+7 (701) 759 90 19
-19 °С : نۇر-سۇلتان
-3 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

مەرزىمىنەن بۇرىن زەينەتكە شىعۋ ءۇشىن قانشا تابىس تابۋ قاجەت؟

4 جەلتوقسان 18:15
:ءبولىسۋ
مەرزىمىنەن بۇرىن زەينەتكە شىعۋ ءۇشىن قانشا تابىس تابۋ قاجەت؟

نۇر-سۇلتان. قازاقپارات - ءار قازاقستاندىق ساقتاندىرۋ كومپانياسىمەن زەينەتاقى اننۋيتەتى شارتىن جاساۋ ارقىلى مەرزىمىنەن بۇرىن زەينەتكە شىعۋعا قۇقىلى.

بۇل شارتتى 50 جاسقا تولعان ازاماتتار عانا جاساي الادى.

50 جاستا زەينەتكە شىقپاس بۇرىن 5 جىل بويى ۇزدىكسىز جۇمىس ىستەۋ قاجەت. ياعني، سوڭعى 60 ايدا مىندەتتى كاسىپتىك زەينەتاقى جارنالارى تولەنۋى ءتيىس.

ەگەر سوڭعى جىلدارى تولەنگەن زەينەتاقى جارنالارى تۇراقتى ەمەس بولسا، ەر ادامداردىڭ 55 جاسىندا، ال ايەلدەردىڭ 51 جاسىندا زەينەتكە شىعۋعا تولىق قۇقىعى بار (2019-جىلعى جاعداي بويىنشا).

ايەلدەردىڭ زەينەت جاسىنىڭ ۇزارتىلۋىنا بايلانىستى، 2027-جىلدان باستاپ تۇراقسىز زەينەتاقى جارنالارى بار نازىك جاندىلار ەر ادامدار سەكىلدى 55 جاسىنان مەرزىمىنەن بۇرىن زەينەتكە شىعا الادى.

مەرزىمىنەن بۇرىن زەينەتكە شىعۋ ءۇشىن جەكە زەينەتاقى شوتىندا بەلگىلى ءبىر سوما بولۋى قاجەت: ەرلەرگە - كەمىندە 9,6 ميلليون تەڭگە، ال ايەلدەرگە - 13,5 ميلليون تەڭگە.

2019-جىلى كورسەتىلگەن مولشەردە مىندەتتى زەينەتاقى جارناسىن جيناعان ازاماتتاردىڭ ءبىرقاتار قازاقستاندىق ساقتاندىرۋ كومپانيالارىنان زەينەتاقى اننۋيتەتىن ساتىپ الۋعا قۇقىعى بار. سول ارقىلى ولاردىڭ زەينەتاقىسى تولەنەدى.

سالىستىرمالى تۇردە سوڭعى جىلدار ىشىندە زەينەتاقى اننۋيتەتىنىڭ باعاسى قالاي وزگەرگەنىن قاراپ كورەيىك:

2013-جىل: ايەلدەر - 3,3 ميلليون، ەرلەر - 2,7 ميلليون

2014-جىل: ايەلدەر - 7,3 ميلليون، ەرلەر - 5,2 ميلليون

2015-جىل: ايەلدەر - 8,1 ميلليون، ەرلەر - 5,8 ميلليون

2016-جىل: ايەلدەر - 8,8 ميلليون، ەرلەر - 6,3 ميلليون

2017-جىل: ايەلدەر - 12,5 ميلليون، ەرلەر - 8,9 ميلليون

2018-جىل: ايەلدەر - 13,5 ميلليون، ەرلەر - 9,6 ميلليون

2019-جىل: ايەلدەر - 13,5 ميلليون، ەرلەر - 9,6 ميلليون

جوعارىدا كورسەتىلگەن سومالار مەرزىمىنەن بۇرىن زەينەتكە شىعۋعا قاجەتتى ەڭ تومەنگى جاس مولشەرىندەگى (50 جانە 55 جاس) ب ج ز ق سالىمشىلارى ءۇشىن جارامدى. قالىپتى زەينەت جاسىنا نەعۇرلىم جاقىنداعان سايىن، زەينەتاقى اننۋيتەتىنىڭ باعاسى دا سوعۇرلىم تومەن بولادى.

اننۋيتەت يەسىنە تولەنەتىن اي سايىنعى زەينەتاقى ساقتاندىرۋ كومپانياسىنا جۇگىنگەن كەزدە ەسەپتەلەدى. ونىڭ مولشەرى جينالعان جارنالاردىڭ كولەمى مەن زەينەتكەردىڭ جاسىنا بايلانىستى بولادى.

