+7 (701) 759 90 19
-19 °С : نۇر-سۇلتان
-3 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

اقىندار ادالدىق پەن وتانشىلدىقتى جىرلادى

4 جەلتوقسان 08:16
:ءبولىسۋ
اقىندار ادالدىق پەن وتانشىلدىقتى جىرلادى

كوكشەتاۋ. قازاقپارات - كوكشەتاۋدا قازاقستان رەسپۋبليكاسى تاۋەلسىزدىگىنىڭ 28 جىلدىعىنا ارنالعان «تاۋەلسىز ەلىمدى جىرلايمىن» اتتى اقىندار ءمۇشايراسى ءوتتى، دەپ حابارلايدى قازاقپارات ءتىلشىسى وبلىستىق ىشكى ساياسات باسقارماسىنا سىلتەمە جاساپ.

ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن جۇزەگە اسىرۋ، سونداي- اق «اقمولا - ادالدىق الاڭى» جوباسى شەڭبەرىندە كوكشەتاۋ قالاسىنىڭ مادەنيەت جانە تىلدەردى دامىتۋ ءبولىمى ۇيىمداستىرعان ءمۇشايرانىڭ ماقساتى - جاس ۇرپاققا پاتريوتتىق تاربيە بەرۋ، پاراساتتىلىق، ادالدىق قاعيدالارىن قالىپتاستىرۋ، ۇلتتىق رۋحاني مۇرانى ناسيحاتتاۋ.

بايقاۋعا 16-29 جاس ارالىعىنداعى 26 تالانتتى اقىندار مەن ورىنداۋشىلار قاتىستى. جاس اقىندار پەتروپاۆل، سەمەي، نۇر-سۇلتان، ستەپنوگورسك جانە كوكشەتاۋ قالالارىن تانىستىردى.

قازىلار القاسىنىڭ قۇرامىندا قازاقستان جازۋشىلار وداعىنىڭ مۇشەسى، قازاقستان جۋرناليستەر وداعىنىڭ اقمولا وبلىستىق فيليالىنىڭ ءتوراعاسى سەرىك جەتپىسقاليەۆ، ش. ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ وقىتۋشىسى فيليولوگيا عىلىمدارىنىڭ كانديداتى، دوتسەنت ءسابيت جامبەك، اقىن قۋانىش وسپان، اقمولا وڭىرلىك «رۋحاني جاڭعىرۋ» جوبالىق كەڭسەسىنىڭ جەتەكشىسى قايرات سەيتقازين، ش. ءۋاليحانوۆ اتىنداعى مەملەكەتتىك ۋنيۆەرسيتەتى تاريح ءپانىنىڭ وقىتۋشىسى تالاپكەر ۋالييەۆ بولدى.

ءىس-شاراعا اقمولا وبلىسى بويىنشا سىبايلاس جەمقورلىققا قارسى ءىس- قيمىل دەپارتامەنتى باسشىسىنىڭ ءبىرىنشى ورىنباسارى ارمان بەردالين قاتىسىپ، اقىندار قوعامنىڭ سىبايلاس جەمقورلىققا قارسى مادەنيەتىن قالىپتاستىرۋدا ماڭىزدى ءرول اتقاراتىنىن اتاپ ءوتتى.

بەلگىلى بولعانداي، سىبايلاس جەمقورلىق قازىرگى زاماننىڭ وتكىر ماسەلەلەرىنىڭ ءبىرى بولىپ تابىلادى، سوندىقتان ادالدىق، ادامگەرشىلىك، ساتىلماۋشىلىق سياقتى قۇندىلىقتاردى ناسيحاتتاۋ ارقىلى اقىندار جوعارى مادەنيەتتى جانە پاتريوتتىق سانا سەزىمدەگى وسكەلەڭ ۇرپاقتى قالىپتاستىرۋعا ەرەكشە ۇلەس قوسادى.

بايقاۋ قورىتىندىسى بويىنشا باس جۇلدەنى م. جۇمابايەۆ اتىنداعى اقمولا وبلىستىق امبەباپ- عىلىمي كىتاپحاناسىنىڭ قىزمەتكەرى ورالبەك ءنۇرىش جەڭىپ الدى. ءبىرىنشى ورىندى ورتالىق قازاقستان اكادەمياسىنىڭ ستۋدەنتى اسەمگۇل سەرىكبول، ەكىنشى ورىندى - نۇر- سۇلتان قالاسىنان ابىلاي ماۋلەن مەن پەتروپاۆل قالاسىنان ابىلايحان ءاشىمحان جانە ءۇشىنشى ورىندى سەمەي قالاسىنان ەلامان وسپان جانە كوكەن شاكەي ۇلى اتىنداعى اقىندار مەكتەبىنىڭ شاكىرتى ۇعىلان قاراشاش يەلەندى.

جەڭىمپازدار العىس حات جانە ەستەلىك سىيلىقپەن ماراپاتتالدى.

اۆتور: اسلان وسپانوۆ


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات