+7 (701) 759 90 19
-19 °С : نۇر-سۇلتان
-3 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

قازاقپارات كۇنتىزبەسى. بۇگىن حالىقارالىق گەپارد كۇنى

4 جەلتوقسان 08:46
:ءبولىسۋ
قازاقپارات كۇنتىزبەسى. بۇگىن حالىقارالىق گەپارد كۇنى

نۇر-سۇلتان. قازاقپارات - قازاقپارات وقىرماندار نازارىنا 2019 -جىلعى 4 -جەلتوقسانعا ارنالعان كۇنتىزبەسىن ۇسىنادى.

اتاۋلى كۇندەر

جىل سايىن اتاپ وتىلەدى. بۇل كۇن گەپاردتاردى قورعاۋدىڭ ماڭىزى تۋرالى اقپاراتتى تاراتۋ ماقساتىندا بەكىتىلگەن. گەپارد قۇرلىقتى مەكەندەيتىن سۇتقورەكتىلەردىڭ ەڭ جىلدام وكىلى رەتىندە تانىمال. مىسىق تۇقىمداسىنا جاتاتىن جانۋاردىڭ جىلدامدىعى 110 ك م/ساعاتقا دەيىن جەتەدى. ءبىراق ولاردىڭ تابيعاتتاعى سانى تىم ازايىپ كەتكەندىكتەن، قاجەتتى شارالار قولعا الىنباسا جويىلىپ كەتۋ قاۋپى بار.

قىرعىزستاندا «ماناس» ەپوسىنىڭ كۇنى

بۇل كۇن ەل پارلامەنتىنىڭ كەڭەسىمەن جانە قىرعىزستان مادەنيەت، اقپارات جانە تۋريزم مينيسترلىگىنىڭ باستاماسىمەن رەسپۋبليكا ۇكىمەتىنىڭ 2015 -جىلدىڭ 27 ساۋىرىندەگى №259 قاۋلىسىمەن بەكىتىلگەن.

ەستە قالار وقيعالار

1919 -جىلى سەمەي گۋبەرنياسى پارتيا كوميتەتى «سەمەي تاڭى» گازەتىنىڭ العاشقى سانى جارىق كوردى. سودان كەيىن اپتاسىنا 3 رەت شىعاتىن بولدى. ەڭبەكشىلەردى رەۆوليۋتسيانى قورعاۋعا شاقىردى. 1923 -جىلى «ەڭبەكشى جاس» اتتى ايدارىن كومسومول جاستارىنا ارناپ شىعاردى. «سەمەي تاڭى» رەداكتسياسىندا ج. ايماۋىتوۆ، ش. توقجىگىتوۆ، س. دونەنتايەۆ، م. تۇرعانبايەۆ، ش. قۇدايبەردى ۇلى، م. اۋەزوۆ جۇمىس ىستەدى.

1995 -جىلى قازاقستان رەسپۋبليكاسىنىڭ پرەزيدەنتى ن. نازاربايەۆتىڭ جارلىعىمەن جەنەۆاداعى ب ۇ ۇ بولىمشەسى مەن باسقا دا حالىقارالىق ۇيىمدار جانىنان ق ر تۇراقتى وكىلدىگى اشىلدى.

1995 -جىلى قازاقستان رەسپۋبليكاسىنىڭ شۆەيتساريا كونفەدەراتسياسىنداعى ەلشىلىگى اشىلدى.

1998 -جىلى قازاقستان رەسپۋبليكاسى ۇكىمەتىنىڭ قاۋلىسىمەن «قازتەڭىز كولىك فلوت» ۇلتتىق تەڭىز كەمە كومپانياسى» ا ق قۇرىلدى.

2005 -جىلى قازاقستان رەسپۋبليكاسى پرەزيدەنتىنىڭ سايلاۋى ءوتتى. وعان 5 كانديدات قاتىستى. نۇرسۇلتان نازاربايەۆ %91,15 داۋىس جيناپ، 7 جىلدىق مەرزىمگە قايتا سايلاندى. داۋىس بەرۋگە سايلاۋشىلاردىڭ %77 قاتىستى. سايلاۋ ەلەكتروندى داۋىس بەرۋ جانە ءداستۇرلى بيۋللەتەندەر كومەگىمەن ءوتتى.

2012 -جىلى استانادا جاڭا ەلەكتروۆوز قۇراستىرۋ زاۋىتى اشىلدى.

2014 -جىلى ق ر ۇلتتىق كىتاپحاناسىندا «قازاق ونەرىنىڭ انتولوگياسى» جوباسىنىڭ اياسىندا قازاق ايتىسىنىڭ جەتى تومدىق جيناعى تانىستىرىلدى.

2017 -جىلى ايەلدەر اراسىندا حالىقارالىق گروسسمەيستەر، حالىقارالىق شەبەر، قىزدار اراسىندا قازاقستان رەسپۋبليكاسىنىڭ بىرنەشە دۇركىن جانە ابسوليۋتتى چەمپيونى، شاحماتتان ءتورت دۇركىن الەم چەمپيونى، «قازاقستاننىڭ 100 جاڭا ەسىمى» جوباسىنىڭ جەڭىمپازى دينارا ءسادۋاقاسوۆانىڭ شاحمات تۋرالى العاشقى «شاحمات ويناپ ۇيرەنەيىك» كىتابى شىقتى.

2018 -جىلى يلون ماسكتىڭ «SpaceX» كومپانياسى ءال-فارابي اتىنداعى قازاق ۇلتتىق ۋنيۆەرسيتەتى جاساپ شىعارعان «اl-Farabi-2» قازاقستاندىق نانوسپۋتنيگىن ىسكە قوستى. ول استانا ۋاقىتىمەن 00:32-دە كاليفورنيا شتاتىنداعى (ا ق ش) ۆاندەبەرگ اسكەري- اۋە بازاسىنان ءساتتى ۇشىرىلدى.

2018 -جىلى پاۆلودار وبلىسىندا اۋىل ازاماتتارى حان ابىلايدىڭ ەرلىك جورىعىن دارىپتەيتىن ەسكەرتكىش بەلگى ورناتتى. «ابىلاي، نايزا مەكەنى» نەمەسە «شابانباي جايىلىمى» دەپ اتالاتىن تاريحي جەر باسكول اۋىلىنىڭ ىرگەسىندە جاتىر. جاۋگەرشىلىك زاماندا جوڭعار شاپقىنشىلارى قالماققىرىلعان تاۋىنىڭ ەتەگىندە ۇلكەن تويتارىسقا ۇشىرايدى.

ءدال سول جولى جاۋعا قارسى اتوي سالعان قالىڭ اسكەر شابانباي دەگەن داۋلەتتى ادامنىڭ جايىلىمىنا كەلىپ ءۇش كۇن ايالداپتى. جاۋجۇرەك باتىرلاردىڭ جولسوقتى كەيپىن كورگەن جومارت جان حان ابىلايدىڭ قاراماعىنداعى جاساققا 500 سايگۇلىك مىنگىزىپ، كيىم-كەشەك پەن اس-سۋلارىن ازىرلەپ بەرگەن دەسەدى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات