الماتىدا بالالارعا شاڭعىمەن سىرعاناۋدى تەگىن ۇيرەتەدى

الماتى. قازاقپارات - الماتىدا بالالارعا تاۋ شاڭعىسىمەن سىرعاناۋدى تەگىن ۇيرەتەتىن بولدى، دەپ حابارلايدى قازاقپارات ءتىلشىسى قالا اكىمدىگىنە سىلتەمە جاساپ.

«الماتى سپورتى» الەۋمەتتىك جوباسى اياسىندا تاۋ شاڭعىسىمەن سىرعاناۋدى تەگىن ۇيرەتۋ ءۇشىن 10 جاستان 12 جاسقا دەيىنگى بالالار قابىلدانادى. وقىتۋ 2-31 جەلتوقسان ارالىعىندا وتەدى.

«ءار بالاعا كاسىبي نۇسقاۋشىلار ءتورت ساباقتان وتكىزەدى. ساباق ەكى اۋىسىمدا، 60 مينۋت بويى جۇرەدى. ءبىرىنشى اۋىسىمنىڭ ساباعى - ساعات 8:00 دە، ەكىنشىسى - ساعات 14:00 دە باستالادى. ۇيىمداستىرۋشىلار تاراپىنان شاڭعى كۋرورتىنا دەيىن اپاراتىن كولىك جانە قاجەتتى زاتتار (شاڭعى، تاياقتار، باتەڭكە، شلەمدەر) ۇسىنىلادى» دەلىنگەن اكىمدىك حابارلاماسىندا.

تىركەۋ بوگەنباي باتىر، 66 مەكەنجايىندا، almatysporty.kz سايتىندا نەمەسە [email protected] ەلەكتروندى پوشتاسى جانە 77072457255 WhatsApp ءنومىرى ارقىلى جۇرگىزىلەدى.

قۇجاتتار ءتىزىمى:

- اتا- انالاردىڭ جەكە كۋالىگىنىڭ جانە بالانىڭ تۋى تۋرالى كۋالىگىنىڭ كوشىرمەلەرى (2 كوشىرمەدەن) ؛

- وتباسىنىڭ الەۋمەتتىك مارتەبەسى تۋرالى (بولسا) انىقتامالار، قۇجاتتار (كوپبالالى، از قامتىلعان) ؛

- ناقتى تۇراتىن مەكەنجايى، بايلانىس تەلەفونى؛

- بالانىڭ مەكتەپكە قاي اۋىسىمدا باراتىنىن كورسەتۋ قاجەت.