تۇمان، كوكتايعاق، جاياۋ بۇرقاسىن - بەيسەنبىدەگى اۋا رايى
قازاقستاننىڭ باسىم بولىگىندە فرونتالدى بولىكتەردىڭ وتۋىنە بايلانىستى قۇبىلمالى اۋا رايى ساقتالادى، كەي جەرلەردە جاڭبىر جانە قار جاۋادى. تەك ەلىمىزدىڭ وڭتۇستىك-شىعىسى انتيتسيكلون ىقپالىندا بولعاندىقتان كۇن رايى اشىق بولادى. ەلىمىزدىڭ كەي جەرلەرىندە تۇمان تۇسەدى، كوكتايعاق بولادى، جاياۋ بۇرقاسىن سوعادى، جەل كۇشەيەدى.
اقمولا، باتىس قازاقستان، اقتوبە، قوستاناي، سولتۇستىك قازاقستان وبلىستارىنىڭ كەي جەرلەرىندە تۇمان، كوكتايعاق، جاياۋ بۇرقاسىن كۇتىلەدى، اقمولا، اقتوبە وبلىستارىنىڭ كۇندىز كەي جەرلەرىندە جەل 15-20 م/س كۇشەيەدى.
پاۆلودار، قاراعاندى وبلىستارىنىڭ كەي جەرلەرىندە تۇمان، كوكتايعاق كۇتىلەدى.
شىعىس قازاقستان وبلىسىنىڭ كەي جەرلەرىندە جەل 15-20 م/س كۇشەيەدى، تۇندە جانە تاڭەرتەڭ تۇمان كۇتىلەدى.
الماتى وبلىسىنىڭ جالاڭاشكول اۋدانىندا جەل 18-23 م/س كۇشەيەدى، تۇندە كەي جەرلەرىندە تۇمان كۇتىلەدى.
جامبىل، تۇركىستان وبلىستارىنىڭ كەي جەرلەرىندە تۇمان كۇتىلەدى، جەل 15-20 م/س، جامبىل وبلىسىندا ەكپىنى 23 م/س جەتەدى.
ماڭعىستاۋ وبلىسىنىڭ كەي جەرلەرىندە تۇمان، كوكتايعاق كۇتىلەدى، جەل 15-20 م/س كۇشەيەدى.
قىزىلوردا، اتىراۋ وبلىستارىنىڭ كەي جەرلەرىندە تۇمان كۇتىلەدى، كۇندىز جەل 15-20 م/س كۇشەيەدى، قىزىلوردا وبلىسىنىڭ كەي جەرلەرىندە كوكتايعاق كۇتىلەدى.