڭسە نەمەسە ءۇيدىڭ سالقىن بولماعانى ابزال. ەڭ باستىسى، گيگيەنالىق تازالىقتى ساقتاڭىز. اۋىر جۇمىستى دا توقتاتۋ كەرەك. ۋاقىتىلى ىستىق تاماق ءىشىپ، كۇنىنە 8 ساعاتتىق تۇنگى ۇيقىنى بۇزباعان ابزال.

ۆيرۋستى ينفەكسيالار

باسقا ۋاقىتقا قاراعاندا، كۇز جۇقپالى اۋرۋلاردىڭ ءورشىپ، قوزاتىن كەزى بولىپ تابىلادى. بۇل كەزدە اۋادا قالقىعان ءتۇرلى ينفەكتسيانى كەز- كەلگەن ادام وڭاي جۇقتىرىپ الادى. ساقتىق شارالارىن قولدانباعان جاعدايدا ادامنىڭ مازاسى كەتىپ، كوزى تالىپ، جارىققا قاراي المايدى، ماڭدايى تۇسىنىكسىز سەبەپتەرمەن قاقساپ اۋىرادى. دەنەسى دەل-سال بولۋ دا سودان. ويتكەنى بۇل كەزدە ادام اعزاسىنداعى يممۋنيتەت تومەندەيدى. سوندىقتان دەنە تەمپەراتۋراسىن تومەندەتپەي، مەزگىلىمەن ىستىق تاماق، ىستىق شاي ءىشىپ تۇرعان ابزال.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات