لوگيكالىق ويلاۋ مەن ەستە ساقتاۋدى دامىتاتىن ويىندار

نۇر-سۇلتان.قازاقپارات - اتا- انالار مەن مۇعالىمدەر بالانىڭ لوگيكالىق ويلاۋىن جانە اقپاراتتى ەستە ساقتاۋىن دامىتۋدىڭ ماڭىزدىلىعى تۋرالى بىلەدى. ول تەك مەكتەپتە ەمەس، كۇندەلىكتى ومىردە دە قاجەت بولادى.

ءبىراق ۇزدىكسىز ەسەپ شىعارۋ زيان جانە مۇمكىن ەمەس. الايدا بالالار ويىن ارقىلى دامىپ جەتىلەدى.

 1. رۋبيك كۋبيگى بۇل باس قاتىرعىش ويىنشىقتى 1974 -جىلى ارحيتەكتۋرا ءمۇعالىمى ەرنە رۋبيك ويلاپ تاپقان. كۋبيك بىردەن كەڭ تاراپ، قاراپايىم ويىنشىقتان ۆۋندەركيندتەردىڭ اتريبۋتىنا اينالدى. ونىڭ تانىمال 3×3×3 ۇلگىدەگى ءتۇرى سىرتىنان قاراعاندا قاراپايىم بولىپ كورىنگەنىمەن ودان 43252003274489856000 امال جاساۋعا بولادى. ونىڭ ىشىندە تەك بىرەۋى - دۇرىس. بۇل جەردە تەك لوگيكا ەمەس، ەستە ساقتاۋ قابىلەتى دە جۇمىس سىنالادى: شەشىمىن تابۋ ءۇشىن ءوزىڭنىڭ الدىڭعى قادامدارىڭدى جاتتاپ وتىرۋىڭ قاجەت. قازىر رۋبيك كۋبيگىن ماتەماتيكا عىلىمى زەرتتەيدى، ونى جيناۋ الگوريتمىنە ارنالعان عىلىمي جۇمىستار دا بار. وعان بايلانىستى كوپتەگەن سالىستىرۋلار جۇرگىزىلەدى جانە ويىنشىقتى وندىرۋشىلەر ونىڭ كۇردەلى تۇرلەرىن وڭدەپ شىعارادى.

 2. كلاسسيكالىق ۇستەل ويىندارى: شاحمات، دويبى شاحمات - الەم بويىنشا تانىمال ەڭ ەجەلگى ۇستەل ويىندارىنىڭ ءبىرى. شاحماتتا كلاسسيكالىق ەرەجەلەر بويىنشا ويناپ قانا قويماي، ءوز ۆارياتسياڭدى ويلاپ تابۋعا بولادى. جەڭۋ ءۇشىن ستراتەگيالىق ويلاپ، ءار كەلەسىن قادامىن جوسپارلاپ قويۋ ماڭىزدى. سونىمەن قاتار، شاحمات ەستە ساقتاۋدى جاتتىقتىرادى. ءجۇرىس امالدارى ءجيى قايتالانادى، ال شاحماتشىلار مۇمكىن قادامداردى ويىندا ساقتاپ تۇرادى. قارسىلاستار قۋلىق جاساۋى دا ابدەن مۇمكىن، سوندىقتان شاحمات زەيىن قويۋدى دا دامىتادى.

 3. سىرىڭكەمەن وينالاتىن باس قاتىرعىشتار «بۇل ەسەپتى 18 جاستان اسقان ادامداردىڭ تەك %1 ى شەشە الادى!» - الەۋمەتتىك جەلىلەردەگى پاراقشالاردان كلاسسيكالىق سىرىڭكە ەسەپتەرىن وسىنداي جارنامامەن كورۋگە بولادى. ولاردى شەشۋ وڭاي ەمەس، ءبىراق مىنا انىقتامادا سيپاتتالعانداي قيىن دا ەمەس. مۇنداي ەسەپتەردى شەشۋگە سىرىڭكە قولدانۋ مىندەتتى ەمەس، ونىڭ ورنىنا ءتىس تازارتقىش، قارىنداش، قالام، اعاش سىنىقتارىن قولدانۋعا بولادى.

 4. شۋلتە كەستەسى شۋلتە كەستەسى - ىشىندە ساندارى بار شارشى تورلار. شۋلتە كەستەسىندەگى ۇياشىقتاردا تەك ساندار ەمەس، ارىپتەر، تۇستەر، تاڭبالار نەمەسە سمايليكتەر بولۋى مۇمكىن. باستى مىندەت - كەستەدەن قانداي دا ءبىر نىساندى تابۋ. بەرىلگەن تاپسىرمانى جىلدام جانە ءدال تابۋ كەرەك.

Massaget.kz