+7 (701) 759 90 19
28 °С : نۇر-سۇلتان
31 °С : الماتى
USD 405.66 EUR 454.70
RUB 5.71 CNY 57.43
جاڭالىقتار

ۆاشينگتوندا قازاقستان مەن ا ق ش اراسىنداعى ستراتەگيالىق سەرىكتەستىك تالقىلاندى

5 جەلتوقسان 12:29
:ءبولىسۋ
ۆاشينگتوندا قازاقستان مەن ا ق ش اراسىنداعى ستراتەگيالىق سەرىكتەستىك تالقىلاندى

ۆاشينگتون. قازاقپارات - ۆاشينگتوندا قازاقستان مەن ا ق ش اراسىنداعى كەڭەيتىلگەن ستراتەگيالىق سەرىكتەستىك تالقىلاندى، دەپ حابارلايدى قازاقپارات سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.

قازاقستاندىق دەلەگاتسيانىڭ ۆاشينگتونعا ساپارى بارىسىندا قازاقستان مەن ا ق ش اراسىنداعى كەڭەيتىلگەن ستراتەگيالىق سەرىكتەستىك جونىندەگى كوميسسيانىڭ ساياسي، ەكونوميكالىق جانە گۋمانيتارلىق ماسەلەلەر جونىندەگى كوميتەتتەرىنىڭ وتىرىسى ءوتتى.

«كوميسسيا جۇمىسىنا تەڭ ءتوراعالار رەتىندە قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى ەرجان اشىقبايەۆ جانە مەملەكەتتىك حاتشىنىڭ وڭتۇستىك جانە ورتالىق ازيا ىستەرى جونىندەگى ءبىرىنشى ورىنباسارى ەليس ۋەللس قاتىستى. قازاقستاندىق دەلەگاتسيا قۇرامىنا ىشكى ىستەر، ۇلتتىق ەكونوميكا، ساۋدا جانە ينتەگراتسيا، اقپاراتتىق جانە الەۋمەتتىك دامۋ، ەڭبەك جانە حالىقتى الەۋمەتتىك قورعاۋ جانە ادىلەت مينيسترلىكتەرىنىڭ وكىلدەرى كىردى» دەلىنگەن حابارلامادا.

كوميسسيا وتىرىسىنىڭ نەگىزگى ماقساتى - ەكىجاقتى ىنتىماقتاستىقتىڭ قازىرگى جاعدايىن جانە قازاقستان مەن امەريكا قۇراما شتاتتارى اراسىنداعى ستراتەگيالىق سەرىكتەستىكتىڭ بولاشاعىن انىقتاۋ بولدى.

ءىس-شارانىڭ كۇن ءتارتىبى جاھاندىق جانە ايماقتىق قاۋىپسىزدىك سالاسىنداعى ىنتىماقتاستىق، لاڭكەستىك پەن ەسىرتكى بيزنەسىنە قارسى ءىس-قيمىل، سيريا مەن يراكتاعى سوعىس ايماقتارىنان قازاقستان ازاماتتارىنىڭ رەپاترياتسياسى جانە رەينتەگراتسياسى سياقتى كوپتەگەن تاقىرىپتاردى قامتىدى. كيبەرقاۋىپسىزدىك، ساۋدا-ەكونوميكالىق جانە ينۆەستيتسيالىق ىنتىماقتاستىق، ورتالىق ازياداعى ايماقتىق ساۋدا قاتىناستارىن نىعايتۋ، حالىقارالىق ۇيىمدار شەڭبەرىندەگى ءوزارا ءىس-قيمىل، گۋمانيتارلىق ولشەم مەن ادام قۇقىقتارى سالاسىنداعى ىنتىماقتاستىق تا قاراستىرىلادى.

كوميسسياعا قاتىسۋشىلار قازاقستان ەكونوميكاسىن ءارتاراپتاندىرۋ جولىندا ىسكەرلىك سەرىكتەستىكتى ودان ءارى تەرەڭدەتۋدىڭ، اتاپ ايتقاندا ونەركاسىپتىك ءوندىرىس، اۋىلشارۋاشىلىعى، دەنساۋلىق ساقتاۋ جانە قارجى سالالارىندا ماڭىزدىلىعىن اتاپ ءوتتى.

«سونىمەن قاتار، ەكىجاقتى ساۋدا، ونىڭ ىشىندە جالپى پرەفەرەنتسيالار جۇيەسى اياسىندا كەڭەيتۋ ماسەلەلەرى تالقىلاندى. تاراپتار ەكىجاقتى عىلىمي-تەحنيكالىق ىنتىماقتاستىق جونىندەگى كوميسسيانىڭ جۇمىسىن جانداندىرۋدىڭ ماڭىزدىلىعىن اتاپ ءوتتى. قازاقستاندا د س ۇ مينيسترلىك كەزدەسۋىنە دايىندىق كەزىندە ىنتىماقتاستىق ورناتۋ تۋرالى، سونداي-اق قازاقستاننىڭ ە ى د ۇ- عا كىرۋى تۋرالى كەلىسىمگە قول جەتكىزىلدى» دەپ ءمالىم ەتتى ۆەدومستۆودان.

گۋمانيتارلىق ولشەمدەر جونىندەگى كوميتەتتىڭ وتىرىسىندا ءبىلىم بەرۋ جانە مادەنيەت سالاسىنداعى ىنتىماقتاستىقتى قۇرۋ، ب ا ق- تى دامىتۋ جانە قازاقستاندىق ۇكىمەتتىك ەمەس سەكتوردى قولداۋ جولدارى قاراستىرىلدى. امەريكاندىق تاراپ قازاقستاننىڭ وسى باعىتتارداعى كۇش-جىگەرىن جوعارى باعالادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات