ەلباسى «الماتى كىتاپ» باسپاسىنىڭ باسشىسىن قابىلدادى

الماتى. قازاقپارات - ەلباسى «الماتى كىتاپ باسپاسى» ج ش س ديرەكتورلار كەڭەسىنىڭ ءتورايىمى ەلەونورا باتالوۆانى قابىلدادى.

بۇل جونىندە ەلباسىنىڭ باسپا ءسوز قىزمەتىنە سىلتەمە جاساپ قازاقپارات حابارلايدى.

كەزدەسۋ بارىسىندا نۇرسۇلتان نازاربايەۆ قازاقستاننىڭ ەڭبەك سىڭىرگەن قايراتكەرىنىڭ ەلدەگى باسپا ءىسىنىڭ دامۋى مەن قالىپتاسۋىنا قوسقان ۇلەسىن اتاپ ءوتتى.

«ءسىزدىڭ جەتەكشىلىگىڭىزبەن «الماتى كىتاپ» جاقسى جۇمىس كورسەتىپ وتىر. سىزدەر وتە قىزىقتى ءارى جاقسى كىتاپتار شىعاراسىزدار»، - دەدى ەلباسى.

سونىمەن بىرگە، ە. باتالوۆا نۇرسۇلتان نازاربايەۆقا تاۋەلسىز قازاقستاننىڭ قالىپتاسۋى مەن گۇلدەنۋى جولىنداعى قاجىرلى ەڭبەگى ءۇشىن العىس ايتتى.