+7 (701) 759 90 19
-9 °С : نۇر-سۇلتان
-1 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

قازاقتان شىققان ەڭ العاشقى عىلىم كانديداتى

4 جەلتوقسان 11:30
:ءبولىسۋ
قازاقتان شىققان ەڭ العاشقى عىلىم كانديداتى

نۇر-سۇلتان. قازاقپارات - باقتىكەرەي - تورە تۇقىمىنان، سۇلتان اۋلەتىنەن. ءابىلقايىر حان - نۇرالى حان - ەسىم سۇلتاننان تاراعان.

ول 1859 -جىلدىڭ 22 -جەلتوقسانىندا قازىرگى اتىراۋ وبلىسىنىڭ قۇرمانعازى اۋدانىندا دۇنيەگە كەلگەن.

1872 - 1881 -جىلدارى ورىنبورداعى ەر بالالار گيمنازياسىندا وقىپ، ونى كۇمىس مەدالمەن ءتامامداعان ساناۋلى قازاق بالاسىنىڭ بىرەگەيى. وقۋعا ىنتىق، زەرەك تە، العىر تورە بالاسى 1881 -جىلى قيانداعى ەۋروپانىڭ ەڭ كورىكتى شاھارى، سول زامانداعى مادەنيەت ورتالىعى، وركەنيەت پەن رۋحانيات ورداسى - پەتەربورعا بارىپ، ەمتيحان تاپسىرىپ، يمپەراتورلىق ۋنيۆەرسيتەتتىڭ تەگىن وقىتاتىن بولىمىنە تۇسەدى.

بۇگىنگى جۇيەمەن ايتقاندا، گرانتتىق وقۋمەن مۇمكىندىگىن يەلەنگەن. باقتىكەرەي باستاپقىدا زاڭ فاكۋلتەتىنە ءتۇسىپتى. ارحيۆ قۇجاتىمەن تانىسىپ وتىرىپ، ونىڭ 1-كۋرستى قاتارىنان ءۇش جىل وقىعانىن بايقادىق.

سويتسەك، وقۋ بولىمىنە، دەكاناتقا ءوز ەركىمەن ارىز جازىپ، «زاڭتانۋ»، «زاڭ ىلىمدەرى»، «كونستيتۋتسيالىق- قۇقىقتىق ەرەجەلەر»، «پوليتسەيلىك قۇقىق»، «ساياساتتانۋ» كۋرستارىن تولىق مەڭگەرۋى ءۇشىن قايتا-قايتا قىزىعىپ، قۇنىعىپ وقىپتى. 1884 -جىلى وقۋ ورنىنىڭ باسشىلىعى ونى 2-كۋرسقا كوشىرۋ كەرەكتىگى تۋرالى تالاپ قويادى. 2-كۋرسقا وتكەن قازاق بالاسى ارى قاراي ءبىلىمىن شىعىستانۋ فاكۋلتەتىندە وقۋدى ءجون ساناپتى.

شىعىس تانۋ فاكۋلتەتىندە وقۋدا قاتارىنىڭ الدى، وزاتى بولىپتى. اراب، پارسى، وسمان، تاتار تىلدەرىن وتە جاقسى مەڭگەرىپ، سول تىلدەردىڭ گرامماتيكالىق- لەكسيكالىق ۇقساستىقتارىن زەرتتەۋگە دەن قويىپ، پروفەسسورلاردى تاڭعالدىرىپتى.

ونىڭ وقۋ ۇلگەرىمى تۋرالى مىنەزدەمەسىندە فاكۋلتەت وقىتۋشىلارى وزدەرىنىڭ اقەدىل پەيىلدەرىن جازىپ، جوعارى باعالاعان. ۆ. گريگوريەۆ، ۆ. رادلوۆ، ن. ۆەسەلوۆسكي سىندى اتاقتى پروفەسسورلاردىڭ سۇيىكتى شاكىرتى بولعان. شىعىس تانۋ فاكۋلتەتىن ۇزدىك ءتامامداعان سوڭ، ەكى جىلدىق اسپيرانتۋراسىن وقىپ تاۋىسقان. ارحيۆ قورىندا 1889 -جىلدىڭ 9-ناۋرىزىندا بەرىلگەن №877 ديپلوم كۋالىگى ساقتالعان. ءبىز تاپقان ولجا - وسى.

سونىمەن، باقتىكەرەي قۇلمان - قازاقتان شىققان العاشقى عىلىم كانديداتى، «فيلولوگيا عىلىمدارىنىڭ كانديداتى» عىلىمي دارەجەسىن الىپ، ديسسەرتاتسيا قورعاعان ويى ۇشقىر اقىل- وي يەسى. شوقجۇلدىز شوقاننان سوڭ، شىعىستانۋ سالاسىندا وشپەس ءىز قالدىرعان، ورىس عۇلامالارىن قىزىقتىرعان ساۋلەلى ۇركەر ەدى...

oinet.kz


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات