اتىراۋلىق جاس ارتىستەر قازاق ءتىلدى قويىلىممەن الەم ساحناسىن باعىندىردى

اتىراۋ. قازاقپارات - يسپانيانىڭ للورەت دە مار قالاسىندا وتكەن «Theatrical Talents»  حالىقارالىق فەستيۆالىندە «اتىراۋ جاستار تەاترى» باس جۇلدەنى يەلەندى، دەپ حابارلايدى قازاقپارات ءتىلشىسى.

«وننان استام ەلدىڭ ونەرپازدارى جينالعان بايقاۋدا «اتىراۋ جاستار تەاترى» مۇقانعالي تومانوۆتىڭ «زاتمەنيە» انتيدراماسىن ساحنالادى. تەاتر ماماندارىن ايتپاعاندا، الەمنىڭ ءار ەلىنەن كەلگەن كاسىبي مۋزىكانتتار مەن حورەوگرافتار، پروديۋسەرلەر مەن سۋرەتشىلەر باعالاعان بايقاۋ بارىنشا ءادىل ءوتتى دەگەن سەنىمدەمىن»، - دەيدى تەاتر باسشىسى ءامىرجان نۇرلان ۇلى.

سونداي-اق ءمالىم بولعانداي، ءادىل قازىلار ءتوراعاسى مارتي پەرافەفەر اتىراۋلىق جاس تالانتتاردى «FITAG-2020» فەستيۆالىندە باعىن سىناۋعا شاقىرسا، «فيەستالونيا ميلەنيو» ۇيىمىنىڭ پرەزيدەنتى داۆيد دجاپاريدزە - يتاليا، فرانسيا، گرۋزيا ەلىندە وتەتىن فەستيۆالدەرگە قاتىسۋعا ۇسىنىس بىلدىرگەن.