+7 (701) 759 90 19
-17 °С : نۇر-سۇلتان
-3 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ەلوردالىق بالالار جەلتوقسان ايىندا قانداي مادەني جانە سپورتتىق ءىس-شارالارعا بارا الادى؟

5 جەلتوقسان 08:44
:ءبولىسۋ
ەلوردالىق بالالار جەلتوقسان ايىندا قانداي مادەني جانە سپورتتىق ءىس-شارالارعا بارا الادى؟

نۇر-سۇلتان. قازاقپارات - ەلوردادا جەلتوقسان ايى «نۇر-سۇلتان قايىرىمدى قالا» ۇرانىمەن وتۋدە.

وسىعان بايلانىستى قالا اكىمدىگى از قامتىلعان جانە كوپ بالالى وتباسىلاردىڭ بالالارىنا، ەرەكشە قاجەتتىلىكتەرى بار، سونداي-اق جەتىم بالالارعا ارنالعان بيزنەس وكىلدەرىنىڭ قولداۋىمەن كوپتەگەن قايىرىمدىلىق جانە الەۋمەتتىك ءىس-شارالار وتكىزەدى. جالپى بۇل شارالارمەن شامامەن 10000 بالاقاي قامتىلادى، دەپ حابارلايدى قالا اكىمدىگىنىڭ رەسمي سايتى.

جەلتوقسان ايىندا بارلىعى 5690 ادامدى قامتيتىن 45 مادەني ءىس-شارالار (تەاترلار مەن كونسەرتتەر)، 3710 ادامدى قامتيتىن 10 سپورتتىق ءىس-شارالار، 6000 استام ادامدى قامتيتىن 49 كوپشىلىك ءىس-شارالار، سونداي-اق 2150 ادامدى قامتيتىن 10 جاڭا جىلدىق شىرشا وتكىزۋ جوسپارلانۋدا. ەلوردا اكىمدىگىنىڭ مالىمەتىنشە، 2019-جىلعى 19- قاراشا مەن 4- جەلتوقسان ارالىعىندا جالپى 5000 بالانى قامتيتىن 30 شارا وتكىزىلدى.

وسىلايشا، بۇگىن كەشكە «بارىس ارەنا» مۇز سارايىندا 2019-2020-جىل ماۋسىمىنداعى ق ح ل چەمپيوناتى اياسىندا «بارىس» جانە «يوكەريت» كوماندالارى اراسىندا شايبالى حوككەي بويىنشا ماتچ وتەدى. ويىندى از قامتىلعان جانە كوپ بالالى وتباسىلاردان شىققان 50 گە جۋىق بالا تاماشالاي الادى.

بۇگىن، ياعني 5- جەلتوقساندا ەلوردالىق كينوتەاترلاردىڭ بىرىندە بالالارعا «مۇزدى ولكە-2» مۋلتفيلمى كورسەتىلەدى. 6-8- جەلتوقسان ارالىعىندا «الاۋ» مۇز سارايىندا جاس سپورت كورەرمەندەرى كونكي تەبۋ سپورتىنان الەم كۋبوگىنىڭ كەزەڭىن تاماشالاي الادى. 7- جەلتوقساندا بالاقايلار «استانا» كونسەرت زالىندا «جىر تەرمە» رەسپۋبليكالىق فەستيۆالىن كورە الادى. سول كۇنى «سارىارقا» ۆەلوترەگىندە 1000 بالا 2019-2020 ج. ج. ماۋسىمىنىڭ ۆ ت ب ءبىرىڭعاي ليگاسى اياسىندا «استانا» ب ك - «نيجني نوۆگورود» ب ك كوماندالارى اراسىندا باسكەتبول بويىنشا ماتچقا قاتىسادى.

سونىمەن قاتار، ەلوردالىق تەاترلار جاس استانالىقتاردى بالالار سپەكتاكلدەرى مەن ەرتەگىلەرىن كورۋگە شاقىرادى. ودان بولەك، بالالارعا تاۋەلسىزدىك كۇنىنە ارنالعان ءبىرقاتار ءىس-شارالار ۇيىمداستىرىلادى. اتاپ ايتساق، 11 جەلتوقساندا بالالار ءۇشىن تۇڭعىش پرەزيدەنت - ەلباسى مۇراجايىنا ەكسكۋرسيا جۇرگىزىلەدى. ەرتەسى كۇنى ولار «Nomad City Hall» تەاترىندا وتەتىن ساكەن سەيفۋلليننىڭ، بەيىمبەت مايلين مەن ءىلياس جانسۇگىروۆتىڭ پوەزيالىق كەشىنە قاتىسادى. ال 14- جەلتوقساندا 400 بالاقاي «استانا» كونسەرت زالىندا قازاقستان رەسپۋبليكاسىنىڭ تاۋەلسىزدىك كۇنىنە ارنالعان سالتاناتتى كونسەرتتىڭ كورەرمەنى بولا الادى. 14 جانە 15 جەلتوقساندا ەلوردالىق قۋىرشاق تەاترى 300 بالانى «اتامەكەن» سپەكتاكلىن كورۋگە شاقىرادى.

ۇجىمنىڭ «ماليفيسەنتانىڭ سۋىق جۇرەگى» اتتى قويىلىمىن 17-30- جەلتوقسان ارالىعىندا اقىسىز نەگىزدە 2600 كىشكەنتاي كورەرمەن تاماشالايدى. 15 جانە 16- جەلتوقساندا ولار ءۇشىن قىزىل ەكى قاباتتى اۆتوبۋستا قالا بويىنشا ەكسكۋرسيا ۇيىمداستىرىلادى. سونىمەن قاتار، 18- جەلتوقساندا بالالار ەلىمىزدىڭ باستى شىرشاسىن جاعۋ راسىمىنە قاتىسادى. 24 جانە 25- جەلتوقساندا 200-300 گە جۋىق بالا پرەزيدەنت شىرشاسىنا جانە قالا اكىمىنىڭ شىرشاسىنا قاتىسا الادى. سونداي-اق، 20-25- جەلتوقسان ارالىعىندا وتەتىن اۋدان اكىمدەرىنىڭ جاڭا جىلدىق شىرشالارىمەن 1600 بالانى قامتۋ جوسپارلانۋدا. 20- جەلتوقساندا قالالىق الاڭدا جانە قالا بويىنشا 28 الاڭدا مۇز قالاشىقتارى اشىلادى.

سول رەتتە سىرعاناقتار مەن مۇز ايدىندارىندا جاپپاي سىرعاناۋ ۇيىمداستىرىلادى. بۇل ءىس-شاراعا 2800 جەتىم جانە از قامتىلعان وتباسىنان شىققان بالالاردى شاقىرۋ جوسپارلانىپ وتىر. 21- جەلتوقسان مەن 5- قاڭتار ارالىعىندا ەلوردالىق سيرك جاڭا جىلدىق سيرك ەرتەگىسىن كورۋگە شاقىرادى. قويىلىمدى 500 بالا تەگىن تاماشالاۋ مۇمكىندىگىنە يە. سونىمەن قاتار، 200 بالا 26- جەلتوقساندا «استانا» كونسەرت زالىندا وتەتىن «جاڭا جىلعا جاڭا ءان» اتتى جاڭا جىلدىق كونسەرتىنە قاتىسادى.


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات