قاسىم-جومارت توقايەۆ: قازاقستان پرەزيدەنتتىك رەسپۋبليكا بولىپ قالا بەرەدى
«قازاقستان جالپى دەموكراتيالىق مەملەكەت. مازمۇنى جاعىنان زاڭدارىمىز دا دەموكراتيالىق سيپاتقا يە. بىزدەگى كوپتەگەن فاكت باسقا مەملەكەتتەرگە قاراعاندا (قايسىسى ەكەنىن سۇراماي-اق قويىڭىز - ق. ت) قازاقستاننىڭ دەموكراتيالىق ەل ەكەنىن ايعاقتايدى. الايدا كەمەلدىكتە شەك جوق. سول سەبەپتى، مەن ءوز باعدارلامامدا، 2- قىركۇيەكتەگى حالىققا جولداۋىمدا «ءبىز قوعامنىڭ ساياسي جاڭعىرۋىن جالعاستىراتىنىمىزدى، ساياسي رەفورمالاردىڭ ەكونوميكانى دامىتۋدىڭ مۇمكىن ەمەستىگىن» اتاپ ءوتتىم. قازاقستان پرەزيدەنتتىك باسقارۋ جۇيەسىندە، پرەزيدەنتتىك رەسپۋبليكا بولىپ قالادى»، - دەدى پرەزيدەنت « Deutsche Welle « تەلەراديوكومپانياسىنا بەرگەن سۇحباتىندا.
مەملەكەت باسشىسى تىلشىگە «مىقتى پرەزيدەنت، ىقپالدى پارلامەنت، حالىق پەن پارلامەنتكە تولىققاندى ەسەپ بەرەتىن ۇكىمەت» فورمۋلاسىن تاڭداعانىن اتاپ ءوتتى.
«وسى فورمۋلاعا ىنتالانا بەرەرىمىز انىق»، - دەدى ول.
ەسكە سالا كەتسەك، بۇعان دەيىن مەملەكەت باسشىسى قاسىم-جومارت توقايەۆتىڭ 5-6- جەلتوقسان كۇندەرى گەرمانياعا مەملەكەتتىك ساپارى قارساڭىندا Deutsche Welle باسىلىمىنا سۇحبات بەرگەنىن حابارلاعان بولاتىنبىز.
ايتا كەتسەك، ۇلتتىق قوعامدىق سەنىم كەڭەسىنىڭ العاشقى وتىرىسىندا مەملەكەت باسشىسى قاسىم-جومارت توقايەۆ ءوزىنىڭ مەملەكەتتىك بيلىگىنىڭ فورمۋلاسىن ايتقان ەدى.