اتى اڭىزعا اينالعان«قايراتتىڭ» باپكەرى قايتىس بولدى

الماتى. قازاقپارات - قازاق س س ر ەڭبەك سىڭىرگەن جاتتىقتىرۋشىسى، «قايرات» فۋتبول كلۋبىنىڭ ارداگەرى لەونيد وستروۋشكو 83 جاسقا قاراعان شاعىندا قايتىس بولدى، دەپ حابارلايدى قازاقپارات ءتىلشىسى كلۋبتىڭ باسپا ءسوز قىزمەتىنە سىلتەمە جاساپ.

ول فۋتبولشى جانە تالىمگەر رەتىندە دە ۇلتتىق قۇرامانىڭ جارقىن وكىلى بولدى.

التى ماۋسىمدا وستروۋشكو جوعارى ليگادا وينادى، 200 ماتچ وتكىزىپ، 8 گول سوقتى. ءبىرىنشى ليگادا وتكەن 7 ماۋسىمدا وستروۋشكو 55 رەت گول سوقتى. سونىمەن بىرگە، 1957 -جىلى ول وسى كلۋبتىڭ ۇزدىك بومبارديرى اتاندى.

لەونيد كونستانتينوۆيچ ۇزاق جىلدار بويى «قايرات» فۋتبول كومانداسىن جاتتىقتىردى. 1986 -جىلى «قايرات» كسرو چەمپيوناتتارىندا كسرو جوعارى ليگاسىندا 6-ورىنعا يە بولدى. 1988 -جىلى الماتىلىق فۋتبولشىلار كەڭەس وداعىنىڭ فەدەراتسيا كۋبوگىن جەڭىپ الدى.

2003 -جىلى «قايرات» لەونيد كونستانتينوۆيچتىڭ جەتەكشىلىگىمەن قازاقستان كۋبوگىنىڭ بەس دۇركىن جەڭىمپازى اتاندى.

«قايرات» فۋتبول كلۋبى لەونيد وستروۋشكونىڭ تۋىستارى مەن جاقىندارىنا قايعىرىپ كوڭىل ايتادى.