+7 (701) 759 90 19
30 °С : نۇر-سۇلتان
33 °С : الماتى
USD 405.66 EUR 454.70
RUB 5.71 CNY 57.43
جاڭالىقتار

فۋتبول: ۇلتتار ليگاسىندا قازاقستان قاي سەبەتتە ورنالاسادى

5 جەلتوقسان 14:48
:ءبولىسۋ
فۋتبول: ۇلتتار ليگاسىندا قازاقستان قاي سەبەتتە ورنالاسادى

نۇر- سۇلتان. قازاقپارات - فۋتبولدان 2020 -جىلعى ۇلتتار ليگاسى جەرەبەسىندە قازاقستان قۇراماسى ءتورتىنشى سەبەتتە ورنالاساتىن بولدى، دەپ حابارلايدى قازاقپارات ءتىلشىسى UEFA- نىڭ رەسمي سايتىنا سىلتەمە جاساپ.

ەستەرىڭىزگە سالا كەتەلىك، اتالمىش تۋرنيردە قازاقستاندىق قۇراما س ديۆيزيونىندا سىنعا تۇسەدى. بۇل سەبەتتە ارمەنيا، ازەربايجان جانە مولدوۆا قۇرامالارى بار. ال ءبىرىنشى سەبەتتە گرەكيا، البانيا، چەرنوگوريا، گرۋزيا، ەكىنشىسىندە سولتۇستىك ماكەدونيا، كوسوۆو، بەلارۋس، كيپر، ۇشىنشىسىندە ەستونيا، سلوۆەنيا، ليتۆا، ليۋكسەمبۋرگ قۇرامالارى ورنالاسقان.

ۇلتتار ليگاسى 2018 -جىلدان باستاپ وتكىزىلىپ كەلەدى. بۇل جولى قازاقستاندىق قۇراما د ديۆيزيونىندا ءبىرىنشى توپتا گرۋزيا، لاتۆيا، اندوررا قۇرامالارىمەن شەبەرلىك بايقاستى. بۇل توپتا گرۋزيا جەڭىمپاز اتاندى. قازاقستان التى ۇپايمەن ەكىنشى ورىن الدى.

2020/2021 -جىلعى ۇلتتار ليگاسى جەرەبەسى 2020 -جىلدىڭ 3 - ناۋرىزىندا گوللانديا استاناسى - امستەردام قالاسىندا تارتىلادى. ىرىكتەۋ كەزەڭى ويىندارى سول جىلدىڭ 3 - قىركۇيەگى جانە 17 - قاراشاسى ارالىعىندا وتەدى. اتالمىش تۋرنيردىڭ فينالدىق ساتىسى 2021 -جىلدىڭ 31 - مامىرى مەن 8 - ماۋسىم ارالىعىنا جوسپارلانعان.

اۆتور: ءادىلجان ۇمبەت


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات