+7 (701) 759 90 19
-11 °С : نۇر-سۇلتان
-3 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

قاسىم-جومارت توقايەۆ «نەمەتسكايا ۆولنا» تەلەراديوكومپانياسىنا سۇحبات بەردى

4 جەلتوقسان 16:32
:ءبولىسۋ
قاسىم-جومارت توقايەۆ «نەمەتسكايا ۆولنا» تەلەراديوكومپانياسىنا سۇحبات بەردى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ «نەمەتسكايا ۆولناعا» سۇحبات بەردى. بۇل تۋرالى قازاقپارات ق ر پرەزيدەنتىنىڭ باسپا ءسوز حاتشىسى بەرىك ۋاليگە سىلتەمە جاساپ حابارلايدى.

قازاقستان پرەزيدەنتى قاسىم-جومارت توقايەۆ گەرمانياعا جوسپارلاعان رەسمي ساپارىنىڭ قارساڭىندا «نەمەتسكايا ۆولنا» تەلەراديوكومپانياسىنا سۇحبات بەردى.

مەملەكەت باسشىسى كانتسلەر انگەلا مەركەلمەن جۇرگىزەتىن الداعى كەلىسسوزدەر، ەكىجاقتى قارىم-قاتىناستاردىڭ احۋالى جونىندە ايتتى.

- گەرمانيا - قازاقستاننىڭ نەگىزگى ەۋروپالىق سەرىكتەسى. گەرمانيانىڭ ورتالىق ازيا ەلدەرىمەن جاسايتىن ساۋدا-ساتتىعىنىڭ 86 پايىزى قازاقستانعا تيەسىلى. ساپار بارىسىندا قۇنى شامامەن ەكى ميلليارد دوللار بولاتىن كەلىسىمدەر مەن مەموراندۋمعا قول قويىلادى دەپ ۇمىتتەنەمىن.

جالپى، قازاقستان مەن ەۋروپالىق وداقتىڭ قارىم-قاتىناستارى وتە جاقسى. 2018-جىلى قازاقستاننىڭ ەۋرووداقپەن جاساعان ساۋدا كولەمى 37 ميلليارد دوللاردان استى. بۇل - ەلىمىزدىڭ بۇكىل سىرتقى ساۋدا اينالىمىنىڭ جارتىسى. ءبىزدىڭ ەكونوميكامىزعا سالىنعان گەرمانيا ينۆەستيتسياسىنىڭ 80 پايىزدان استامى شيكىزات ەمەس سەكتورعا تيەسىلى. بۇل وتە ماڭىزدى.

گەرمانيا ماشينا جاساۋ، رەسۋرستىق ماتەريالداردى وڭدەۋ جانە باسقا دا سالالار بويىنشا الەمدىك كوشباسشى سانالادى. سوندىقتان ءبىز بۇل ەلمەن ىنتىماقتاستىق ورناتۋعا مۇددەلىمىز. بارلىق مۇددەلى سالالاردى الەۋەتى زور نەمىس ينۆەستورلارىنا ۇسىناتىن بولامىز. سونىمەن قاتار ولارعا ەرەكشە جاعداي جاساپ، ونشاقتى ارنايى ەكونوميكالىق ايماعىمىزدان ورىن بەرەمىز، - دەدى مەملەكەت باسشىسى.

قازاقستاننىڭ ىشكى ساياساتىنا قاتىستى دا ءبىرقاتار ماسەلە ءسوز بولدى. اتاپ ايتقاندا، ساياسي جۇيە جانە ەكونوميكالىق قۇرىلىس مودەلىنىڭ - رەسەيلىك پە الدە ەۋروپالىق پا - قايسىسى ەلىمىز ءۇشىن جاقىن دەگەن ماسەلەگە قاسىم-جومارت كەمەل ۇلى ءوزىمىزدىڭ قازاقستاندىق ۇلگىگە بەيىلدىلىك تانىتاتىنىن ايتتى.

- ءبىز ءوزىمىزدىڭ ۇلگىنى جاساۋعا تىرىسامىز. دەموكراتيانى دامىتۋعا ۇمتىلامىز. ايتپاقشى، كەيبىر جۋرناليستەردىڭ ءارتۇرلى پىكىرلەرىنە قاراماستان، قازاقستان رەسپۋبليكاسىندا دەموكراتيا بار. ەلىمىزدە ءبىز قولداۋ كورسەتىپ وتىرعان 3500 دەن استام ۇكىمەتتىك ەمەس ۇيىم جۇمىس ىستەيدى. ۇلتتىق قوعامدىق سەنىم كەڭەسىنە بەلگىلى جۋرناليستەر، قوعام قايراتكەرلەرى، بلوگەرلەر، ەكونوميستەر ەنگەن. مەن ولارمەن ۇنەمى اقىلداسىپ، كەڭەسىپ وتىرامىن. دoing business (بيزنەس جۇرگىزۋگە قولايلى جاعداي جاساۋ ساپاسىن انىقتايتىن بۇكىلالەمدىك بانك يندەكسى) كورسەتكىشى بويىنشا قازاقستان الەمدە 25-ورىندا. بۇل كوەففيتسيەنت بويىنشا رەسەيدەن الدا تۇرمىز، - دەدى پرەزيدەنت.

سونىمەن قاتار مەملەكەت باسشىسى ەلىمىزدىڭ سىرتقى ساياسي باعدارىنىڭ باسىمدىقتارىن ەگجەي-تەگجەيلى ءتۇسىندىرىپ بەردى.

انىقتامالىعى:

Deutsche Welle (نەمىس. نەمىس تولقىنى) نەمەسە DW - جۇمىسىن 1953-جىلدىڭ 3- مامىرىندا كەلننەن قىسقا تولقىندىق راديو ارناسى رەتىندە باستاعان نەمىس مەملەكەتتىك حالىقارالىق تەلە جانە راديو كومپانياسى. قازىرگى كەزدە «DW» 30 تىلدە، سونىڭ ىشىندە نەمىس، اعىلشىن، ورىس، يسپان، فرانسۋز، تۇرىك، اراب جانە ت. ب. تىلدەرىندە حابار تاراتادى. دو́يچيەۆە́لەنىڭ اعىلشىن تىلىندەگى 24 ساعاتتىق تەلەديدارلىق جاڭالىقتار ارناسى بۇكىل الەمگە تارالادى جانە 197 ميلليوننان استام اۋديتوريانى قامتيدى.

ەسكە سالساق، 5-6- جەلتوقساندا قازاقستان پرەزيدەنتى قاسىم-جومارت توقايەۆ گەرمانيا فەدەراتيۆتىك رەسپۋبليكاسىنا رەسمي ساپارمەن باراتىندىعى تۋرالى حابارلاعان بولاتىنبىز.


باستى سوزدەر: ئقپالداستئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات