پرەزيدەنت قىزىلوردا وبلىسىندا جول اپاتىنان قازا تاپقانداردىڭ تۋىستارىنا كوڭىل ايتتى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ قىزىلوردا وبلىسىندا بولعان اۆتوبۋس اپاتىنان قازا تاپقانداردىڭ تۋىستارىنا كوڭىل ايتتى، دەپ حابارلايدى قازاقپارات پرەزيدەنتتىڭ Twitter پاراقشاسىنا سىلتەمە جاساپ.

« قىزىلوردا وبلىسىندا اۆتوبۋس اپاتىنان قازا تاپقان ادامداردىڭ تۋىستارىنىڭ قايعىسىنا ورتاقتاسىپ، كوڭىل ايتامىن. زارداپ شەككەندەردىڭ وتباسىلارىنا قاجەتتى كومەك كورسەتىلەدى. جول قاۋىپسىزدىگى ءتيىستى ۆەدومستۆولار مەن اكىمدىكتەردىڭ ەرەكشە نازارىندا بولۋى ءتيىس» دەپ جازدى قاسىم-جومارت توقايەۆ.

ەستەرىڭىزگە سالا كەتەلىك، اتالمىش وقيعا بۇگىن تاڭعى 04.30 شاماسىندا بولدى. وقيعا سالدارىنان 8 ادام قازا تاۋىپ، 21 ادام ەمدەۋ ورىندارىنا جاتقىزىلدى.

وقيعاعا بايلانىستى ق ر ىشكى ىستەر مينيسترلىگى تۇسىنىك بەردى.

سونداي-اق، سەگىز ادامنىڭ ءومىرىن قيعان «قىزىلوردا- قۇمكول» جولىنداعى اۆتوبۋس اپاتىنا بايلانىستى قىلمىستىق ءىس قوزعالدى.