ەلىمىزدە «جاسىل» تەحنولوگيالارعا نەگىزدەلگەن ۆاگوندار قولدانىسقا ەنگىزىلەدى
بۇل تۋرالى «جولاۋشىلار تاسىمالى» ا ق باس ديرەكتورىنىڭ كورپوراتيۆتىڭ ماسەلەلەر جونىندەگى ورىنباسارى اسىلحان قالدىكوزوۆ ءمالىم ەتتى، دەپ حابارلايدى قازاقپارات ءتىلشىسى.
«توزىعى جەتۋىنە بايلانىستى جىل سايىن 100 دەن استام ۆاگوننىڭ جۇمىسى توقتاتىلادى. كومپانيادا ۇكىمەتتىڭ قولداۋىمەن ۆاگوندار پاركىن جاڭارتۋ جوسپارى بار. بيىل مەملەكەتتىڭ قولداۋىمەن «جولاۋشىلار تاسىمالى» زاماناۋي 63 جاڭا جولاۋشىلار ۆاگونىن الدى. جالپى، 2019-2020 -جىلدارى تاعى دا 146 ۆاگون ساتىپ الۋ جوسپارلانعان. وسى ورايدا قاجەتتىلىكتى بارىنشا جابامىز دەپ ۇمىتتەنەمىز» ، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ سوزىنە قاراعاندا، كومپانيا قولدانىستاعى ۆاگونداردى جاڭعىرتۋدى قاراستىرىپ وتىر. ياعني، ۆاگونداردى ىستەن شىعارماي، ولاردىڭ قىزمەت كورسەتۋ مەرزىمىن ۇزارتۋ ەسكەرىلگەن.
«بۇگىندە ق ت ج كومپانياسى «جاسىل تەحنولوگيالارعا» كوشۋدى پىسىقتاپ جاتىر. بۇل تۇرعىدا قازىرگى كەزدە ۆاگونداردا كومىر جاعىلىپ كەلسە، ەندى الداعى 2-3 -جىلدا كومىردى پايدالانۋدى توقتاتۋ جوسپارى بار. «جاسىل» ۆاگوندارعا بارىنشا ەكپىن قويىلادى. 2022 -جىلدان باستاپ كومپانيا «جاسىل» تەحنولوگيالارعا نەگىزدەلگەن ۆاگونداردى ساتىپ الۋ نەمەسە جاڭارتۋدى كوزدەپ وتىر» ، - دەدى اسىلحان قالدىكوزوۆ.