+7 (701) 759 90 19
-11 °С : نۇر-سۇلتان
-3 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

تۇركىستاندا عيماراتى ەرەكشە يسلام ورتالىعى اشىلدى

4 جەلتوقسان 16:46
:ءبولىسۋ
تۇركىستاندا عيماراتى ەرەكشە يسلام ورتالىعى اشىلدى

نۇر-سۇلتان. قازاقپارات - 2 - جەلتوقسان كۇنى تۇركىستان وبلىسىنىڭ سارىاعاش قالاسىندا ساتىبالدى ءابىش ۇلى اتىنداعى يسلام ورتالىعى اشىلدى، دەپ حابارلايدى قازاقستان مۇسىلماندارىنىڭ ءدىني باسقارماسىنىڭ رەسمي سايتىنا سىلتەمە جاساپ.

يسلام ورتالىعىنىڭ اشىلۋ راسىمىنە جەر- جەردەن 10 مىڭعا جۋىق ادام جينالدى. ولادىڭ قاتارىندا تۇركيادان نەدجمەتتين ەردوعان ءبىلال، شەشەنستان رەسپۋبليكا باسشىسىنىڭ كەڭەسشىسى امرۋددين ەدىلگەريەۆ، تۇركىستان وبلىسىنىڭ اكىم ءومىرزاق شوكەيەۆ، قازاقستان مۇسىلماندارىنىڭ ءدىني باسقارماسىنىڭ (ق م د م) ءتوراعاسى، باس ءمۇفتي سەرىكباي قاجى وراز، وزبەكستاننىڭ ءمۇفتيى وسمانحان قاجى ءالىموۆ، قىرعىزستان ءمۇفتيى ماقساتبەك قاجى توقتومۇشيەۆ، بۇرىنعى ءمۇفتي ەرجان قاجى مالعاجى ۇلى، ءبىرىنشى نايب ءمۇفتي، نۇر- سقلتان قالاسىنىڭ باس يمامى ناۋرىزباي قاجى تاعان ۇلى، نايب ءمۇفتي ەرشات قاجى اعىباي ۇلى، ق م د م اپپاراتىنىڭ باسشىسى عىلىمبەك جادىگەر ۇلى جانە ت. ب. ءدىني وكىلدەرى مەن قوعامدىق قايراتكەرلەر قاتىستى.

«عۇلامالاردىڭ ايتۋىنشا، ءومىر ءتورت تاعاننان تۇرادى: عالىمنىڭ ناسيحاتى، پاتشانىڭ ادىلدىگى، بايدىڭ جومارتتىعى، حالىقتىڭ دۇعا- تىلەگى. وسى ءتورت تاعان وزىندىك كوركەم ۇيلەسىمىن تاپقاندا عانا كەز كەلگەن قوعام باقىتتى بولادى»، - دەدى وبلىس اكىمى ءومىرزاق شوكەيەۆ.

ورتالىقتىڭ سالتاناتتى اشىلۋىندا تۇركيا پرەزيدەنتى قۇتتىقتاۋ حاتى وقىلدى.

«ءبىز اتاجۇرتتاعى اعايىننىڭ قۋانىشىنا قاشان دا ورتاقپىز. بارشاڭىزدى مەشىتتىڭ اشىلۋىمەن قۇتتىقتايمىن. اللا تاعالا باۋىرلاس قازاق حالقىنا جاقسىلىعىن جاۋدىرسىن» - دەدى نەجمەتتين ەردوعان ءبىلال تۇركيا پرەزيدەنتى رەجەپ تايىپ ەردوعاننىڭ قۇتتىقتاۋىن جەتكىزىپ.

سونىمەن قاتار ءوزىنىڭ ىستىق ءىلتيپاتىن شەشەنستان رەسپۋبليكاسىنىڭ باسشىسى دا جولداپتى.

«سىزدەردى يسلام ورتالىعىنىڭ اشىلۋىمەن قۇتتىقتايمىن. يگى شاراعا قاتىسا الماسام دا ءوزىمنىڭ شىنايى نيەتپەن قۇتتىقتاۋىمدى جولدايمىن. ويتكەنى، زوبالاڭ زامانداردا قازاق حالقى بىزگە پانا بولدى. سوندىقتان، قازاقستان شەشەن حالقىنىڭ ەكىنشى وتانى بولىپ قالا بەرەدى. بۇل ورتالىقتان عۇلاما- عالىمدار شىعادى دەپ سانايمىن»، - دەلىنىپتى ر. قادىروۆتىڭ قۇتتىقتاۋ حاتىندا. قۇتتىقتاۋ حاتتى ونىڭ كەڭەسشىسى امرۋددين ەديلگەريەۆ وقىپ بەردى.

ءوز كەزەگىندە مەملەكەتىمىزدىڭ باس ءمۇفتى سەرىكباي قاجى ساتىبالدى ۇلى شەتەلدەن كەلگەن قوناقتارعا العىس ايتىپ، مەشىتتى سالىپ بەرگەن ازاماتتارعا ەرەكشە ءىلتيپاتى مەن جىلى لەبىزىن ءبىلدىردى. سونىمەن قاتار، يگى ىسكە ۇيىتقى بولعان سمانوۆتار اۋلەتىنە ريزاشىلىق ءبىلدىردى.

«ادامنىڭ جۇرەگى قۇلشىلىق ۇيىندە جاي تابادى. وندا قانشاما ۋاقىتىمىزدى قۇلشىلىقپەن وتكىزەمىز. باۋىردى ءبىر- بىرىمەن قاۋىشتىرىپ، ءوزارا يمانداساتىن مەكەنىمىز - مەشىت. ەلدىڭ يگىلىگى ءۇشىن جاسالاتىن قايىرىمدىلىق پەن ىزگى ىستەر دە اللانىڭ ۇيىندە جۇزەگە اسادى. جابىرقاعان جاننىڭ مەيىرىمگە بولەنەتىن مەكەنى دە - مەشىت»، - دەدى سەرىكباي قاجى ساتىبالدى ۇلى.

ايتا كەتەرلىك جايت، ساتىبالدى ءابىش ۇلى اتىنداعى يسلام ورتالىعىندا ءبىر مەزەتتە 10 مىڭ ادام قۇلشىلىق ەتە الادى. مەشىت ىشىندە مەدرەسە- كوللەدج شاكىرتتەرىنە ارنالعان 29 سىنىپ بار. ورتالىقتا 600 بالا ءدارىس تىڭداي الادى. 69 جاتىن ورىندى قامتىعان ورتالىقتا 1000 ادامعا ارنالعان اسحانا سالىنعان. بۇعان قوسا ورتالىق عيماراتى ساۋلەت ەسكەرتكىشىنە اينالدى دەپ ايتۋعا بولادى.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات