+7 (701) 759 90 19
-11 °С : نۇر-سۇلتان
-3 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

قازاقستان اسكەرىندە جاڭا وقۋ جىلى باستالدى

4 جەلتوقسان 09:41
:ءبولىسۋ
قازاقستان اسكەرىندە جاڭا وقۋ جىلى باستالدى

نۇر- سۇلتان. قازاقپارات - «باتىس» وڭىرلىك قولباسشىلىعىنىڭ اسكەري بولىمدەرىندە جاڭا وقۋ جىلىنىڭ باستالۋىنا وراي جەكە قۇرامنىڭ سالتاناتتى ساپقا تۇرۋى ءوتتى. جاڭا كەزەڭ «قۋاتتى ارميا - ەل تىرەگى!» ۇرانىمەن باستالدى، دەپ حابارلايدى ق ر ق م باسپا ءسوز قىزمەتى.

اسكەردەگى العاشعى ساباق قازاقستاندىق اسكەردىڭ وتكەن جىلداعى جەتىستىكتەرى مەن قورىتىندىسى، سونىمەن قاتار جاڭا تاپسىرمالاردى ايقىندايتىن مەملەكەتتىك- قۇقىقتىق دايارلىقتان باستالدى. جالپى 2020 -جىلداعى باسىم تاپسىرمالار اسكەرلەردى جوعارعى جاۋىنگەرلىك دايارلىققا كەلتىرۋگە، جەكە قۇرامنىڭ جاۋىنگەرلىك دايىندىعى مەن دالالىق ماشىعىن جەتىلدىرۋگە، بىتىمگەرلىك قىزمەتتى قامتاماسىز ەتۋگە، سونداي- اق اسكەري قىزمەتشىنىڭ مارتەبەسىن ارتتىرۋ مەن الەۋمەتتىك سۇراقتاردىڭ ءتۇيىنىن تابۋعا باسا نازار اۋدارىلادى.

جاۋىنگەرلىك دايارلىق مەملەكەتتىڭ اسكەري قاۋىپسىزدىگىن قامتاماسىز ەتۋ جونىندەگى مىندەتتەردى جانە الدىڭعى وقۋ كەزەڭىندە قول جەتكىزىلگەن جاۋىنگەرلىك وقۋ ناتيجەلەرىن ەسكەرە وتىرىپ جوسپارلانعان.

ايتا كەتسەك، 2019 -جىلى قازاقستاندىق اسكەردىڭ جەكە قۇرامى 109 جەدەل جانە 50000-نان اسا جاۋىنگەرلىك دايارلىق شارالارىنا جۇمىلدىرىلدى. 3700-دەن استام جاۋىنگەرلىك اتۋ مەن تاكتيكالىق وقۋ- جاتتىعۋلار ءوتتى. ونىڭ 1500- ءى تۇندە جۇرگىزىلدى.

اسكەردە ءبىر جىل كولەمىندە 60000-نان استام اسكەر تەكتەرى مەن ارنايى اسكەري ماماندار دايىندالدى. ارميانى تەحنيكالىق جابدىقتاۋ اياسىندا 2019 -جىلى جاۋىنگەرلىك دوڭگەلەكتى ماشينا، ۇشاقسىز ۇشۋ اپپاراتى كەشەنى، 400-دەن اسا اۆتوموبيلدى جانە ارنايى تەحنيكا الىندى. جوسپارلى تۇردە كۇردەلى جوندەۋ جۇمىستارى، بروندى تانكىلىك جانە زىمىران- ارتيللەريالىق قارۋ- جاراقتاردى جاڭعىرتۋ جۇرگىزىلدى. جۇمىستار كوبىنە قازاقستاندىق كاسىپورىندارىمەن جۇزەگە اسىرىلدى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات