+7 (701) 759 90 19
-11 °С : نۇر-سۇلتان
-3 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

جەمقور قىزمەتشىلەرى ءۇشىن باسشىلار جاۋاپ بەرەدى - ەرنار بايانعازين

4 جەلتوقسان 09:00
:ءبولىسۋ
جەمقور قىزمەتشىلەرى ءۇشىن باسشىلار جاۋاپ بەرەدى - ەرنار بايانعازين

پەتروپاۆل. قازاقپارات - سولتۇستىك قازاقستان وبلىسى بويىنشا سىبايلاس جەمقورلىققا قارسى قىزمەتتىڭ باسشىسى ەرنار بايانعازين «مەملەكەتتىك قىزمەت تۋرالى» زاڭنىڭ جاڭا رەداكسياسىنا تۇسىنىك بەردى، دەپ حابارلايدى قازاقپارات ءتىلشىسى.

«تاۋەلسىز قازاقستان تاريحىندا تۇڭعىش رەت باسشىلاردىڭ قول استىنداعى قىزمەتكەرلەرى ءۇشىن جاۋاپكەرشىلىگى زاڭنامالىق دەڭگەيدە بەكىتىلۋى - جەمقورلىققا قارسى كۇرەستە جاڭا كەزەڭنىڭ باستالۋى»، - دەدى ەرنار بايانعازين.

سىبايلاس جەمقورلىققا قارسى ءىس-قيمىل اگەنتتىگىنىڭ س ق و بويىنشا دەپارتامەنتى باسپا ءسوز قىزمەتىنىڭ حابارلاۋىنشا، بۇدان بىلاي مەملەكەتتىك ساياسي قىزمەتشىلەر، ياعني مينيسترلەر مەن ولاردىڭ ورىنباسارلارى، وبلىستاردىڭ، نۇر-سۇلتان، الماتى، شىمكەنت قالالارىنىڭ اكىمدەرى مەن اكىمدەرىنىڭ ورىنباسارلارى، اۋدانداردىڭ اكىمدەرى تىكەلەي باعىنىشتى قىزمەتكەرلەرى سىبايلاس جەمقورلىق قىلمىس جاساعان جاعدايدا وتستاۆكاعا كەتۋگە مىندەتتى.

«زاڭنىڭ جاڭا رەداكسياسىنا سايكەس، ءبىرىنشى باسشى تىكەلەي باعىنىشتى قىزمەتكەرىنە قاتىستى سوتتىڭ ايىپتاۋ ۇكىمى كۇشىنە ەنگەننەن سوڭ كۇنتىزبەلىك 10 كۇن ىشىندە نەمەسە اقتالمايتىن نەگىزدەر بويىنشا قىلمىستىق ءىس توقتاتىلعاننان كەيىن وتستاۆكاعا كەتۋگە مىندەتتى»، - دەپ حابارلادى اۋماقتىق دەپارتامەنت باسشىسى.

ەرنار بايانعازين ناقتى كىمدەردىڭ جاۋاپكەرشىلىككە تارتىلاتىنىن ءتۇسىندىرىپ ءوتتى:

- ورتالىق مەملەكەتتىك ورگاننىڭ باسشىسى (مينيستر) - ونىڭ ورىنباسارلارى، جاۋاپتى حاتشى نەمەسە اپپارات باسشىسى، ايماقتىق بولىمشەلەردىڭ باسشىلارى سىبايلاس جەمقورلىق قىلمىس جاساعان كەزدە قىزمەتىنەن كەتەدى؛

- وبلىس، رەسپۋبليكالىق ماڭىزى بار قالالار، استانا اكىمى - ونىڭ ورىنباسارلارى، اپپارات باسشىسى، اۋداننىڭ (وبلىستىق ماڭىزى بار قالانىڭ) اكىمى ءۇشىن جاۋاپ بەرەدى؛

- ورتالىق مەملەكەتتىك ورگان باسشىسىنىڭ ورىنباسارى (ۆيتسە-مينيستر) قاراماعىنداعى بولىمشە نەمەسە تاۋەلسىز قۇرىلىمدىق بولىمشە باسشىسى قىلمىسقا بارسا؛

- وبلىس اكىمىنىڭ ورىنباسارى جەرگىلىكتى بيۋدجەتتەن قارجىلاندىرىلاتىن اتقارۋشى ورگانداردىڭ باسشىلارى ءۇشىن جاۋاپ بەرەدى؛

- اۋدان اكىمى ءوزىنىڭ ورىنباسارلارىنا، اپپارات باسشىسىنا، جەتەكشىلىك ەتەتىن اۋداندىق اتقارۋشى ورگانداردىڭ باسشىلارىنا، اۋىل، كەنت، اۋىلدىق وكرۋگتەردىڭ اكىمدەرى سىبايلاس جەمقورلىق قىلمىس جاساعان جاعدايدا ورنىنان كەتەدى.

ايتا كەتۋ كەرەك، «مەملەكەتتىك قىزمەت تۋرالى» زاڭعا سايكەس، مەملەكەتتىك قىزمەتشى لاۋازىمعا تاعايىنداعان تۇلعاعا ورنىنان كەتۋ تۋرالى ءوتىنىش بەرەدى. وتستاۆكانى قابىلداۋ نەمەسە قابىلداماۋ - بۇل ساياسي قىزمەتكەردى قىزمەتكە تاعايىنداعان ادامنىڭ قۇزىرەتى.

«ەگەر ساياسي ەمەس، ءبىراق ا جانە ب كورپۋسىنىڭ اكىمشىلىك مەملەكەتتىك قىزمەتشىسى بولسا، وعان تىكەلەي باعىنىشتى قىزمەتكەرلەرى سىبايلاس جەمقورلىق قۇقىق بۇزۋشىلىق جاساعان جاعدايدا تارتىپتىك جاۋاپكەرشىلىككە تارتىلادى»، - دەدى ەرنار بايانعازين.

سولتۇستىك قازاقستان وبلىسىنىڭ سىبايلاس جەمقورلىققا قارسى قىزمەتى باسشىلاردىڭ دەربەس جاۋاپكەرشىلىگى تۋرالى تاپسىرما مىندەتتى تۇردە ىسكە اسىرىلاتىندىعىن جەتكىزدى. بۇعان قوسا، اتالعان نورما قۇقىق قورعاۋ ورگاندارىندا دا تاراتىلماق.

ەسكە سالساق، مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك قىزمەت جانە سىبايلاس جەمقورلىققا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويعان ەدى.

اۆتور: اقەركە داۋرەنبەك قىزى


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات