مەملەكەت باسشىسى: باتىستا قالاتىن قازاقتار اينالىپ كەلگەندە مەملەكەت دامۋىنا ۇلەس قوسادى

نۇر-سۇلتان. قازاقپارات - پرەزيدەنت قاسىم-جومارت توقايەۆ قازاقستاننىڭ كەلەشەگىن «بولاشاق» باعدارلاماسىمەن تىكەلەي بايلانىستىراتىنىن ايتتى، دەپ حابارلايدى قازاقپارات ءتىلشىسى.

«قازاقستان زامانعا ساي مەملەكەت. زامانعا ساي سيپاتى دا جاڭارا بەرمەك. سەبەبى، ءبىزدىڭ جاستار «بولاشاق» باعدارلاماسى بويىنشا باتىستان وقىپ كەلىپ جاتىر. «بولاشاق» - مەملەكەتتىك باعدارلاما. شىنىندا دا، قازاقستاننىڭ بولاشاعىن - «بولاشاق» باعدارلاماسىمەن تىكەلەي بايلانىستىرامىز. سول سەكىلدى، قازىر گرانت ۇتىپ الىپ، بولماسا شاكىرتاقىعا يە بولىپ، كەز كەلگەن جوعارى وقۋ ورنىندا وقي بەرۋگە بولادى. جاستار كەتىپ جاتسا دا، ەشقانداي كەدەرگى كەلتىرمەيتىنىمىز انىق. ءتىپتى جاقسى ءبىلىم الىپ، باتىستىڭ ءبىر ەلىندە جۇمىسقا تۇرسا، ءبىز ول ادامدى جوعالتىپ الامىز دەپ ەسەپتەمەيمىن. ءبارىبىر ول ءتۇبى قازاق بولىپ قالا بەرەدى. ول ءبارىبىر اينالىپ كەلگەندە ءوز ەلىنىڭ ورلەۋىنە ۇلەس قوسىپ، ەكونوميكاسىنىڭ وركەندەۋىنە، مەملەكەتىنىڭ دامۋىنا اتسالىسقىسى كەلەرى انىق»، - دەدى پرەزيدەنت «Deutsche Welle» تەلەراديوكومپانياسىنا بەرگەن سۇحباتىندا.

ايتا كەتسەك، بۇعان دەيىن مەملەكەت باسشىسى قاسىم-جومارت توقايەۆتىڭ 5-6- جەلتوقسان كۇندەرى گەرمانياعا مەملەكەتتىك ساپارى قارساڭىندا «Deutsche Welle» تەلەراديوكومپانياسىنا سۇحبات بەرگەنىن حابارلاعان بولاتىنبىز.