08:59, 05 - جەلتوقسان 2019 | GMT +6
«اقىن» اتتى فيلمگە كاستينگ جاريالاندى
نۇر- سۇلتان. قازاقپارات - ش. ايمانوۆ اتىنداعى «قازاق فيلم» ا ق «اقىن» اتتى (جۇمىس بويىنشا اتاۋى) تولىقمەتراجدى كوركەم فيلمدى تۇسىرمەك، دەپ حابارلايدى قازاقپارات كينوستۋديانىڭ باسپا ءسوز قىزمەتىنە سىلتەمە جاساپ.
فيلمنىڭ رەجيسسەرى - دارەجان ومىربايەۆ.
«گەرمان تەسستىڭ «شىعارماشىلىق كەش» اتتى اڭگىمەسىنىڭ جەلىسى بويىنشا تۇسىرىلەتىن تۋىندى الماتىدا تۇراتىن 40 جاستاعى قازاق اقىنىنىڭ ومىرىنەن سىر شەرتەدى»، - دەلىنگەن حابارلامادا.
كينوجوباعا كارتينانىڭ ۇيىمداستىرۋ قىزمەتى كەلەسى تالاپتار بويىنشا كاستينگ جاريالادى:
- 35-55 جاس ارالىعىنداعى ەر ادامدار؛
- 25-35 جاس ارالىعىنداعى ايەل ادامدار؛
- 70-75 جاس ارالىعىنداعى قاريالار؛
- 65-70 جاس ارالىعىنداعى ايەلدەر؛
- 9-14 جاس ارالىعىنداعى ۇل بالالار مەن قىزدار.
كاستينگ ءار دۇيسەنبى كۇنى «قازاق فيلم» كينوستۋدياسىنداعى «پلك» عيماراتىندا (2 قابات، 236 بولمە) «قادام» ستۋدياسىندا وتەدى. جەلتوقساننىڭ 25 نە دەيىن جالعاسادى.