+7 (701) 759 90 19
26 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

بەكتاس بەكنازاروۆ ءبىلىم مينيسترىنە: رەفورمالاردىڭ سانىن ەمەس، ساپاسىن ارتتىرۋ كەرەك

5 جەلتوقسان 14:55
:ءبولىسۋ
بەكتاس بەكنازاروۆ ءبىلىم مينيسترىنە: رەفورمالاردىڭ سانىن ەمەس، ساپاسىن ارتتىرۋ كەرەك

نۇر- سۇلتان. قازاقپارات - ءبىلىم سالاسىنا شەتەل تاجىريبەسىن ەنگىزۋدە اسىعىستىق تانىتپاۋ كەرەك. بۇل تۋرالى سەنات ءتوراعاسىنىڭ ورىنباسارى بەكتاس بەكنازاروۆ ءمالىم ەتتى، دەپ حابارلايدى قازاقپارات ءتىلىشىسى.

«بۇگىنگى تالقىلاۋ بارىسىندا شەتەل تاجىريبەسى دەگەنگە كوبىرەك كوڭىل ءبولىپ وتىرمىز. شەتەل تاجىريبەسىندە بارلىعى دۇرىس دەپ كىم كەپىلدىك بەرىپ ايتا الادى؟! ءار مەملەكەتتىڭ ءوزىنىڭ ءتيىستى قۇرىلىمى، زاڭى، ءدىلى مەن ەرەكشەلىگى، تالاپتارى بار. سوندىقتان شەتەل تاجىريبەسى دەگەن ماسەلەگە توقتالساق، ول قانشالىقتى ءبىزدىڭ مەملەكەتتىڭ مۇددەسىنە سايكەس كەلەدى؟ وسىعان نازار اۋدارۋىمىز كەرەك. مىسالى، جاپونيادا 12 جاسقا دەيىنگى بالانى مەكتەپتە تەك قانا جاپون تىلىندە وقىتادى. سونىڭ ارقاسىندا جاپون ءتىلى ءوز دەڭگەيىن جوعالتپاي، بارلىق جەردە كەڭىنەن پايدالانىلۋدا»، - دەدى ب. بەكنازاروۆ سەناتتىڭ جالپى وتىرىسىندا.

بۇل تۇرعىدا ول شەتەل تاجىريبەسىن ۇسىنار الدىندا وسى جاڭاشىلدىقتار مەملەكەتىمىزدىڭ مۇددەسىنە قانشالىقتى ساي كەلەتىنىن تىڭعىلىقتى پىسىقتاۋ كەرەكتىگىن اتاپ ءوتتى.

«اسحات قانات ۇلى، ءوزىڭىز باسشىلىق جاسايتىن ءبىلىم جانە عىلىم سالاسىنداعى رەفورمالاردىڭ سانىن عانا ەمەس، ساپاسىن ارتتىرۋ كەرەك. كەز كەلگەن رەفورمانىڭ تيىمدىلىگىنە باسا نازار اۋدارۋ قاجەت. ول قانشالىقتى قاجەت؟ كەلتىرەتىن زياندى تۇستارى جوق پا؟ پايدالى ءارى ۇتىمدى باعىتتارى قانداي؟ اتاپ ايتقاندا، وسى سۇراقتارعا ناقتى جاۋاپتار بولۋى ءتيىس. قانداي دا ءبىر رەفورمانى ىسكە اسىرماس بۇرىن، الدىن الا جانە جان- جاقتى زەردەلەۋ جۇمىستارىن جۇرگىزىپ، ونى قوعامدىق تالقىعا سالۋ كەرەك. ءبىلىم سالاسىنىڭ جاعدايىنا قازىر قوعام قانداي باعا بەرىپ جاتقانىن ءبارىمىز جاقسى بىلەمىز. قوعام ءۇشىن وسكەلەڭ ۇرپاقتى تاربيەلەۋدە، ياعني وسىنداي ماڭىزدى ماسەلەلەردە اسىعىستىق جاساۋعا بولمايدى»، - دەدى بەكتاس بەكنازاروۆ ءبىلىم جانە عىلىم ءمينيسترى اسحات ايماعامبەتوۆكە قاراتا ايتقان سوزىندە.

اۆتور: رۋسلان عابباسوۆ


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات