+7 (701) 759 90 19
-9 °С : نۇر-سۇلتان
-1 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

«بايقوڭىردى» جالعا بەرۋ شارتىنىڭ تالاپتارى وزگەردى

4 جەلتوقسان 19:33
:ءبولىسۋ
«بايقوڭىردى» جالعا بەرۋ شارتىنىڭ تالاپتارى وزگەردى

نۇر-سۇلتان. قازاقپارات - پارلامەنت سەناتى اگرارلىق ماسەلەلەر، تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ كەڭەيتىلگەن وتىرىسىندا «1994-جىلعى 10- جەلتوقسانداعى ق ر ۇكىمەتى مەن ر ف ۇكىمەتى اراسىنداعى «بايقوڭىر» كەشەنىن جالعا بەرۋ شارتىنا وزگەرىس ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسى قارالدى، دەپ حابارلايدى قازاقپارات ءتىلشىسى.

ايتا كەتەيىك، حاتتاماعا 2017-جىلى قاراشادا چەليابى قالاسىندا ەكى ەل پرەزيدەنتتەرىنىڭ قاتىسۋىمەن وتكەن ق ر مەن ر ف اراسىنداعى وڭىرلىك ىنتىماقتاستىق جونىندەگى فورۋم اياسىندا قول قويىلدى. حاتتامامەن «بايقوڭىر» كەشەنىن جالعا بەرۋ شارتى 2№ قوسىمشاسىن جاڭا رەداكسيادا بەرۋ كوزدەلگەن.

ق ر اۋىل شارۋاشىلىعى ۆيتسە-ءمينيسترى رۇستەم قۇرمانوۆتىڭ ايتۋىنشا، شارتتىڭ ەكىنشى قوسىمشاسىندا «بايقوڭىر» كەشەنىنىڭ تەحنولوگيالىق جانە تەحنيكالىق نىساندارىنىڭ، تاسىمالداعىش زىمىرانداردان بولىنەتىن بولىكتەرى قۇلايتىن اۋداندارىنىڭ كوورديناتتارى كورسەتىلگەن.

اتاپ ايتقاندا، حاتتامامەن وعان جالپى الاڭى 11,6 مىڭ گەكتار ءتورت جەر ۋچاسكەسى جالعا الۋ بولىگىنەن شىعارىلادى. جالپى الاڭى 1740 گەكتار ەكى ۋچاسكە قارماقشى اۋدانى تورەتام كەنتىن كەڭەيتۋ ءۇشىن، سونداي-اق 9950 گەكتار ەكى ۋچاسكە «باتىس ەۋروپا-باتىس قىتاي» حالىقارالىق ترانزيت ءدالىزىن، «الماتى-ماسكەۋ» تەمىرجولىن سالۋ جانە «بەينەۋ-شىمكەنت» گاز قۇبىرىنىڭ جەلىلىك بولىگى ءۇشىن الىنىپ وتىر.

ونىڭ سوزىنە قاراعاندا، كورسەتىلگەن جەر تەلىمدەرى قىزىلوردا وبلىسىنىڭ دامۋى ءۇشىن قاجەت. وسى شارالار ءوڭىردىڭ الەۋمەتتىك جاعدايىنا جانە ەكونوميكاسىنا وڭ اسەرىن تيگىزەدى.

«بۇل جەر تەلىمدەرىن جالعا الۋدان شىعارۋ رەسەي تاراپىنىڭ قازاقستانعا جىل سايىنعى جالعا الۋ تولەمى سوماسىنىڭ قىسقارۋىنا ىقپال ەتپەيدى»، - دەدى ر. قۇرمانوۆ.

تالقىلاۋدان كەيىن كوميتەت مۇشەلەرى زاڭ جوباسىن پارلامەنت سەناتى جالپى وتىرىسىنىڭ قاراۋىنا شىعارۋ تۋرالى شەشىمدى قابىلدادى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات