ەلورداداعى كولىكتەردىڭ جارىق بەرۋ قۇرالدارىنا تەكسەرۋ جۇرگىزىلمەك
قالالىق پوليسيا دەپارتامەنتىنىڭ حابارلاۋىنشا، بۇل شارا قاۋىپسىزدىكتى ساقتاۋ اياسىندا جۇرگىزىلۋدە.
«018/2011 «دوڭعالاقتى كولىك قۇرالدارىنىڭ قاۋىپسىزدىگى تۋرالى» كەدەن وداعىنىڭ تەحنيكالىق رەگلامەنتىنە سايكەس اۆتوكولىك فارلارىنا اۋىسپالى جارىق كوزىن، دايىنداۋشى زاۋىت بەلگىلەگەن جارىق كوزى سىنىبىنا سايكەس كەلمەيتىن، اتاپ ايتقاندا LED جانە كسەنوندىق شامداردى قولدانۋعا جول بەرىلمەيدى. سونىمەن قاتار اۆتوكولىكتەردىڭ نەگىزگى جارىق فارلارى دەڭگەيىنەن، ياعني كاپوتتىڭ دەڭگەيىندە، جۇكسالعىشقا (اۆتوماشينانىڭ توبەسىنە) جانە ت. ب. قوسىمشا جارىقتاندىرۋ اسپاپتارىن ورناتۋعا ءۇزىلدى- كەسىلدى تىيىم سالىنادى» ، - دەلىنگەن تاراتىلعان حابارلامادا.
كورسەتىلگەن تالاپتاردى بۇزعانى ءۇشىن جۇرگىزۋشى قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ (بۇدان ءارى - كودەكس) 590-بابى 5-بولىگى بويىنشا 12625 تەڭگە سوماسىنا، سونداي- اق كودەكستىڭ 590-بابى 7-بولىگى بويىنشا 37875 تەڭگە سوماسىنا ايىپپۇل سالىنا وتىرىپ جاۋاپتىلىققا تارتىلادى.
اۆتوكولىكتەردىڭ مەملەكەتتىك نومىرلىك بەلگىسىن الىپ قويا وتىرىپ، كوممۋنالدىق ايىپپۇل تۇراعىنا قويۋ ارقىلى پايدالانۋعا تىيىم سالىنادى.