مەملەكەت باسشىسى گەرمانياعا رەسمي ساپارمەن بارادى
بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي Facebook-تەگى پاراقشاسىندا جازدى.
«ساپار بارىسىندا كانسلەر انگەلا مەركەلمەن كەلىسسوز جۇرگىزىلەدى جانە قازاقستان مەن گەرمانيا اراسىنداعى ەكىجاقتى ءوزارا قارىم- قاتىناستاردىڭ قازىرگى جاعدايى مەن دامۋ پەرسپەكتيۆالارىن قاراستىرادى دەپ جوسپارلانعان. ساپار باعدارلاماسىنا مەملەكەت باسشىسىنىڭ پرەزيدەنت فرانك- ۆالتەر شتاينمايەرمەن جانە بۋندەستاگ ءتوراعاسى ۆولفگانگ شويبلەمەن كەزدەسۋى ەنگىزىلگەن»، - دەپ جازدى باسپا ءسوز حاتشىسى.
سونداي- اق وندا قاسىم- جومارت توقايەۆتىڭ 6 - جەلتوقساندا بەرليندە كورنەكتى ساياسي جانە قوعام قايراتكەرلەرىنىڭ، گەرمانيانىڭ مەملەكەتتىك ورگاندارى وكىلدەرىنىڭ، «گەرمانيا - ورتالىق ازيا» پارلامەنتتىك دوستىق توبى مۇشەلەرىنىڭ الدىندا ءسوز سويلەيتىنى ايتىلعان. بۇعان قوسا مەملەكەت باسشىسى بەرلين ەۋرازيالىق كلۋبىنىڭ 28-وتىرىسىنا قاتىسادى. سونداي- اق، نەمىس كومپانيالارىنىڭ باسشىلارىمەن كەزدەسۋ وتكىزەدى.