ادەتتە، بۇل بەلگىلەنبەگەن سوما بولىپ تابىلادى. ول جىل سايىن ايلىق ەسەپتىك كورسەتكىش مولشەرىنە بايلانىستى ءوسىپ تۇرادى.

ال ەندى، ورتاشا دەڭگەيدەن جوعارى جالاقى الاتىن قازاقستاندىقتاردىڭ مەرزىمىنەن بۇرىن زەينەتكە شىعۋعا قانشالىقتى مۇمكىندىكتەرى بار ەكەنىن قاراپ كورەيىك. بۇل ورايدا، بارلىق ەسەپتەردىڭ ۇلگى رەتىندە كورسەتىلگەنىن اتاپ وتكەن ءجون.

يرينا، 30 جاستا. ماركەتولوگ. جالاقىسى - 240 مىڭ تەڭگە. وسى كۇنگە دەيىن جيناعان مىندەتتى زەينەتاقى جارناسى 2,7 ميلليون تەڭگەنى قۇرايدى. 50 جاسىندا، ياعني 20 جىلدان كەيىن زەينەتكە شىعۋدى جوسپارلايدى. سول كەزگە دەيىن ءوزىنىڭ ورتاشا جالاقىسى 330 مىڭ تەڭگە بولادى دەپ ەسەپتەيدى. دەمەك، جەكە زەينەتاقى شوتىنا تۇسەتىن ورتاشا مىندەتتى تولەم 33 مىڭ تەڭگەنى قۇراماق.

قىزدىڭ بولجامدارىنا سۇيەنىپ، 50 جاسقا تولعان شاعىندا زەينەتاقى شوتىنا قانشا قاراجات جينالاتىنىن ەسەپتەۋگە بولادى.

20 جىلدى 12 ايعا جانە جەكە زەينەتاقى شوتىنا تۇسەتىن اي سايىنعى جارنا - 33 مىڭعا كوبەيتەمىز. بۇل سوماعا وسىعان دەيىن جينالعان 2,7 ميلليون تەڭگەنى قوسامىز. سوندا، 2039-جىلى سالىمشى 10,6 ميلليون تەڭگە قاراجات جينايدى.

2019-جىلى مەرزىمىنەن بۇرىن زەينەتكە شىعۋعا قاجەتتى ەڭ تومەنگى سوما ايەلدەر ءۇشىن 13,5 ميلليون تەڭگەنى قۇرايتىنىن ەسكەرسەك، 2039-جىلى بۇل سوما ۇلعايا ءتۇسۋى ىقتيمال. سول سەبەپتى يرينانىڭ مەرزىمىنەن بۇرىن زەينەتكە شىعۋ جوسپارىنىڭ ىسكە اسۋى ەكىتالاي ەكەنىن بايقايمىز.

بيىل مەرزىمىنەن بۇرىن زەينەتكە كىمدەر شىعا الاتىنىن قاراپ كورەيىك.

بۇل سوڭعى بەس جىلدا رەسمي تۇردە جۇمىس ىستەگەن 50 جاستاعى ەر ادامدار مەن ايەلدەر. ماسەلەن، ولار زەينەتاقى رەفورماسى وتكەن 1998-جىلعى 1- قاڭتاردان باستاپ مىندەتتى زەينەتاقى جارناسىن تولەپ كەلە جاتىر دەلىك. ياعني، بۇل ادامدار 21 جىل 10 اي ىشىندە زەيناتاقى اننۋيتەتىن ساتىپ الۋعا قاجەتتى ەرلەر ءۇشىن 13,5 ميلليون، جانە ايەلدەر ءۇشىن 9,6 ميلليون تەڭگە جيناعان بولسىن.

ەسەپتەپ كورسەك، اتالعان ۋاقىت ارالىعىندا قاجەتتى سومانى جيناۋ ءۇشىن ايەلدەر 515 مىڭ تەڭگە جالاقى الۋى ءتيىس بولسا، ەرلەر شامامەن 22 جىل بويى ورتا ەسەپپەن ايىنا 366 مىڭ تەڭگە تابۋى كەرەك بولعان.

ەگەر ءسىز وسى ادامداردىڭ قاتارىندا بولساڭىز، مەرزىمىنەن بۇرىن زەينەتكە شىعۋعا تولىق مۇمكىندىگىڭىز بار.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات