+7 (701) 759 90 19
-9 °С : نۇر-سۇلتان
-1 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

الماتىدا «باستاۋ» حالىقارالىق كينوفەستيۆالى باستالدى

3 جەلتوقسان 16:48
:ءبولىسۋ
الماتىدا «باستاۋ» حالىقارالىق كينوفەستيۆالى باستالدى

الماتى. قازاقپارات - الماتىدا ستۋدەنتتىك جانە دەبيۋتتىك فيلمدەردىڭ «باستاۋ» Ⅷحالىقارالىق فەستيۆالى باستالدى. بايقاۋ بارىسىندا قاتىسۋشىلار ءوز تۋىندىلارىن تانىستىرىپ، كاسىبي كينوماتوگرافتار شەبەرلىك- ساباقتار وتكىزەدى، دەپ حابارلايدى قازاقپارات ءتىلشىسى.

جىل سايىن وتەتىن بۇل شارا حالىقارالىق ءارى كاسىبي بايلانىستاردى نىعايتۋ مەن كەڭەيتۋگە، كينو سالاسىنداعى جاس تالانتتاردىڭ مايتالمان شەبەرلەرمەن پىكىر الماسۋىنا مۇمكىندىك بەرەتىن الاڭعا اينالىپ وتىر.

بيىل فەستيۆالدىڭ رەسمي باعدارلاماسى كەڭەيىپ، ول حالىقارالىق ەكى بايقاۋدان تۇرادى بولادى:

Bastau shorts - ەۋروپا جانە الىس- جاقىن شەتەل ستۋدەنتتەرى كەيىنگى 2 جىلدا تۇسىرگەن قىسقامەتراجدى كوركەم، انيماتسيالىق جانە دەرەكتى فيلمدەردىڭ حالىقارالىق كونكۋرسى؛

Bastau debuts- ەۋروپا جانە الىس- جاقىن شەتەلدە كەيىنگى 2 جىلدا تۇسىرىلگەن تولىقمەتراجدى دەبيۋتتىك كوركەم فيلمدەردىڭ حالىقارالىق كونكۋرسى.

«ءبىزدىڭ فەستيۆالىمىز شىعارماشىل جاستارعا باستاۋ بولاتىن، تاجىريبە الماسۋعا جانە جاس كينوگەرلەرگە ءوز جوبالارىن كەڭىنەن ناسيحاتتاۋ ءۇشىن ىنتىماقستاستىققا جول اشاتىن كاسىبي الاڭ. فەستيۆالدىڭ باستى ەرەكشەلىگى - بۇل شىعارماشىلىق ەركىندىك. ونىڭ تىنىس- ىرعاعىن قاتىسۋشى جاس بۋىن ءوزى ايقىندايدى. سوندىقتان دا فەستيۆالدىڭ ۇرانىن «جاڭا بۋىن كينوسى» دەپ الدىق. فەستيۆالدىڭ ارقاسىندا ءبىز قازاق رەجيسسۋراسىندا جاڭا تولقىننىڭ پايدا بولۋىنا كۋا بولامىز» - دەدى «باستاۋ» كينوفەستيۆالىنىڭ پرەزيدەنتى سەرگەي ءازىموۆ.

Bastau debuts تولىقمەتراجدى فيلمدەردىڭ حالىقارالىق بايقاۋىنا 10 كارتينا تاڭدالىپ الىندى. ولاردىڭ قاتارىندا ءتۇرلى حالىقارالىق بايقاۋلاردا توپ جارىپ، وق بويى العا شىعىپ جۇرگەن «اۆرورا» (قىرعىزستان) ، بەرلين كينوفەستيۆالىنە قاتىسقان «ولاردى كورگەن سوڭعى ادام» (گەرمانيا) ، ءۇندىستان مەن قىتايدىڭ بىرلەسىپ تۇسىرگەن «اۋىرسىنۋ» فيلمى، «بەيىتتەردى جىلجىتۋ» كينولەنتاسى (كورەي) ، الەمدىك جەتەكشى كينوفەستيۆالدەر لاۋرەاتى - «ءماريام» (قازاقستان) جانە باسقا دا كارتينالار بار.

بۇل كونكۋرسقا بەلگىلى رەسەيلىك رەجيسسەر، سەناريست ءارى پروديۋسەر ميحايل سەگال جەتەكشىلىك ەتەتىن حالىقارالىق قازىلار القاسى باعا بەرەدى. ءادىل قازىلار قۇرامىندا: يسپاندىق كينوسىنشى، كينوفەستيۆالدىڭ سان- سەباستيانداعى ىرىكتەۋ كوميتەتىنىڭ مۇشەسى روبەرتو كۋەتو، فرانسيالىق پروديۋسەر ءارى ديستريبيۋتەر دەنيس ۆاسلين، رەسەيلىك تەاتر جانە كينو اكتريساسى نەللي ۋۆاروۆا، قازاقستاندىق تانىمال اكتەر ءارى پروديۋسەر فارحات ءابدىرايىموۆ. سونداي- اق فەستيۆال بارىسىندا ستۋدەنتتىك قازىلار القاسى دا جۇمىس ىستەيدى. بيىل ونىڭ قۇرامىنا قازاقستان، ارمەنيا، بەلارۋس، رەسەي، قىرعىزستان وكىلدەرى كىرىپ وتىر.

Bastau shorts - قىسقامەتراجدى فيلمدەر بايقاۋىنا قاتىسۋ ءۇشىن بيىل الەمنىڭ 44 ەلىنەن 360 ءوتىنىم كەلىپ تۇسكەن. مۇنداي رەكوردتىق كورسەتكىش فەستيۆالعا دەگەن قىزىعۋشىلىق پەن ونىڭ حالىقارالىق بەدەلىنىڭ ارتا تۇسكەنىن ايعاقتايدى. ءتىزىمدى رەسەي باستاپ تۇر، بۇل ەلدەن 60 فيلم جولدانعان.

بۇل باعدارلاماعا قازاقستان 6 كارتينا ۇسىندى: كاميللا بەردىمۇراتوۆانىڭ «تاقسىر» دەرەكتى فيلمى، ايداربەك ءابدىلقادىردىڭ «تەرەڭ سۋ» انيماتسيالىق تۋىندىسى، سامعار راقىمنىڭ «ديپلوممەن اۋىلعا» فيلمى، ەلامان شاۋبانوۆتىڭ «باۋىر» كارتيناسى، دارينا ماناپوۆانىڭ «ماۋلەن» دراماسى جانە باعلان قۇدايبەرليەۆتىڭ «تىنىشتىق بايانى» فيلمى.

قىسقامەتراجدى فيلمدەرگە قازىلىق ەتەتىن القانىڭ ءتوراعاسى فرانسيالىق رەجيسسەر، سەناريست، ساندەرس بەدەلدى كينوفەستيۆالىنىڭ ەكى مارتە جەڭىمپازى، ۆەنەتسيا كينوفەستيۆالىنىڭ جۇلدەگەرى گەلا بابلۋاني. سونداي- اق قازىلار القاسىنىڭ قۇرامىندا وزبەكستاننىڭ ەڭبەك سىڭىرگەن ءارتيسى رانو شوديەۆا، «ليستوپاد» حكف باعدارلامالىق ديرەكتورى يگور سۋكمانوۆ، رەسەيلىك تەاتر جانە كينو اكتەرى الەكساندر پاشكوۆ، قازاقستاندىق رەجيسسەر ءشاريپا ورازبايەۆالار بار.

قازىلار القاسى مەن قوناقتارى وتكىزەتىن شەبەرلىك دارىستەر، شىعارماشىلىق كەزدەسۋلەر كەزىندە ستۋدەنتتەر كينو سالاسىنا قاتىستى قىزىقتىراتىن سۇراقتارىنا جاۋاپ الا الادى.

فەستيۆال باعدارلاماسىنىڭ ماڭىزدى بولىگىنىڭ ءبىرى - حالىقارالىق كينومەكتەپتەر قاۋىمداستىعىنىڭ قۇرامىنا جاڭا مۇشەلەردى قابىلداۋ تۋرالى مەموراندۋمعا قول قويۋ بولماق.

حالىقارالىق بايقاۋ بۇگىن ساعات 19:00 دە «الاتاۋ» ءداستۇرلى ونەر تەاترىندا رەجيسسەر شاريپا ورازبايەۆانىڭ «ءماريام» فيلمىمەن اشىلادى.

قالا تۇرعىندارى مەن قوناقتارى ءتۇرلى جانرداعى 80 گە جۋىق كينونى Bekmambetov Cinema (اباي داڭع.109 ۆ، Globus ح ك ف، 2- قابات) كينوتەاترىندا تەگىن تاماشالاي الادى.

جەڭىمپازداردىڭ ەسىمدەرى 2019 -جىلدىڭ 7 - جەلتوقسانىندا وتەتىن ماراپاتتاۋ سالتاناتىندا جاريالانادى.

«باستاۋ» ستۋدەنتتىك جانە دەبيۋتتىك فيلمدەردىڭ حالىقارالىق فەستيۆالى الماتى قالاسى اكىمدىگىنىڭ، ت. ق. جۇرگەنوۆ اتىنداعى قازاق ۇلتتىق ونەر اكادەمياسىنىڭ، Tanaris Production كومپانياسىنىڭ، «تۇران» ۋنيۆەرسيتەتى جانە ش. ايمانوۆ اتىنداعى «قازاقفيلم» كينوستۋدياسىنىڭ قولداۋىمەن ۇيىمداستىرىلدى.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات