+7 (701) 759 90 19
-19 °С : نۇر-سۇلتان
-3 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ەلىمىزدە يپوتەكاسىن تولەي الماعانداردى جالعىز باسپاناسىنان ماجبۇرلەپ شىعارۋعا تىيىم سالىنباق

4 جەلتوقسان 14:05
:ءبولىسۋ
ەلىمىزدە يپوتەكاسىن تولەي الماعانداردى جالعىز باسپاناسىنان ماجبۇرلەپ شىعارۋعا تىيىم سالىنباق

نۇر- سۇلتان. قازاقپارات - قازاقستاندا پروبلەماسى بار قارىز الۋشىنى جالعىز باسپاناسىنان ماجبۇرلەپ شىعارۋعا تىيىم سالىنباق.

بۇل جايىندا ق ر پرەمەر- ءمينيسترى اسقار ءماميننىڭ ءماجىلىس دەپۋتاتتارىنىڭ رەسمي ساۋالىنا بەرگەن جاۋابىندا ايتىلعان، دەپ حابارالايدى قازاقپارات ءتىلشىسى.

«بيىل قىركۇيەكتە ۇكىمەتتە ۇلتتىق بانكتىڭ، جوعارعى سوتتىڭ، باس پروكۋراتۋرانىڭ، ادىلەت مينيسترلىگىنىڭ جانە قازاقستان قارجىگەرلەر قاۋىمداستىعىنىڭ قاتىسۋىمەن كەڭەس ءوتىپ، وندا پروبلەمالى قارىز الۋشىلاردى جالعىز باسپاناسىنان ماجبۇرلەپ شىعارۋ ماسەلەسى قاراستىرىلدى. اتالعان فاكتىنى قىسقارتۋ ماقساتىندا ۇلتتىق بانك مۇددەلى مەملەكەتتىك ورگاندارمەن بىرلەسىپ مەموراندۋم جاساسۋ مۇمكىندىگىن قاراستىرىپ جاتىر. مەموراندۋمدا نەسيەگە پاتەر العانداردى باسپانادان شىعارۋعا تىيىم سالۋ، قارىز الۋشىنىڭ تۇرعىن ۇيدەن شىعارىلماستان مىندەتتەمەسىن ورىنداۋدىڭ وڭتايلى جولدارى بويىنشا بارلىق قاجەتتى جانە قيسىندى شارالاردى قابىلداۋ كوزدەلەدى»، - دەدى ۇكىمەت باسشىسى.

سونىمەن قاتار اسقار مامين قولدانىستاعى زاڭنامادا حالىقتىڭ الەۋمەتتىك از قامتىلعان توبىنا جاتاتىن ازاماتتاردى جىلىتۋ ماۋسىمىندا جالعىز باسپاناسىنان شىعارۋعا تىيىم سالىنعانىن اتاپ وتەدى.

اۆتور: مارلان جيەمباي


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات