توقايەۆ تۇڭعىش پرەزيدەنتكە ايتىلعان سىن مەن ميتينگىلەر تۋرالى پىكىر ءبىلدىردى

نۇر-سۇلتان. قازاقپارات - گەرمانياعا مەملەكەتتىك ساپارمەن باراتىن قاسىم-جومارت توقايەۆ نەمىس باسىلىمىنا سۇحبات بەرىپ، تۇڭعىش پرەزيدەنتكە قاتىستى ايتىلعان سىن تۋرالى پىكىر ءبىلدىردى.

سونداي-اق، مەملەكەت باسشىسى ەلدەگى ميتينگىلەر تۋرالى دا ءسوز ەتتى دەپ حابارلايدى KAZ. NUR. KZ.

مەملەكەت باسشىسى قاسىم-جومارت توقايەۆ گەرمانياعا ساپارىنىڭ الدىندا DW.com نەمىس باسىلىمىنا سۇحبات بەردى. وعان قازاقستاننىڭ تۇڭعىش پرەزيدەنتىنە قاتىستى سىن ايتۋعا بولا ما دەگەن سۇراق قويىلدى.

ءوز كەزەگىندە توقايەۆ قازاقستاندىقتار نۇرسۇلتان نازاربايەۆتى سىنايتىنىن جاسىرمادى. ول عالامتوردىڭ تارالۋى مەن الەۋمەتتىك جەلىلەردىڭ تانىمالدىلىعىنىڭ ارتۋىنان مۇنى توقتاتۋ مۇمكىن ەمەس ەكەنىن ءتۇسىندىردى.

«جالپى عالامتور ءومىرىمىزدى كۇرت وزگەرتىپ جىبەردى»، - دەدى مەملەكەت باسشىسى.

سونداي-اق، ءتىلشى قاسىم-جومارت توقايەۆتان ازاماتتار الەۋمەتتىك جەلىدە سىن ايتقانى، ميتينگىگە قاتىسقانى نەمەسە جالعىز پيكەت ۇيىمداستىرعانى ءۇشىن جازالانا ما دەپ سۇرادى.

قازاقستان پرەزيدەنتى جالعىز ادام پيكەت ۇيىمداستىرعانى ءۇشىن جازالانبايتىنىن باياندادى.

ول ەلدە دەمونستراتسيالار وتكەنىن ەسكە ءتۇسىرىپ، ۇستاۋ كەزىندە دەمونسترانتتارعا قارسى ارنايى قۇرالدار قولدانىلماعانىنا باسا نازار اۋدارتتى.

«مەنىڭ نۇسقاۋىما سايكەس. ەگەر انىق ارانداتۋشىلاردى ۇستاسا دا، ونى جاي قولمەن جاسادى»، - دەدى قازاقستان پرەزيدەنتى.

سونداي-اق، مەملەكەت باسشىسى ميتينگى قاتىسۋشىلارىنىڭ قولىنان قۇقىق قورعاۋ ورگاندارى قىزمەتكەرلەرى دە زارداپ شەككەنىن، ونىڭ ىشىندە 10 عا جۋىق ءتارتىپ ساقشىسى اۋرۋحاناعا جەتكىزىلگەنىن تىلگە تيەك ەتتى.

قازاقستان پرەزيدەنتى نارازىلىق بىلدىرۋشىلەرگە ارنايى قۇرالدار قولداناتىن ەۋروپانى مىسالعا كەلتىردى.